رد: اخترنا لكم
 

يالله ياللــي زمــام امـورنا في يديك
‏لا تجعل المغـريات اكـبـر طمواحتنا

‏نسألك عفوك ولطفك والتوكل عليك
‏والعـافيـه والنـجـاه وسـتـر عـوراتنا

‏يارب ما فـــيـه ملجا مــنّك الا اليك
‏نخطـي وتقبل تضرعـــنا وحـاجـاتنا

آمين

رد: اخترنا لكم
 

‏ما يرى فيك العيوب اللي يحبك
‏والمعادي مـا يرى فـيك الـمزايا

‏لو تطيب العمر تلقى من يسبك
‏ما سـلم من الـبشر خـير الـبرايا

.....

رد: اخترنا لكم
 

الخاطر لياطاب من شخص تغليه
‏ماعاد يبقى له قدر واحترامي

‏يطيح من عينـك ولو كنت شـاريه
‏ماهو رفيقٍ بالمواقف حزامي

‏واللي مزاجه بعض الاحيان يغويه
‏حتى جهل دور الخوي والنظامي

‏من خانة التقديـر والقرب نعفيه
‏ولا التفت صوبه علي الحرامي

.....

رد: اخترنا لكم
 

اقفى ولكنه ترك داخلي شي
‏وانا تركت بداخله ألف حاجة

‏مدري مصير الحي بيلاقي الحي
‏ولا انا وياه صعب نتواجه

.....

رد: اخترنا لكم
 

كذبت لي كذبه وعودت صدقت
‏انه مصير الحي بيلاقي الحي

‏بس الحقيقة يوم منها تحققت
‏ان الفرح والحب أشياء ماهي لي

.....

رد: اخترنا لكم
 

‏مهما يكون الشعور اللي علي بادي
‏لا زلت أنا الوارد اللي ما طوى حبله

.....

رد: اخترنا لكم
 

‏اتنفَّس به ليا مات في صدري كلام
‏واتعنَّز به ليا مال جسمي للمطيح

.....

رد: اخترنا لكم
 

عن الخطأ ماني منزه ومعصوم
‏لكن احاول قدر الإمكان ما اخطي

‏وان جاتني غلطه من انسان محشوم
‏اغض عنها الطرف لا اخذ ولا اعطي

‏الصمت يحميني من العيب واللوم
‏والهرج تأثيره يطول ويبطي

.....

رد: اخترنا لكم
 

انتبه من طيحةٍ ماعاد منْها قومه
وانتبه من قومةٍ مجلاسك ابرك منْها

المواقف تمّسك الرجال من حلقومه
يا يداحمها بجنبه يا يجنب عنها

.....

رد: اخترنا لكم
 

‏لا تندفع واصبر لا جالك دافع
‏بالوقت هذا غلطتك محسوبه
‏
‏من لاصنع فعلٍ يجيله شافع
‏لا يصنع اللي جاريات ذنوبه

.....

رد: اخترنا لكم
 

‏الاجور مقيّده وانت في قيد الحياه
‏اغتنمها في حياتك وفك قيادها
‏
‏دام رب البيت مغنيك يا مال الغناه
‏اعط يمناك الاجر شفها ومرادها

.....

رد: اخترنا لكم
 

‏لو كـان نحســب كل زلـة وتقصير
‏كـان البشـر ما فـيـهم اللــي نـوده

‏عيش وتعايش في حياتك مع الغير
‏وإذا أرتـخــى حبل العلاقات شـده

.....

رد: اخترنا لكم
 

ان كــان ودك تعتلــي راس الهرم
‏اخذ النصيحه واترك اللي ماخذى

‏من قبل لا تسعــى على كف الكرم
‏لا بد ما تسعـــى على كـــف الاذى

.....

رد: اخترنا لكم
 

‏زعلّني الوقت والظاهر نسيت ارضا
‏مدري الصبر غلطتي ولاّ الوفا عيبي
‏
‏محتاج قلبٍ يطلّعني من الفوضى
‏يشعل بصيص الامل ويعيد ترتيبي

.....

رد: اخترنا لكم
 

‏على البال ياللي كل مامرني طاريك
‏بدت كل تنهيده تمارس هوايتها

‏أنا لو ينسيك الزمن ماني بناسيك
‏محبتك قصه ما اقدر اكتب نهايتها

‏لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏باروح انتظر فأول مكانٍ جمعني فيك
‏وبـا اعيد تجربتي معك من بدايتها

.....

رد: اخترنا لكم
 

على الزعل والضيق طحنا كبرنا
ماعاد فيه أشياء تستاهل الضيق

واذا اعتزلنا الكل محدٍ جبرنا
العزله أصدق من وجيه المخاليق

حتى على صد الحبايب صبرنا
الحلم لولا الصبر مافيه تحقيق

من كثر خيبات الحياه اعتبرنا
العمر لحظة والليالي توافيق

.....

رد: اخترنا لكم
 

تعبت أجبر الخاطر وانا خاطري مكسور
وآداري مشاعر عالم ما تداريني

أجامل واخبي وأتصنع وأعيش الدور
على إني قويه وأنا اللي فيني مكفيني

يحسبوني يوم أبتسم دايماً مسرور
مايدرون في دمع حبسته ورا عيني

.....

رد: اخترنا لكم
 

يا ليت الوجيه اللي هقينا بأهلها خير
بقى لونها هو لونها في بدايتهم

عطيناهم الإكرام والحب والتقدير
وعطونا جروحٍ ما تعالج بخيبتهم

شبعنا من العذر ومللنا من التقصير
ولا عاد نبغى منهم الا سلامتهم

.....

رد: اخترنا لكم
 

ياليت لو لي قلب سالي ومرتاح
المشكلة تنتابني حالة اجنون

دايم وهي تغش المشاعر وتجتاح
واصبر على بارق أمل باكر إتهون

.....

رد: اخترنا لكم
 

ضايق صدري ولا ادري وين اروح
كل ماحاولت اسلي نفسي ماقويت

ان شكيت الهــم تزداد الجــروح
وان كتمت الحزن من همي بكيت

.....

رد: اخترنا لكم
 

بعض الحكي ماينحكى صعب ينقال
لو ينحكى يمكن يدمر كثيرين

في داخلي للكل بيت ومدهال
دايم وهقواتي مع الزين والزين

متقهوي اللوعات من دلة البال
ما هز فنجان الصبر لو هو عشرين

في راس مرقابي اهيجن بموال
طاروق له ونه وحنه ومضامين

.....

رد: اخترنا لكم
 

لاصرت تنشد يارفيقي عن الحال
مالي على كتمانها عنك حيله

الصبر عن بوح الاحاسيس قتال
والبوح في بعض المواقف فشيله

لو كل ما يطري على البال ينقال
ما كان شفت ان الثقيلة ثقيله

ابطيت أكافح ضيقة البال بالبال
وادفع بلى هـاجوسها كل ليلـه

.....

رد: اخترنا لكم
 

لوا التواصل بيننا دوم ممدود
الله يحب الوصل مرسل نبيه

هو منزل القران للناس يا حمود
وهو خالق الإنسان وبعده منيه

ليه المحبه دربها صار مسدود
وليه التراحم والموده ضحيه

.....

رد: اخترنا لكم
 

الصيت لاصار طيّب و النبا عاطر
وقلبك بالايمان متطيب و متعطر

لوكان رزقك على قول العرب قاطر
الناس باخلاقها المبسوط والمضطر

مرٍ تشين الظروف و يصفي الخاطر
ومرٍ تزين الظروف وتخرب الخطر

لاتحسب اللي يمضي حجته شاطر
الشاطر اللي عن المنقود متشطر

.....

رد: اخترنا لكم
 

‏مابقى من ثورة الفكر وابداع القصيد
‏غير مايقضي لوازم ومايهدي بشر

‏اعتبر كل القصايد خطا ساعي بريد
‏جا يسلّم ظرف سرّي ولكنه انتشر

.....

رد: اخترنا لكم
 

يارب ما نرتجي غير الرضـا والـقـبول
عفوك يامحييّ الهشيم البايد من المحل

كـلٍ يسبـح ونادر نفقـه اللـي يـقــول
حتى تضاريس الأرض القاحله تبتهل

سبحانه

رد: اخترنا لكم
 

العين ساحة حرب والدمع بارود
والضيق جندي مابخل بالذخيره

.....

رد: اخترنا لكم
 

وإليا ترديت حدّرنا بك الوادي
‏و لا أنت بأول رفيقٍ بار في ربعه

‏أجفاك وأنساك وأقطع عرفك وعادي
‏لو إن صداقتك منقوشه ومنطبعه

.....

رد: اخترنا لكم
 

الحزن ما يصلح على وجهك ابد
‏تبسمّي واخذي من احساسي يقين

‏حتى لو ان الله خلقنا في كَبد
‏الله خلق وجهك يسر الناظرين

.....

رد: اخترنا لكم
 

ماني يميـن الدرب ولا يسـاره
‏الدرب أنا كلّه من أدناه لأقصـاه

.....

رد: اخترنا لكم
 

تبجحوا بالكلام اللي يجيب الصداع
‏ لاكبرت المشكلة حنا معازيبها

.....

رد: اخترنا لكم
 

‏القصيده في عيوني بدونك ما تزين
لازم ان اجيب طاريك يا ملح النشيد

انت ياللي من بطين الفؤاد الى الاذين
والله ان حبك مع الوقت ماينقص يزيد

في غيابك لك محبه ولك شوق وونين
وفي حضورك شف عيوني كلامي ما يفيد

.....

رد: اخترنا لكم
 

يراقبني بعينه وانا اراقبه بالعين
نبي بعضنا لكن الاوضاع تمنعنا
ٰ
الا ياحبيبي حن عرب في الهوى خجلين
نضيق ونخاف من المناقيد توجعنا
ٰ
نمشي بعض الاشياء ونسكت وحن دارين
ماجا في مسامعنا خرج من مسامعنا
ٰ
انا وانت في عالم لا مرضى ولاصاحين
عرب كنها معنا وهي ماهي بمعنا

.....

رد: اخترنا لكم
 

----
لا بارك الله في عمري ولا طوّل سنيني
ان كان خلّيتك ما بين غصه و عبره

تراك في وجهي بالزين و الشيني
اموت ولا اسمع كسرك في نبره

عيوني الي تشوفين ماهي بـ عيني
هي محلك يا كسر خاطري و جبره

ترا شاعرك تاه في حبك بالله دليّني
باع العمر يوم في عينك حفر قبره

وانا معك يا ملاذي فالعسر و الليني
شاعرك تقصر الايام ماينقصر شبره

والله ان ماقبلك فالغلا غير والديني
ولا بعدك احد كانك على خبره

.....

رد: اخترنا لكم
 

ماجيت احبك حب مثل المحبين
جيتك غلا باحساس قلبي يوده

اهديك روحي بالغلا ومحجر العين
ابني غلاك بـ قصر محد يهده

وافرش لك بالصدر ورد و رياحيين
واسقيك من نبع الحنان والموده

واكتب قصايد الحب فيك بقوانين
دستور ماغيرك من البشر يتسمده

.....

رد: اخترنا لكم
 

الفقد ماهو فقد من غاب عنـا
‏الفقد والله من بيدينا دفناه

.....

رد: اخترنا لكم
 

حقير الشوق ما يرحم ما له وقت أو حزه
يعور قلب كل إنسان فقد له واحد يعزه

.....

رد: اخترنا لكم
 

مايعرف الضيق غير الي فقد غالي
‏يبطي ونفسه من الأيام ملتاعه

.....

رد: اخترنا لكم
 

جعل لامن طاح حظي مثل دمعة ساجد
يرتفع قدري مثل سبابة المتشهد

آمين

رد: اخترنا لكم
 

لا حداني وقتي الغلاب وانا راهي
قلت من راسٍ فطين ومدرك ومتربي

جعلني ما اطيح فاللي ما يقدر جاهي
وجعل راسي مايطيح إلا لرحمة ربي

آمين