رد: فوق هام السحب ( الشعر الشعبي) على متن القوافي
 

سايرتهم من شان فهم الأساليب
حتى خذيت من التجارب شهايد

حتى عرفت أطباع بعض الأصاحيب
وعرفت ويش أختار وقت الشدايد

ماكل من خاواك يرهي لك الطيب
ولا شك بالأجواد ناقص وزايد

....

رد: فوق هام السحب ( الشعر الشعبي) على متن القوافي
 

ناسٍ ليا غابو على البال يطرون
وغيابهم لازاد يأثر علينا

وناسٍ ولو كانو يرحون ويجون
بغيابهم وحضورهم مادرينا

....

رد: فوق هام السحب ( الشعر الشعبي) على متن القوافي
 

لاتنشـدوني يـاعرب وين بـ اروح
بسري مع الهاجوس وأتبع ظنونـي

الضيقه اللـي تاتـي شوي وتـروح
أحـيان تقعــد لـين تبكـي عيونـي

....

رد: فوق هام السحب ( الشعر الشعبي) على متن القوافي
 

‏إبتسم للصبح لو تقسى الظروف
من سحاب الكون ماضاقت سماه

كم كفيف قلبه المُبصر يشوف
وكم بصيرن قلبه الميت عماه

....

رد: فوق هام السحب ( الشعر الشعبي) على متن القوافي
 

‏الجرح يبقى مابتمحيه الاعذار
حتى ولو قلنا لك العذر مقبول

كسر الزجاج اذا انجبر كله اضرار
والجرح غاير حيل والقلب معلول

حنا نجامل بعضنا مابه أسرار
ترى المجامل زين إذا الهرج معسول

بقلمي

رد: فوق هام السحب ( الشعر الشعبي) على متن القوافي
 

رسالتي لك...

لاتبادل الكراهيه بالكراهيه مع أحد
أحرجه بالطيب فيصبح بين أمرين
أما أن يكفيك شره
أو يخجل ويتحول إلى صديق

بقلمي

رد: فوق هام السحب ( الشعر الشعبي) على متن القوافي
 

‏حرف ٍ كتبته جاز لي في معانيه
وحرف ٍ على سطر المعاني كتبني

شاعر وسولف عن زماني وحاكيه
واطلب هجوس القاف لو ماطلبني

والليا زهمته باح سده وخافيه
كنه يقول احساس حرفك جذبني

يسري وانا مع هجعة الليل اسريه
اقوله حياك ويقول زدني

....

رد: فوق هام السحب ( الشعر الشعبي) على متن القوافي
 

‏المواقف بينت معدن قلوب البشر
والنوايا الباطنه ينكشف لك سرها

القلوب السود بالوقت قامت تنتشر
والقلوب الوافيه عظم الله أجرها

....

رد: فوق هام السحب ( الشعر الشعبي) على متن القوافي
 

الليله اللي وراها يسري الساري
فيها من الدمع والحرمان ماريّه

وقفت لابايع اللحظه ولا شاري
لين ابتدت في ضميري جمرهٍ حيّه

يجيبه الليل والنسناس والطاري
ولا يجيب القصيد الا طواريّه

....

رد: فوق هام السحب ( الشعر الشعبي) على متن القوافي
 

في غيبتك تثقل علي الدقايق
والوقت مع غيرك ماعاد ينطاق

ربطتني ما بين عهد ووثايق
وخليتني بس للقصايد والاوراق

واليوم اقول لك دون كل الخلايق
ماعيني لغيرك من الناس تشتاق

....