رد: فوق هام السحب ( الشعر الشعبي) على متن القوافي
 

مايذبح الرجال ويزيد غبنه
الا الفقر وملاحق الدين بدين

اتخلي الرجال يختل وزنه
تحداه لايشري مع الناس ويبيع

ومن ينظر خيالً تعداه مزنه
يلقا على درب السحابه قراطيع


حمود الجداعي

رد: فوق هام السحب ( الشعر الشعبي) على متن القوافي
 

سامحوا واعفوا ترا الحسنه تشيل السيِّه
قبل تنحطون بكرة في لحود اللاحد

والمحبّة لاتصير حْبالـها مرخيِّه
عـززوا وصـل الرفـاقه لو بـعضهم جاحد

وتوبوا وصلوا مادام النفس باقي حيِّه
والله انه مايُكّب الموت منكم واحد


سعود بن رباح

رد: فوق هام السحب ( الشعر الشعبي) على متن القوافي
 

خلك بحر ماتعرف النـاس سره
لو هاج موجه غبته تستر السر

وحكّم بعقلك كل كلمه تمره
لاينطق لسانك على كل مامر

للصمت وقت وكلمة الحق دُره
كم كلمة جابت لمن قالها شر

لاتشيل في قلبك من الكبر ذره
من يحقر العالم يجي يوم يحقر


بريكان بندر

رد: فوق هام السحب ( الشعر الشعبي) على متن القوافي
 

الله عوين اللي تعكّر مزاجه
اللي يدور ستر وجهه عن الناس

تظهر علامات الحيا في حجاجه
وفي نـاظره تقرأ عناوين الافلاس

يصبر على حلو الزمان وهماجه
مايبدي الحاجه على كل عساس

من خوف تظهر حاجته وإنحراجه
ويدريبها اللي يقرن الراس بالراس


لاحق العضياني

رد: فوق هام السحب ( الشعر الشعبي) على متن القوافي
 

عسى الله يعاوني على حاجة المحتاج
ليا احتاجني ماابخل بوجهي ولاجاهي

اقف في لزومه لين مايعدل المنعاج
ويضفي عليه من السعد ثوبه الزاهي

تبين الجمايل في كريم ٍمثل هداج
ولااحتجت له هقوتك تبقى مثل ماهي

وتذوب الجمايل في يد الخبل والهلباج
مثل مايذوب السكر الخشن في الشاهي


﮼معيض

رد: فوق هام السحب ( الشعر الشعبي) على متن القوافي
 

الناس تبغى الجناب الدمث واللييّن
وتلقى كثير العرب لاشافته حيّت

ولا تقبل اللي يحب الماقف الهيّن
اللي يمينه عن دروب السخى عيّت

وطبع الخطا لاحصل معاد يتزيّن
مصير الأعذار لاذرّت ولا فيت

العذر بعد الخطا اللي واضح وبيّن
مثـل الـعزا ما يرجّـع واحدٍ مـيّت
ٓ
حباب بن عماش

رد: فوق هام السحب ( الشعر الشعبي) على متن القوافي
 

ماعاد باقي فـالمشـاريه مذخور
النفس طابت والمشـاريه خابت

صدور الاوادم جرد وقلوبها دهور
ورموشنا مما ترى العين شابت

نقدّي الاعمى ونبلش مع العور
وايامنا ياويش ودت وجابت

الناس هي الناس لانفخة الصور
الطبع ثابت مثل ما الضلع ثابت


بندر بن خربوش

رد: فوق هام السحب ( الشعر الشعبي) على متن القوافي
 

وش فيك دايم تلف ولا كشفتك تدور
ياليت بعض السوالف صالحه للنشر

انا مع اللي يقول انك عديم الشعور
ماني مع اللي يقول انك تحس وبشر


جحان زيد

رد: فوق هام السحب ( الشعر الشعبي) على متن القوافي
 

تبي تغيّبك المواجيع وتغيب
وتترك هواجس وش تظن وتعتقد

ابعد ولكن خلك من الله قريب
مهما تغرّبك الحياه وتبتعد


جحان زيد

رد: فوق هام السحب ( الشعر الشعبي) على متن القوافي
 

يارب وانا من عناي استجيرك
عبدك وهاجدني من الضيق هاجد

طماع في مغفرتك وجود خيرك
وفي خاطري حاجات ماهيب واجد

تغنيني من الحاجه اللي لغيرك
واحيّـا على طاعتك واموت ساجد

جابر آل دجران