رد: اخترنا لكم
 

تدري زمان أول وش اللي محليّه
إن النوايا مع قسى الوقت زينه

.....

رد: اخترنا لكم
 

أحب العلوم الغانمه وأحب شوف الذود
وأحب النشاما اللي على الطيب سباقه

.....

رد: اخترنا لكم
 

نبعد عن درب الردئ والعذاريب
والطيب نلحق صاحبه ونتعداه

.....

رد: اخترنا لكم
 

اخيله بعيني لين شفت الجبل غباه
وامش الدموع الجاريه والتفت صوبه

.....

رد: اخترنا لكم
 

ماكل بنت في مواقع التواصل رديه
بعض البنات فعولها توزن جبال

تلقى بها حشمه وعفه وطبع أجوديه
واليا حكت ينصت ثلاثين رجال

.....

رد: اخترنا لكم
 

مايزعلنا كلام القفى بين الرخوم
‏الجبال جبال وضرب الحصى ماهزها

.....

رد: اخترنا لكم
 

‏معك ذقت الأمان ومعك أحس إني بدون قُيود
‏ أنا قلبي أمانة في يدك و يشوفك آمانه

‏عيونك غير يا ذات الدلال المترف من الخود
‏ من عيونك غديت أوّل سجين يحَب سجّانه

‏تباهي في ذراي ولك يلين الخاطر الجلمود
‏ جعل قلب يوريك القسى ما يقبل إحسانه

.....

رد: اخترنا لكم
 

‏سولفت له عن جرح الايام وش فيه
‏قال المراحل فـ الحياة أتشابه

‏وانا لو انه قال لي بس لبيه
‏علمته ان الي جرحني غيابه

.....

رد: اخترنا لكم
 

‏أنا لو لي قدرة أدّسك عن الانظار
‏مابي غيري يشوفك ولا تقعد قْباله

‏فإذا غرك الغوَّاص لا استخرج المحّار
‏أنا مستعد اغرف لك البحر ببياله

.....

رد: اخترنا لكم
 

‏ياقاسيه يالي مع قسوتك لين
‏كل الجروح الماضيات اتركيها

‏رسالتي يمكن تخليك تبكي
‏ماهو طبيعي حجم الاحساس فيها

‏باقي ثلاث دموع وتصير بيتين
‏بيتين صح الله عيوني عليها

.....

رد: اخترنا لكم
 

‏هذا زمان الشك والوسواس
‏الوضع من جرفٍ لدحديره

‏لا تقول للمقفي عسى ماباس
‏خله وشف لك صاحب ٍ غيره

‏ترى الرفيق إليا غدا حساس
‏شرّه يبي يطغى على خيره

‏واللي يبي يسمع كلاام الناس
‏ماهوب والله رايح ٍ ديره

.....

رد: اخترنا لكم
 

أنا أفتل البيت القوي وأعقده
‏وأحب كل المبدعين أمثالي

‏الناقد أحترمه وأقدّر نقده
‏والحاقد يراجع مدير أعمالي

.....

رد: اخترنا لكم
 

‏ماهـي فطينـه عـلى النيـه مشـاعـرها
‏طـابت مـع نـاس ماكانـوا عـلى النيـه

.....

رد: اخترنا لكم
 

على الله يا حب طواه الزمان و راح
وعلى الله يا درب مشيته وضيعني

.....

رد: اخترنا لكم
 

لقيت نفسي عن سخف الأوادم جفول
‏أبتعد عنهم وهجعة البال أكبر غنيمة

‏لو بالحديث والرأي تفردت الوصول
‏مع الجاهل وصولك ما كان الأ هزيمة

.....

رد: اخترنا لكم
 

‏الوقت ساومني على راحتي لين
‏قررت أثمّن راحتي وأشتريها

‏أثر الدقايق بعضها تاخذ سنين
‏لين نتجاوز كل ما صار فيها

‏أقسى شعور يراود القلب والعين
‏يـوم نتذكر حاجةٍ ما نبيها

‏المستريح اللي جمع بين ثنتين
‏صدرٍ وسيع و ذاكرة لك عليها

.....

رد: اخترنا لكم
 

‏خل صدرك يالسنافي على الدنيا وسيع
‏وأعرف إن الضيق فالقبر والدنيا سعه

‏كلنا مثل الطراقي مع الخط السريع
‏نمشي مع الخط مانضمن نعوّد معه

‏قدم من اللي يجمل كثر ماتستطيع
‏والزمان إن كان ماطاوعك فأنته طعه

‏لا تحسب العمر دايم ربيع في ربيع
‏لازم أتمرك جميع الفصول الأربعه

.....

رد: اخترنا لكم
 

‏قال انت جالس لحالك تنتظر من يجيك
‏قلت انتظر نفسي الي مادري وينها

.....

رد: اخترنا لكم
 

مافيه يانايم احلى من نسيم الصباح
‏لا قمت له بعد نومه مع صلاة الفجر

‏فيه السكينه وفيه النـــور والانشراح
‏وسلامة الصدر وعلاج النكد والضجر

‏وقت ٍتحضره ملائكة الرضــا والفلاح
‏تنزل وتصعد لربك في علــوم البشر

.....

رد: اخترنا لكم
 

راع البخل كفّه عــدو المصاريف
‏و يحـــارب الطيّب لـو انه قريبـه

‏يزعل ليا شاف ولدْه جايب ٍضيف
‏تقـــول كنّه جـــايب ٍ له مصيبـه

.....

رد: اخترنا لكم
 

لو ينبت الورد فوق ارض الغياب الهجير
‏يمدي تزين السنين وتترك عماسها

‏اقسى من الدمعْ في عين العزيز الفقير
‏الكلمه اللي تموت وندفن احساسها

‏البارحه ما فقدتك .. رحت فاقد مصير
‏وانت اخبر الناس في (وينك) وهوجاسها

‏كنت اقطع الشك وآخذ في يدين الضرير
‏لين امتلت كل فكره .. شر وسواسها

‏كيف آمنك وانت خايف واحتضر واستخير
‏يا بهجة النفس ، نفسي ضاقت انفاسها

‏حلّلني ارجوك من بعد العَشاء الاخير
‏خانتني الامنيات ودقّت اجراسها

‏ياما وياما طفت شمعه وفاحت عبير
‏بعض الاماكن تضيق بـ ضيق جلّاسها

‏يوم انتظرتك لحالي جيت جمعٍ غفير
‏تبّت يد الذكريات وعاش كرّاسها

‏لو اسهرك ما سهرتك لجل احبك كسير
‏توارد اوجاع روحي تطرد نعاسها

‏الطف من الصبح واعذب من قراح الغدير
‏صوتٍ يمر الليال وينجلي ياسها

‏اخفض جناح الهوى وامسك يديني وطِير
‏محتاجلك حاجةٍ ما دنّقت راسها

‏محبةٍ مابها غصّه و صحوة ضمير
‏حرام ودّك تبور وتعلن فْلاسها

.....

رد: اخترنا لكم
 

‏ياحسنٍ كل ما طرّوا ذوات الحسن والانساب
‏عرفت إنك من أحفاده وجدّانك من أسلافه

‏ورثتيهم مثل ورث الملوك اللي تقص أرقاب
‏ويزبن في ذراهم من خسر داره ومشرافه

.....

رد: اخترنا لكم
 

مابقى لي قلب يشفع لك خطيه
‏ذوبته جروح صدك والخطايا

‏صاحبي بالله لاتعتب علي
‏العتب ماعاد تاسعه الحنايا

.....

رد: اخترنا لكم
 

‏وقدرت أخذ من عيون الزمان الممحلة مفتاح
‏وعجزت أفجّ بيبان الوصل عن بكرة أبِيْها

‏تمرّك ذكريات العام نوقٍ شدّها المسراح
‏وأمرِّك ليلةٍ تتعب رجولي من مسارِيْها

‏غريبٍ ما لمَح وَجْهك وجيه وطبْعِه اللمَّاح
‏خذى كفّ القصايد لين سلَّم لك نواصِيْها

.....

رد: اخترنا لكم
 

‏البخل في عين البخيلين إقتصاد
‏والضعف حكمة في عيون الأجودي

‏وأسهل عمل للفاشلين الإنتقاد
‏كلٍ يسب أهل الردى حتى الردي

‏حتى الجبان يصير طارق بن زياد
‏إذا جلس على البساط الأحمدي

.....

رد: اخترنا لكم
 

ماخذٍ قلبه غلاي وماطمع قلبي بغيره
‏قصةٍ فيها تركنا من منادمنا بقيه

‏قلت قلّي وش تحب من الكبيره للصغيره
‏غير حبّك للفضايل والفضا والافضليه

‏قال وش أقول وأنتي كل خير وكل خيره
‏وكل صبح وكل ليل وكل نور وكل فيّه

.....

رد: اخترنا لكم
 

‏تمردي بالتغنج وألعبي بالطروق
‏اللي بها الغطرسه والعنفوان اخلطا

‏انتي من اللي عليه قلوب الامه تتوق
‏منتي من اللي ليا روّح مراح القطا

.....

رد: اخترنا لكم
 

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏يا روح الشعر وحروف الكلام وسطوة الالهام
‏احاسيسي معك ماني بعارف كيف اخبّيها

‏يا مرساي الاخير و ذكرياتي في مدى الاعوام
‏يا ضحكة وجهي اللي تذبح اشواقي وتحييها

.....

رد: اخترنا لكم
 

‏تبعته دون خوف من الكلام وشرهة العذال
‏وسقيته من هواي العفّ شيٍ معه يحلالي

‏لقيته في محطات العمر صدفه وقلبي قال
‏هذا اللي تمنيت وفداه اللي تبقى لي

‏مواقفه الكثيره خلت سواد الكحل سيّال
‏وأنا بنت يليق بها الترف و الحب يزهالي

.....

رد: اخترنا لكم
 

‏الصمت موت وسكرته لـذّة البوح
‏وانا أمـوت بطلّتك بس في صمت
‏
‏لاشفتك ارسل لك سلامي من الروح
‏يسعد مسا قلبك وانا ما تكلمت

.....

رد: اخترنا لكم
 

‏نرسم خطاوينا على رمل الأيام
‏نرجع نبيها والرياح دفنتها

.....

رد: اخترنا لكم
 

‏الشعر فن وذوق واسلوب وعماد
‏ولاكل من ينطق كلام يجيده

‏اشكالهم واجد وبالمجتمع زاد
‏وليت العقول بعرفها مستفيده

‏لا سار ماللشعر محلل ونقاد
‏يضيع معنى مفرداتٍ عديده

.....

رد: اخترنا لكم
 

‏هجير الشمس ذوٌب بالمحاني جليد
‏لوعة الوقت لوعه ذاق منها غصته

‏في شموخه تهادى بين عرق ووريد
‏نامت افراح روحه في جناها كفته

‏استباح البعد طيفٍ من سهاده رصيد
‏واستلذ البوح صمتٍ في علاوي قمته

.....

رد: اخترنا لكم
 

‏عليك بوحي نازع الصمت قوه
‏ابطى يدك ضلوع هدفٍ محاديب

‏بينه وبين البعد رفقه وخوه
‏مرٌه ضيوف الجاش ومرٌه معازيب

.....

رد: اخترنا لكم
 

ولقد نويتُ الحبّ حين رأيتهُ
‏ولكل قلبٍ في المحبةِ ما نوَى

‏أهواهُ عند القربِ او في بعدهِ
‏ما ضل قلبي في هواه وما غوى

.....

رد: اخترنا لكم
 

‏مادامها النية على طيّب الفال
‏أبشر وتلقى صاحبك في سلامه

‏آنا أكّتفيت ومسألة مابها جدال
‏والله يصبّر خاطري بإلتزامه

.....

رد: اخترنا لكم
 

‏سوالفك تلهم كل راعي شغف وإحساس
‏ يزاول معك من يملك إبداع موهبته

‏لقى بك غريبٍ منعزل عن جميع الناس
‏وطن يحتويه ويحتوي عمق تجربته

‏من أول ماشاف السحر في قدك الميّاس
‏ وهو داري إنه طاح في سوء عاقبته

.....

رد: اخترنا لكم
 

‏جيتك مجيَّ الكرام اللي تحب الكرام
‏واخترت دربٍ توقف عندك نهايته

‏أن كان جيتي مجيَّك فوق صدري وسام
‏وان كان رحتي فمان الله ورعايته

.....

رد: اخترنا لكم
 

‏جرحتها قبل لا ترحل عشان أستريح
‏أهملت وجناتها وأرخصت منتوقها

‏راحت تجر الحزن ورا الزمان الشحيح
‏مدري تحت لرض ولا عايشه فوقها

.....

رد: اخترنا لكم
 

‏طامعٍ بالقرب منّك ولو إني قنوع
‏ليه ما أطمع وأنتي الزين والشان الرفيع

‏أنتي أوّل من تربّع ورا حدب الضلوع
‏إرتكيتي لك على قلب يشري ما يبيع

.....