|
رد: فوق هام السحب ( الشعر الشعبي) على متن القوافي
ياليت حبر القلم يشرح لك أوجاعي
يشرح لك أوجاع قلبي ويشرح العله نار(ن) تحرق الفؤاد وتحرق اضلاعي من زود شوق(ن) يجر القلب ويتله خانت بي الدنيا وبي قصر ذراعي والرجل عيت تسير الدرب وتدله ياما نخيت البخت لكن فلا طاعي دايم وسيف الهجر في وجهي إيسله يابنت مالي على لحظات الوداعي بسمك هويت الهوى واصبحت له خله صوتك يصبر خفوقي ويطرب اسماعي أنسى معه عالمي وانسى البشر كله ياكامله بالحسن مع زين الاطباعي حسنك فتني وسطى للقلب واحتله نزفت حبر القلم وارسلت به ساعي ياليت منزوف حبره يبري .. العله ...... |
رد: فوق هام السحب ( الشعر الشعبي) على متن القوافي
ما كل غـايـب يبــرّر غيبته عـذره
بعـض المعاذير ما نقدر نمشّيها يازارع الأرض لاتشره على البذره لاصار فيها حيـاه و غـاب ساقيها ...... |
رد: فوق هام السحب ( الشعر الشعبي) على متن القوافي
رفيقك الطيب على الوقت لك عون
سيفٍ معك في كـل لازم تسله ورفيقك العلة مثل شبك أبو سنون يوذيك في طــــوّيه ويوذيك فَلّه ...... |
رد: فوق هام السحب ( الشعر الشعبي) على متن القوافي
إن قدر الله مع الأيام نتواجه
وتمر مثلك مثل ناسٍ يمروني بعيوني تصير ماتسوى ولا حاجة من عقب ماكنت تسوى الناس بعيوني ...... |
رد: فوق هام السحب ( الشعر الشعبي) على متن القوافي
ياللي تشبّثت بعروق المعاليق
محبوبتك لا حبّت تصير طفله الحب مايطرق قلوب المخاليق يآتيك مثل الموت في حين غفله ...... |
رد: فوق هام السحب ( الشعر الشعبي) على متن القوافي
القلوب آسرآر و آلدنيآ عبر
وآلعمر لو طآل تآليه آلرحيل و آلخوآطر كسرهآ مآله جبر لو يعيد آلوقت مآضيه آلجميل ...... |
رد: فوق هام السحب ( الشعر الشعبي) على متن القوافي
يشد فيني الحنين لماضي أيامي
وأحن له كثر ماهو داخلي يقسى مهما تمر السنين وتمضي أعوامي مازلت مشتاق الى أيام لا تُنسى ...... |
رد: فوق هام السحب ( الشعر الشعبي) على متن القوافي
مهما نعيش من الليالي والاحلام
ومهما نسطر من كلام ونقوله تبقى السعاده كلها واغلى الايام هي بالبراءه وذكريات الطفوله اكبر حزن فينا على لعب واوهام والا على شيٍ عجزنا ننوله لكن كبرنا وانتهت ذيك الاعوام وصرنا نقول ان الليالي عجوله ...... |
رد: فوق هام السحب ( الشعر الشعبي) على متن القوافي
لا ماتت عزوم الغني ماماتت امال الفقير
والفرق واضح فـ الوجيه الراضيه والشاحبه ِ ثوب المعزه من لبسه يطول لو انه قصير وثوب المذله لو يطول شوي يقصر صاحبه عبدالله بن خشمان |
رد: فوق هام السحب ( الشعر الشعبي) على متن القوافي
الرابح اللي إذا ضاقت بوجهه سجد
لا نزل الرأس لـ الخالق ، ودمعه رقى اللي لقى درب ربه بـ الزمن وش فقد واللي فقد درب ربه بالزمن وش لقى فيصل الرياحي |
رد: فوق هام السحب ( الشعر الشعبي) على متن القوافي
حتى لو إن النفس بالعزله تهيم
كم واحدٍ مجروح لكن ماشكى لا تقنع بجملة ترا قلبي سليم القلب ماله صوت لا منّه بكى ...... |
رد: فوق هام السحب ( الشعر الشعبي) على متن القوافي
أطيح وأقوم وأرجع اوّقف لحالي
والعون من عند ربي جل تقديره ويالله ياللي عليم بضيقة أحوالي أنا بوجهك من الحاضر وتدميره يالله لا تحوجني لطلب الأنذالي اللي على لازمي تكثر معاذيره اما تجي مثل ماودي ويحلالي ولا عساها تروح وجعلها خيره ...... |
رد: فوق هام السحب ( الشعر الشعبي) على متن القوافي
اللي يـحـاول يـسـتـفـزك بالكلام
ضحّك عليه الناس لاتضحك معه وإن قال هذي من ميانه واحترام قل اذكر الله واسمع العلم اسمعه بعض العلوم اخف من ريش النعام لا فرّقت شمل ولا هيب مجمّعه ...... |
رد: فوق هام السحب ( الشعر الشعبي) على متن القوافي
الناس مثل البن والوقت محماس
ومن تحتهم نار السنين العجافي نوع ليا ذقته يكييف لك الراس ونوع عسى ربي يديم العوافي ...... |
رد: فوق هام السحب ( الشعر الشعبي) على متن القوافي
محبتك بس من مده إلى مده
والوصل دايم على كيفك ومشهاتك دامك نويت الجفى والبعد والصده مافيه داعي تراجع عن قرارتك وان كان جو الملل حدك على الرده ما الله خلقني عشان املى فراغاتك ...... |
رد: فوق هام السحب ( الشعر الشعبي) على متن القوافي
كل ما شانت وجيه الناس وسّع صدرك
لا تحسب إن في يدين الناس نار وجنّه القريّب لا تكدّر خاطره وإستدرك سامحه وإن جيته بزلّه تسامح منه ولا تعلّق خافقك باللي ما يحفظ قدرك كثر ما تقدر توخّر عنْه وخّر عنّه ...... |
رد: فوق هام السحب ( الشعر الشعبي) على متن القوافي
ما يموت الود لا مات الكلام
لك مكان و ذكريات ولك شعور ما انت عابر في حياتي والسلام انت حتى في غيابك لك حضور ...... |
رد: فوق هام السحب ( الشعر الشعبي) على متن القوافي
الله خلقنا ألوان وأوزان وأشكال
مثل المعادن لكن نفوس وعقول اللي يشيل بعينه الناس ينشال واللي عيونه تجهل الناس مجهول ...... |
رد: فوق هام السحب ( الشعر الشعبي) على متن القوافي
اضحك ترى عوج الليالي مدابير
وما للخلايق في قضا الرب حيله ترى الشـدايد قافيـتها التياسير يالــلي تـشيل الــهم ربك يزيله ...... |
رد: فوق هام السحب ( الشعر الشعبي) على متن القوافي
لا تلوم الحظ يوم الحظ خانك
الحظوظ أرزاق مافيها زعـل خلها دايم على طرف لسانك قــدر الله مـا شـاء فــعـل ..... |
رد: فوق هام السحب ( الشعر الشعبي) على متن القوافي
ماجاك مني جرح ماجاك تقصير
ماجتك غير الذكريات الجميله واللي لقيته منْك من دون تفسير هــمً يلـوج الصدر ويهد حيله كنت احسبنك غيثً يسوق التباشير وغيوم وصلك بالمحبة هميلة وثرك سحابة صيف ماتسقي الطير لا بارك الله في القلوب البخيله ...... |
رد: فوق هام السحب ( الشعر الشعبي) على متن القوافي
الجناب السمّح و الوجه الحياوي
و الكلام الذرب و النفس النقية و العقل و الدين و الكف الرهاوي سبع تفرض لك حضور و قابليّة ...... |
رد: فوق هام السحب ( الشعر الشعبي) على متن القوافي
مانيب مجبور اخاطب على قد العقول
والله إن بعض القناعات عندي مهمله الكلام تشوفه الناس حل من الحلول مثل ما اشوف التجاهل يحل المشكله ...... |
رد: فوق هام السحب ( الشعر الشعبي) على متن القوافي
ما عاد بي شدّه على طرد السراب
و مراقبة شمسٍ توارت للغروب إما وجودٍ يلّوي ذراع الغياب و إلا غيابٍ يفضح الوصل الكذوب ...... |
رد: فوق هام السحب ( الشعر الشعبي) على متن القوافي
اللي ماينفع نفسه بعز وثبات
والله مايلقى اللي بـ عمره ينفعه مستقبلك ماله شغل بالذكريات اللي شراك أشره ومن باعك بعه إن قفلت في وجهك الأربع جهات أختر جهه غير الجهات الأربعــه ...... |
رد: فوق هام السحب ( الشعر الشعبي) على متن القوافي
صدتك عن بعض السوالف شجاعة
شيمة وعزةٍ نفس ماهو رداً منك صدتك عنها طيب نفس وقناعة ترفعك بعيون العرب ماتطمنك ...... |
رد: فوق هام السحب ( الشعر الشعبي) على متن القوافي
الليّ خسرته من بعد عزم وكفاح
رزقٍ مهو مكتوب في شتى السبل يزيدني ربـي سعاده وارتياح كل مامشت الايام وأَحيَـت ماذبل أول محطات التجاوز والنجاح ما تلتفت لليّ تركته من قبل ...... |
رد: فوق هام السحب ( الشعر الشعبي) على متن القوافي
رجلً ليا جيته هروجه مفاليس
ورَجلً ليا جيته أبَد ما تمله ورَجلً إذا شفته تعوّذ من ابليس ورَجلً تشوف بوجهه الخير كله ...... |
رد: فوق هام السحب ( الشعر الشعبي) على متن القوافي
الكلمة اللي ما تليــق بـ مقـامـي
تمــرني و اسكّــر السمـــع عنها افـرض على كفـــو الرجال احترامي وارفع مقام النفس م أرخص ثمنها ...... |
رد: فوق هام السحب ( الشعر الشعبي) على متن القوافي
أتركوني في زماني لاهي ومتغاضي
وآعفو الخاطر من اللي يوجعه ويحدّه البلا ماهوب في حزني ولا فـ امراضي غير والله في ضميرٍ ماعرف وش ودّه كيف تبقى ذكرياتك يا غرام الماضي وأنت عني معلنً درب الجفى والصدّه ...... |
رد: فوق هام السحب ( الشعر الشعبي) على متن القوافي
أستحيت من المشاريه ومعاتب جفاك
واقتنعت ان الغلا مايجي عرض وطلب َٰ قلت اصد بـ كل حبي وتعظيمة غلاك قبل اصّد بـ قلب عايف وحالٍ منقلب ...... |
رد: فوق هام السحب ( الشعر الشعبي) على متن القوافي
عزّيت نفسي حيل عن كلّ كـذّاب
و جنّبت دربي عن دروب السّخافه* لا عفت حاجه منّها خاطـري طـاب تروح عـنـّـي مـا عـلـيـهــا حسافه شيهانه 🇸🇦 |
رد: فوق هام السحب ( الشعر الشعبي) على متن القوافي
وتــرى حــــلاة البنت مستورة الحال
من طاعــــة اللـه والنبـــي مستزيدة والستر ما هــو في عبايــة ولا شال ولا هــي نصايــــح تنكتب بالجريدة الستــــــر حفظ الـدين حلٍّ وترحال دايـــــم علاقتهــــا مــع اللـه وطيدة تحفــــظ وجيه رجـال وتربي رجـال على المـــراجل والخصـــال الحميده ...... |
رد: فوق هام السحب ( الشعر الشعبي) على متن القوافي
الله يطول بقا اهل الطيب والمنصفين
اللي لهم راية الفعل المشرف ترز سكوتنا حشمه وتقدير لـ الغانمين حتى لو الهرج بعضه فـ الخواطر يحز مانعرف انشارك الا فالكلام الثمين لا صار لـ العرف دور ولا مواقف ملز حنا نحفظ الشيم ونقدر الطيبين وانعز حتى الرفيق اللي عليهم يعز ...... |
رد: فوق هام السحب ( الشعر الشعبي) على متن القوافي
الصمت صوت الصبور اللي بلاه الكلام
والصد عين الحليم اللي يقود العمى من يبغى يعيش بالدنيا رفيع المقام لا شاف بالارض غبنـه يرتفع لـ السما ...... |
رد: فوق هام السحب ( الشعر الشعبي) على متن القوافي
الطعنه اللي جاتني .. بالملّي
ويلي على اسلم منها وانساها ياويش أقول من الحزن واخلّي الله يسامح طعنتك ما أقساها فرشت لك قلبي وجيتك .. كلي وحطيتك أعز العرب واغلاها تركتهم ، ولا جرحت الأ اللي لو تطلبه كبده عطاك اياه ...... |
رد: فوق هام السحب ( الشعر الشعبي) على متن القوافي
الخاطر إن عاف مثل النفس لا طابت
تقفي ولا عاد به شي ٍ يجودها أنا بغيت الغلا يوم الغلا ثابت و اقفيت و النفس مدري وش يراودها رميت لي رمية ٍ وحده ولا صابت و حلفت بالله ماعـاد أتعودها ...... |
رد: فوق هام السحب ( الشعر الشعبي) على متن القوافي
كانت شكوكي يقين وكان ظنّي صايب
يوم تومي لي ورى طوال الدروب يدينه لا يقول ان المسافة ماتجيب الغايب البنادم لا أشتهى قلبه مشت رجلينه ...... |
رد: فوق هام السحب ( الشعر الشعبي) على متن القوافي
لو هو صحيح الاوادم تفهم الخافي
ما كان قال المثل والخافيات أعظم أهم شيّ كلمتي والموقف الوافي والناس تفهم مثل ما ودها تفهم ...... |
رد: فوق هام السحب ( الشعر الشعبي) على متن القوافي
بعض البشر جوه مثل جو لبنان
لو كنت متضايق يخليك رايق وبعض البشر حاله مثل حالة إيران متمشكلٍ مع جميع الخلايق ...... |
| الساعة الآن 08:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية