رد: فوق هام السحب ( الشعر الشعبي) على متن القوافي
 

‏تدري وش اللي بالخلايق يمشيك
‏ويحط لك بالناس قيمه وشيمه
‏
‏طيبك واخـلاقك وصادق مباديك
‏ونفسٍ بشوشه بالتعامل حشيمه

بقلمي

رد: فوق هام السحب ( الشعر الشعبي) على متن القوافي
 

‏حتى لو ان وصلك من الحول للحول
‏على بقايا الحب للحين صامل

‏قدرت احبك يوم شفتك على طول
‏ولا قدرت انساك في عام كامل

....

رد: فوق هام السحب ( الشعر الشعبي) على متن القوافي
 

‏قانع من الدنيا مثل منت شايف
‏لو هي تجي وتقول طب وتخيّر
‏ٰ
‏مافيه حاجه تستحق الحسايف
‏غير الرفيق الطيب إليا تغيّر

....

رد: فوق هام السحب ( الشعر الشعبي) على متن القوافي
 

قلوبنا من طيبها تحفظ الطيب
‏واللي يجينا من ردى الناس ننساه

‏حنا بشر نخطي مع الوقت ونصيب
‏وان بان في ثوب الخوي شق نرفاه

....

رد: فوق هام السحب ( الشعر الشعبي) على متن القوافي
 

‏ثلاث تغني عن جميع العذاريب
‏وان جات فالرجال جاب المطمّه

‏ترك الصلاه وغيبته فالمواجيب
‏وحقده على الناجح من عيال عمه

....

رد: فوق هام السحب ( الشعر الشعبي) على متن القوافي
 

‏مريض يارب السماء ارفع الباس
واشفي مواجع في حشايا عليله

عندي الم وخمول وصداع بالراس
وزكام في صدري وكحه ثقيله

مافادني شرب الحبوب الدكستاس
ولا فادني بنادول بأيت وسيله

ماغير ربي شافي الخلق والناس
اسأله يشفي كل نفسً عليله

بقلمي

رد: فوق هام السحب ( الشعر الشعبي) على متن القوافي
 

قال الصباح وقلت ماكان به خير
لولا وجودك ما اعترفت بـ صباحي

انت الصبا والنور والغصن والطير
تدري حضورك فرحتي وارتياحي

قم غن لي لـ اخر مدى ودي اطير
ياطير لو هالوقت قصص جناحي

مدري وطن مدري احسه تباشير
معاه ما اذكر كيف كانت جراحي

غرد مادام الحب في صوتك يصير
اعذب واجمل من جميع النواحي

اي والله انك غير عن هالبشر غير
تكفى ع شان الصبح خليك صاحي

رد: فوق هام السحب ( الشعر الشعبي) على متن القوافي
 

‌‎يا ناعــس العينين زينك ذبحـني
ارحم محــب فـي عيونك ذبحته

قلبي رهيف وادري انه فضحني
ومصير عمري في عيونك لمحته

....

رد: فوق هام السحب ( الشعر الشعبي) على متن القوافي
 

‏نمشي على حكم الزمن غصب عنا
‏ونقول ياقلب العنا الف لاباس
‏
حتى ولو بالقلب سهم طعنا
‏نضحك ونخفي كل جرح عن الناس

....

رد: فوق هام السحب ( الشعر الشعبي) على متن القوافي
 

كل موقف درس والخذلان دايم خيره
‏لاتكبّر قيمة الاشياء ولا تتهقوىّ

‏كل درب تزل رجلك فيه دور غيره
‏كلها يومين تتعافى و ترجع أقوى