|
رد: فوق هام السحب ( الشعر الشعبي) على متن القوافي
لا تلومني لا جيت كلي من أقصاي
مافيـه غيرك لا تضايقت جيتـه جيتك ولا غيرك ذكرته بمسـراي جيتك وكل إنسان غيرك نسيتـه جيتك وأنا ماني بـ أنا تايه الـراي جيتك وأنا مدري وش اللي بغيته ...... |
رد: فوق هام السحب ( الشعر الشعبي) على متن القوافي
أستقبلك كن مالي قبل عرفك طراه
وأستدبر الأرض عنوه والبساط احمدي سمي دروبي بـ أساميها مضيق ونفاه وأخذي من الشعر إذعان الرضا واخلدي محتاج وجهٍ يرجعني أحب الحياة وأنتِ جميع الحلول الممكنة في يدي ...... |
رد: فوق هام السحب ( الشعر الشعبي) على متن القوافي
يالله بصبحٍ يجتمع فيه ثنتين
سترك وعفوك ياكريم العطايا وانك تثبتنا على منهج الدين والرابعه تمحي جميع الخطايا بقلمي |
رد: فوق هام السحب ( الشعر الشعبي) على متن القوافي
شكراً على الخذلان والا مُبالاه
قوّيت قلبي بـ الجروح . وتقـوّى سويت لك كل شي كنت اتمنّاه وسويت فيني شي ما ينتسوّى ...... |
رد: فوق هام السحب ( الشعر الشعبي) على متن القوافي
من يــدوّر للمشــاكل والكلام الفــاضي
بشّره يلقــاء بها قسمــه ويشبــع منها عزتي لـه كانه بوضعــه ونفســه راضي ويحسب العالم بترفعــها اليا طمّــنها لايقول أن غلطتي بكره بتصبح ماضي لا أحصلت ما عاد ينفع لو تراجع عنها عبدالله بن حمد |
رد: فوق هام السحب ( الشعر الشعبي) على متن القوافي
لا صار صاحبك بين الرَيب والشِكّة
لا تعطي الأجودي قدرٍ ماهو قدره لو هو ضحك والسنون البيض مصطكّه ماتامنه و الزمن ماينومن غدره وإن جيت فالموقف اللّي ما مِنْه فكّة الله لا يحداك فوق الفزعة الودره أحدٍ ليا قلت تكفى يضرب السكّة و أحدٍ ليا قلت له تكفى ضرب صدره عيضه الثبيتي |
رد: فوق هام السحب ( الشعر الشعبي) على متن القوافي
الطلقة اللي بالظهر من ولد عّم
أنشهد إنها يافهد روعتني حاولت أغطي جرحها واستر الدم وأقول ثارت بالخطأ ماوجعتني زياد بن نحيت |
رد: فوق هام السحب ( الشعر الشعبي) على متن القوافي
على الهون يا وقتٍ خذا كل راحة بال
عزاز النفوس لذلّها منت حاديها ليا هانت العشره وجات القصار طوال تموت الرجال بعزّها ..وبمباديها ترى اللي تسوق إله الغرابيل فالفنجال كبار الخطوب وهو صبي متقهويها من إشتدّ عوده في معافر ردى الأحوال بعد ما بلغ شدّه ماهو مبتلش فيها فهد سفر |
رد: فوق هام السحب ( الشعر الشعبي) على متن القوافي
تغاضى وخلك سمح وابعد عن الواشين
ترا اهل الوشا دايم على النار وقاده تعايش مع الافكار مابين زين وشين وحذرا تحلل كل منطوق يزياده ولاجل ماتعيش العمر كله مابين وبين تجاهل ترا بعض الجهل نوعه عباده يقولون لاتسمع سواليف ابووجهين وانا اقول سور الصين من يقدر ابعاده نواف العضياني |
رد: فوق هام السحب ( الشعر الشعبي) على متن القوافي
لاتقول ابشر لانخوك الرجاجيل
الا انت قدّن له وكفو وصتيمه النعم كايد مايجي بالتعاليــل قول وفعل ماهو سوالف هليمه اليا بغيت النعم خاو المشاكيل وافزع لمن ضاقت عليه الخريمه وخلك على ماقيل طيب وحلحيل عزيز قوم وفيك نخوة وشيمه محمد بن طواله |
رد: فوق هام السحب ( الشعر الشعبي) على متن القوافي
غياب الكفوا يوّجع وفرقىَ الردي نعمه
وأنا اقولها من واقع .. التجربه برهان أعز الكفوا وأغليه ... في ذمتي ذمه وأقدر جنابه زانت أو شانت ألأزمان ووجه الردي ما يفقده غير قلب أمه خوي الفلَس ماينحسب حسبةألشجعان النجم العالي |
رد: فوق هام السحب ( الشعر الشعبي) على متن القوافي
أنا أشهد ان الصمت للعاقل علاج
والعذر منكـم كان طـوّل سـكـوتي لاكثـروا أهل الهرج ماني ب هـراج ولانـي على بلـوى الخلايق شموتي امـا كـلام ً مطلـعـه نـور وسـراج ولا بلاشـي تسمـع النـاس صـوتـي أعيـش لـي سيـرة ومبـدا ومنهـاج مـن يـوم ميـلادي لـيـا يـوم مـوتي ماجد المسعودي |
رد: فوق هام السحب ( الشعر الشعبي) على متن القوافي
سمعت لي كلمةٍ مدري وش أقصاها
حزت بنفسي وأنا مانيب هارجها ْلو كل كلمة اليا جتنا طردناها بعنا الثمينه بسعرٍ ما يخارجها ْلو مرت السمع ما كنا سمعناها ونقفل الـراس عـنها لا يبرمجها ْ ومن يم هذا لهذا ما نقلناها والناس واجد وتلقى من يروجها عبدالله بن زويبن |
رد: فوق هام السحب ( الشعر الشعبي) على متن القوافي
من تركني ساعة الحاجة وقفّى
لايجي...لاصارت الدنيا عوافي وبيض الله وجه من كفّى ووفّى الرفيق اللي مع الصدْقان وافي علي الشريف |
رد: فوق هام السحب ( الشعر الشعبي) على متن القوافي
ما خلقنا الله نداري في بشرها
وما تربينا نبادلها الملامه من بغانا ياخذ العين ونظرها ومن تركنا جعل تصحبه السلامه ...... |
رد: فوق هام السحب ( الشعر الشعبي) على متن القوافي
مشينا على درب المعزه ونهج العود
وفي مدرسـة شيخ المراجل تعلمنا عسى الله يبعدنا عن العيب والمنقود وعسى الله فعيون النشاما يجملنا ...... |
رد: فوق هام السحب ( الشعر الشعبي) على متن القوافي
دام النهاية قبر والقبر طوله متر
غلطان من يحسب الدنيا عليها سعه ماعاد أبي شي غير العافية والستر أنا قنوع ووصلت لـ مرحلة مقنعه ...... |
رد: فوق هام السحب ( الشعر الشعبي) على متن القوافي
من بغى قربك يسوي المستحيل
ومن يشوف انك خساره اخسره لا تنادي من بغى درب الرحيل ابتسم له في رحيله واشكره ...... |
رد: فوق هام السحب ( الشعر الشعبي) على متن القوافي
لا ترهق افكارك ولا تسرح بعيد
الشمس تفضح ماخفا بشروقها ازرع بوقتك طيب وانت المستفيد الطيب شجره ماتموت اعروقها ...... |
رد: فوق هام السحب ( الشعر الشعبي) على متن القوافي
إن شانت الدنيا ترا العمر مقسوم
محدٍ حياته جت على ما يريده دايم تفائل بالامل واترك اللوم عش لحضتك واللي مضى لا تعيده ...... |
رد: فوق هام السحب ( الشعر الشعبي) على متن القوافي
يا صباح الخيــر والدنيا عوافـي
ابتسم وابدأ صباحك وإنت رايـق لشرقت شمس الصبح والجو صافي اذكرالله واشكره لوكنت ضايق بقلمي |
رد: فوق هام السحب ( الشعر الشعبي) على متن القوافي
تجمّل يامال العافية دام راسك حي
ترى زينة وجيه النشاما فعايلها عرفنا مفاهيم الليالي جميل وسي تموت الآوادم بس تبقى جمايلها ...... |
رد: فوق هام السحب ( الشعر الشعبي) على متن القوافي
اقطف ثمر دنياك وابعد عن الياس
اضحك وعيش وتالي العمر بايد..! ٰ مهما تسوي طيب ما ترضي الناس من خلقة الدنيا رضى الناس كايد ...... |
رد: فوق هام السحب ( الشعر الشعبي) على متن القوافي
يالله ياللي في يدك كل الامال
ياعالمن جهر البنادم وغيبه إنه يزين الحال يمزين الحال وانك تسهل هالامور الصعيبه ...... |
رد: فوق هام السحب ( الشعر الشعبي) على متن القوافي
من يشوف بعين عقله و يتدبّر
يطلب الله رحمته و الراس خاضع ِ التكبّر يهلك أصحاب التكبّر والتواضع يرفع أصحاب التواضع ...... |
رد: فوق هام السحب ( الشعر الشعبي) على متن القوافي
عزيت نفسي عن بشر ظنهم شين
مھٓمآ رفعت بقدرهم قل آدبهم ٰ حآولت اكسبهم على آلعسر و آللين و آقفيت عنهم يوم ربي كشفهم ...... |
رد: فوق هام السحب ( الشعر الشعبي) على متن القوافي
تبارك الله والله احسن الخالقين
يامرحبا بالجمال الحوري اليوسفي سبحانك الله يامن تصطفي المرسلين بقدرتك من مزايين البشر تصطفي زينً يعادل قناطير الذهب واللجين والنفط والأرصدة ، والمركز المصرفي يالفاتن اللي تقول إنك من المعجبين بالعكس انا المعجب الشفقان وانت اهدفي ...... |
رد: فوق هام السحب ( الشعر الشعبي) على متن القوافي
خلّ لك فوق الشّواهيق والعليا مكان
اِردع النفس العنيدة وخالف ودّها لا تحدّك سود الأيّام وظروف الزّمان كل ما شفت اللّيالي تحدّك حدّها ...... |
رد: فوق هام السحب ( الشعر الشعبي) على متن القوافي
إن طارت طيور السماء بأرزاقها
أرزاقنا من عند ربي ما تطير النفس يكفل رزقها خلّاقها واللي كاتبه الله على خلقه يصير ...... |
رد: فوق هام السحب ( الشعر الشعبي) على متن القوافي
ماني دخيل الفرح عن حزني الحارق
إلا من أمرٍ وحيد أخشاه في همّي عن كل سكة حزن، وظروف، ومفارق أعوذ بالله من يومٍ بدون أمّـي ...... |
رد: فوق هام السحب ( الشعر الشعبي) على متن القوافي
يا قلبي اللي تعودت احترام الكلام
كثرت الأعذار في غيابك وقل ازعلي والله معاد أسألك ماهوب قل اهتمام اخاف .. لاتنحرج مني وتكذب علي ...... |
رد: فوق هام السحب ( الشعر الشعبي) على متن القوافي
القلوب آسرآر و آلدنيآ عبر
وآلعمر لو طآل تآليه آلرحيل و آلخوآطر كسرهآ مآله جبر لو يعيد آلوقت مآضيه آلجميل ...... |
رد: فوق هام السحب ( الشعر الشعبي) على متن القوافي
ماهمني من قال ؛ واللي يقولون
ما دام ربي عالـم بكـل ،، نيّـه ترى الحكي لو زاد او كان مدفون مايهزنـي ما دامـت الروح حيّـه ...... |
رد: فوق هام السحب ( الشعر الشعبي) على متن القوافي
كنت اسمع الابيات عن سحر العيون
واليوم شفت السحر بـ عيون الغزال في عينها اليمنى من الحب الجنون وفي عينها اليسرى مساحات الخيال ...... |
رد: فوق هام السحب ( الشعر الشعبي) على متن القوافي
لولا الحسد ماشفت بالناس ضايق
وماشفت ناسٍ تشتكي من مرضها الوقت علّمنا دروس وحقايق الناس كل أسبابها من بعضها ...... |
رد: فوق هام السحب ( الشعر الشعبي) على متن القوافي
لا تنتظر مــن فاقــد العقل حكمه
ولا تنتظر مــن فاقد المرجله خـير ولا يــغرك فــي الردي لمعه اســمه الريش ماطـير دجاجه وهي طير ...... |
رد: فوق هام السحب ( الشعر الشعبي) على متن القوافي
تجاهل الجاهل على شان ترتاح
و اسمع من العارف لامنه تكلم لاتندفع وتنطـّح صياح بـ صياح اصمت و حاول تستفيد و تعلم ...... |
رد: فوق هام السحب ( الشعر الشعبي) على متن القوافي
بتزين واللي خالق الخلق بتزين
عندي امل فالله لو هي عسيره كم واحداً يمسي على الهم والبين والصبح ربي كاتبن له سريره حنا علينا الفعل ونزيده يقين نؤمن بحكم الله شره وخيره ...... |
رد: فوق هام السحب ( الشعر الشعبي) على متن القوافي
من مدلي من طارف الورد ورده
اهديت له من غالي الورد بستان ومن صب لي فنجال طيبه ومده صبيت له دله بدل كل فنجال ..... |
رد: فوق هام السحب ( الشعر الشعبي) على متن القوافي
قل للزمن لآضاق صدري عوآفي
بكره تزين وينشرح خآطر آلوجد كآن الالم في محجر العين غآفي ترآ الامل مآله وسط خآفقي حد ...... |
| الساعة الآن 03:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية