رد: فوق هام السحب ( الشعر الشعبي) على متن القوافي
 

ياصاحبي والله ماني بناسيك
لو قل مرسالي وقل اتصالي

تراك في بالي واقدرك واغليك
وتبقى على قلبي عزيز وغالي

....

رد: فوق هام السحب ( الشعر الشعبي) على متن القوافي
 

اضبط لسانك لابديت وتكلمت
خل الحكي مثل الشهد منك حالي

لاتجرح الانسان لو كان بالصمت
قدّر من اجناس العرب كل غالي

....

رد: فوق هام السحب ( الشعر الشعبي) على متن القوافي
 

‏ان ضاق صدرك بين هم وحاجه
‏لاتبدي اسرارك على غير موثوق

‏ولو كل من يمرض عرفنا عـلاجه
‏ماضاعت الدنيا ولا مات مخلوق

....

رد: فوق هام السحب ( الشعر الشعبي) على متن القوافي
 

الحــزن مهما طــــال لايمكن يدوم
بعض التجارب فـي حياتك مفيده

وان كنت من عذبات الايام محروم
منت الوحيــد اللي ظروفه عنيده

مادمــت لاظــــالم ولاأنت بمظلوم
وقلبـــك بعد لازال ينـبــض وريده

إنفض غبار الهم واصحى من النوم
واصبر على الشدات لوهي شديده

....

رد: فوق هام السحب ( الشعر الشعبي) على متن القوافي
 

لابارك الله في رفاق المصالح
اهل الوجيه العايبه والقبيحه

ذا غيروا اشكالهم والملامح
خلف اقنعه متصنعه بالسميحه

....

رد: فوق هام السحب ( الشعر الشعبي) على متن القوافي
 

سوالفه حلوه ومليانه إحساس
ومن كثر ماني منسجم ضاع حسي

يقول صدقني معك ناسي الناس
وأنا معه نسيت نفسي بنفسي

....

رد: فوق هام السحب ( الشعر الشعبي) على متن القوافي
 

ماني من اللي يتبع المقفين يانايف
طبعٍ ورثته من اللي مات ماخرّف

من صد صديت لو هو بالغلا كايف
وان راح جعله مراح الطير لاصرّف

....

رد: فوق هام السحب ( الشعر الشعبي) على متن القوافي
 

مافيه داعي تنشده عن مغيبه
ماغاب عنك الا وهو منك مسروق

خله يكمل غيبـته وش تـبي به
لاتلحقه لو كل مطـرود ملحوق

....

رد: فوق هام السحب ( الشعر الشعبي) على متن القوافي
 

فنجال واحد منك ماظن يكفي
ان لامست راحت كفوفي كفوفك

قربك هو اجمل شيء للروح يشفي
عطني من ادلالك وعيني تشوفك

....

رد: فوق هام السحب ( الشعر الشعبي) على متن القوافي
 

ياويل حالي كل ماهزني شوق
على وليف قاع قلبي يهزه

منه غدى قلبي من البعد محروق
وعني يغيب العقل حزه وحزه

....