رد: فوق هام السحب ( الشعر الشعبي) على متن القوافي
 

‏يسعد مساء من داعب الفكر طاربه
واشعل خيالي حب شـوفه ولقياه

قلبي فدى عينه إذا كان يكفيه
وان كان مايكفي ترى عمري فداه

....

رد: فوق هام السحب ( الشعر الشعبي) على متن القوافي
 

‏يانار الاشواق مابي حيله اتحمل
من كثرت الشوق يكفي القلب ماذاقه

نار المشاعر بداخل خافقي تشعل
والروح من كثرت الاشواق مضطاقه

ياساكن الروح عشقك فيني استكمل
واحتل كامل خفوق القلب واعماقه

والشوق لك دوم ماتحول ولا اتبدل
ولا تغير شعور القلب واشواقه

....

رد: فوق هام السحب ( الشعر الشعبي) على متن القوافي
 

‏احس من داخل كياني مكسر
واتحطمت في داخلي كل الاحلام

نفسيتي فيهـا المزاج المعكر
واحسـاس قلبي يحمل الآم والآم

ياحظ وايـش اللي بحالي تغير
صار الامل عندي على قدر الاوهام

احلم وصعب الحلم يلغي المقدر
والياس حطم مابقى لي في الايام

....

رد: فوق هام السحب ( الشعر الشعبي) على متن القوافي
 

‏مدري لويش ارتاح لحظه اشوفك
وانسى وربي ضيقتي والكئابة

اكتب ورب البيت اعشق حروفك
واعشق معاك الدردشه والكتابه

تدري بشوقي بس اقدر ظروفك
واتجاهلك واتابعك عن كثابه

واضيق يوم انه تجيني طيوفك
واقول يا الله لاتزود غيابه

....

رد: فوق هام السحب ( الشعر الشعبي) على متن القوافي
 

‏ليتك معي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعين تتمنى تناظر عيونك

اسهر على ذكراك ويجيني الويل
والنار في صدري تردد لحونك

وضعي صراحه مايبي اي تأجيل
ارجوك ماتسوى حياتي بدونك



....

رد: فوق هام السحب ( الشعر الشعبي) على متن القوافي
 

‏قالوا علامك يا الصديق المهذب
الظاهر انك في سما الحب هاوي

لاكن غريبه ليش شعرك مقلب
بعضه حزن واجراح فيها المكاوي

قلت الله الله حال قلبي معذب
قلبي انجرح ايام ماكنت غاوي

حبيت لاكن في جروحي تسبب
ومن يومها ماشي لجرحي مداوي


....

رد: فوق هام السحب ( الشعر الشعبي) على متن القوافي
 

‏بالقب ضيقه مادريت ويش الاسباب
من جورها ياناس اعمت صوابي

اخفي بصدري حزن واهموم واتعاب
وضيقـه تزلـزل جـورها كل مابي

ياوقت قلبـي صـار له وقت ماطاب
يعاني ويتألم ولاحد درابي

عايش ولا كني بلا ربع واحباب
وحيد اصارع في حياتـي عذابي

....

رد: فوق هام السحب ( الشعر الشعبي) على متن القوافي
 

‏مدري وش الي مزعل الوقت مني
راحت حياتي بين حزن وتناهيت

ماينتهي حزني ولو ضحك سني
ولا سـارت الدنياء على ماتمنيت

لا أظلم عليا اليل حسيت كني
مالي اهل مالي قرايب ولا بيت

اليل موحش واخلف الوقت ضني
وعلى كثر ماقد تونست عانيت

....

رد: فوق هام السحب ( الشعر الشعبي) على متن القوافي
 

‏مع الظروف الحاليه جتني اوجاع
وموجة الاوجاع جتني قويه

حاولت اكابر لاكن القلب ماطاع
ياقلبـي الموجوع هدي شويه

طبع الزمن ياقلب ماكر وخداع
وعمرالزمن ماكان صاحب خويه

لابد نصبر ع الزمن قدر الاسطاع
حتى ولو جتنا الصعاب القويه



....

رد: فوق هام السحب ( الشعر الشعبي) على متن القوافي
 

‏تعال عطر الذوق في طلتك فاح
دام اجمل الساعات ساعةحضورك

مجرد اقرا حرفك النفس ترتاح
والروح تستانس بشوفة سطورك

يامرحبا مليون ياطب الاجراح
ترحيـب من قلبي يلامس شعورك

يامن وجودك يجعل البال مرتاح
والقلب يتغنى بلحظة عبورك


....