رد: فوق هام السحب ( الشعر الشعبي) على متن القوافي
 

‏من فيكم اللي جرب النوم مجبور
‏بعد السهر وأوراق شعر وخواطر

‏ياللي تقول أنام لاصرت مكسور
‏صعبه تنام ومنكسر فيك خاطر

....

رد: فوق هام السحب ( الشعر الشعبي) على متن القوافي
 

فاقدٍ لي زول والزول ماهوب معروف
ماتعرفه غير عينٍ لها يمه نظر

‌واحدٍ تسعى طواريه بالصدر وتطوف
واحدٍ ماكن قبله ولا بعده بشر

....

رد: فوق هام السحب ( الشعر الشعبي) على متن القوافي
 

‏الطيب مثل النايفات الشواهيق
‏ماهو بضاعه من بغاها شراها

‏والمرجله من عند ربي توافيق
‏ماكل من دوّر عليها لقاها

....

رد: فوق هام السحب ( الشعر الشعبي) على متن القوافي
 

جعل القلوب اللي لها القلب يشتاق
تمسي وتصبح بالهناء والسعاده

وجعل النفوس اللي تحلّت بالأخلاق
تصبح وتمسي ماتشوف النكاده

....

رد: فوق هام السحب ( الشعر الشعبي) على متن القوافي
 

‏ارفع مقامك عن علوم المذله
‏وربك على طيبة نواياك يعطيك
‏
‏واللي يثير الشك والكره خله
‏ارسم على بيض النوايا مباديك

....

رد: فوق هام السحب ( الشعر الشعبي) على متن القوافي
 

عاش فيصل يوم شدات الحبال
بان فعله في الحرم يوم الحشيرة

بان فعله في الحرم اول وتالي
قدم الرشاش وولع في الذخيرة

دارس ومدرس قرم العيالي
عارف قدح الزناد من الظفيره

دارس ضرب الهدف والظغط عالي
لاضرب عرض الهدف ولع سعيره

صامد من بين نيران الوصال
احتمى للي جرا شره وخيره

شارب للكاس من مر وحالي
ارتكى بالعزم همات وسيره

ساعة فيه الطرب ماله مجالي
كم عدو وجله لاخر مصيره

شاع فعله في الملا مثل الهلالي
عارف ممشاه مايخطي مسيره

صلب ابو نايف حمات للتوالـي
ستر من طالت سلبها والقصيرة


ناصر بن طرجم القحطاني

تنويه ....
هذه القصيدة قيلت في فيصل بن لبده ال سعد القحطاني بعد حادثة الإيرانيين في الحرم المكي عام 1407 هجري

رد: فوق هام السحب ( الشعر الشعبي) على متن القوافي
 

معنا جبر اللّه ...

جبرُ اللّه كالتوبة
يمحي ماقبلهُ من الأحزان
وكأنها لم تُكن أبدًا
يمحو بلطفٍ أثر مامضى
ويزرع بقلبك شغفًا جديدًا
تحيا من أجلهِ
جبرُ اللّه يُشبه الجنة
لن يخطر على قلب بشر
فاللهمّ اجبرنا جبرًا
يتعجب له أهل السماواتِ والأرضِ

بقلمي

رد: فوق هام السحب ( الشعر الشعبي) على متن القوافي
 

يا المستريحه فوق غصنٍ ضما لك
‏صبي غلاك كبود الاغصان يبّاس

‏لدّي عليه وطوقيه بْزلالك
‏اللي حنى لك يوم مريتي الراس

‏اعطيه من داخلك حلوٍ صفا لك
‏وإخذي من اوراقه ليا جيتي احساس

‏غصنٍ خياله كم تمنى خيالك
‏يوم الهجير يشيل في راحته فأس

‏وقفّ على رجوى تجين ووفا لك
‏لو قد لحقه برجوته فيك خناس

....

رد: فوق هام السحب ( الشعر الشعبي) على متن القوافي
 

اقضي علي واركزي بالقبر ريحانة
‏ولا انقضي ياجميلة ماعملتي بي

‏ولا اوقفي وقفة الوافي لديَّانه
‏وأعاملك لين نمشط روسنا شيبي

سعد بن جدلان
‏

رد: فوق هام السحب ( الشعر الشعبي) على متن القوافي
 

فلو طولوا فرقاك قلبي رعاه الدود
‏وخطيرٍ علي أدخل شهار المجانيني

سعد بن جدلان