رد: فوق هام السحب ( الشعر الشعبي) على متن القوافي
 

‏يوم الوفاء طبعك وانا عند ظنك
‏ أعاتبك وأشره ولارحت عودت
‏
‏واليوم لاتشره لو أبطيت عنك
‏ على كثر مافي وصالك تجودت

‏ لاعاد تنشدني عن الشوق لانك
‏ عودتني على بعادك وانا تعودت

....

رد: فوق هام السحب ( الشعر الشعبي) على متن القوافي
 

‏انتهى عمرٍ من الحب ياسرع السنين
‏انجلا والله مدري على ويش انجلا

‏النهايه طعمها مر والتهميش شين
‏لو يحس المبتلي بنكسار المبتلى

‏المشاعر كنها القبر ما تاخذ ثنين
‏واحدٍ يدله ويسلى وواحدٍ ماسلا

‏سعد عينيّ قبل لا اكون مثل الاخرين
‏وبري حالي يوم بدلت لبيه بهلا

....

رد: فوق هام السحب ( الشعر الشعبي) على متن القوافي
 

‏ياليتني في خطوتي مـاتعنيت
ولاسراب الليل طقيت بابه

عز الله اني لمت حالي وونيت
لويش اطق الباب واتبع سرابه

....

رد: فوق هام السحب ( الشعر الشعبي) على متن القوافي
 

خل النوايا الطيّبه نصب عينك
واعبر طريقك لامشيت وترفّق

حتى لوّ إن أهل الردا محتسينك
من أخلص النيّه لربه توفّق

....

رد: فوق هام السحب ( الشعر الشعبي) على متن القوافي
 

‏الشوق ما يهدأ علـى غير مشتاق
ياللـي غلاك بداخـل القلب باقي

يا طيــر ياللي بالجناحـين خفاق
بلـــغ سلامي والوفـاء واشتياقي

للي اخذ مابين جوفي والأعماق
واللي ملك كل الشعورالعماقي

قلةرفيقك مات مابين الأشواق
بين البعاد وبين جمر الفراقي

....

رد: فوق هام السحب ( الشعر الشعبي) على متن القوافي
 

لاتصدق الناس مهما شفت قدامك
واليا انشدوك العرب ركز على مدري

لايغرّك اللي يبيك تحقق أحلامك
كلن يدوّر مطيحك وأنت ماتدري

....

رد: فوق هام السحب ( الشعر الشعبي) على متن القوافي
 

‏يارفيق الذات من باب الحديث الودّي
صاحبك همه يموت ولا تخيب ظنه

والله إنه من غلاك وكبر قدرك ودّي
انتخاوى فـ الحياة ونلتقي في الجنه

....

رد: فوق هام السحب ( الشعر الشعبي) على متن القوافي
 

‏غلاك مثل الذهب بالهون والشده
مايختلف بإختلاف العالم الحالي

غيرك إليا غاب ما أحسبه ولا أعـده
وإلا أنت غير البشر دايم على بالي

....

رد: فوق هام السحب ( الشعر الشعبي) على متن القوافي
 

‏الحب كم عذّب وكم شيّب عقول
‏وكم حطّم قلوبٍ على مر الأجيال

‏حبٍ قصير وحب يبقى على طول
‏وحبٍ يموت وحب تضرب به أمثال

....

رد: فوق هام السحب ( الشعر الشعبي) على متن القوافي
 

‏احيان مالي مزاج اكتب ولا حاجه
‏وأحيان قبل اكتب الأبيات تكتبني

‏وأحيان ما اطيق كل الخلق وأزعاجه
‏وأحيان حتى ضجيج الناس يعجبني

....