رد: اخترنا لكم
 

اخاف انحرم من شوفتك والذكي خواف
اطيع الزمن لو كان ماودي اطيعه

احبك وتباً للتقاليد والاعراف
ابضيع بين ايديك والضيعة الضيعة

وصلتك بما فيني من ارهاق واستنزاف
اقدم لك الطاعة واجدد لك البيعة

متى اضعف والاحظ مفرداتي تصير ضعاف
اذا جيت اوادع واحدن صعب توديعه

.....

رد: اخترنا لكم
 

تذكرت والذكرى الحزينه تهد الروح
ومن ذاق وجعتها معاد يتصورها

.....

رد: اخترنا لكم
 

يفطر عليك القلب وان فارقك صام
والله لو انك شوك سدره كليتك

القلب طير لا دعي للهوي حام
ولا انت وكره من كثر ما هويتك

كن العيون من النظر عقبك ايتام
وكني ما رايت الا انت من يوم رايتك

محمد بن فطيس

رد: اخترنا لكم
 

يايمه معاد ابي سوا راحة البال
حتى الهواء اليوم معاد هو ليّه

يايمه يطيح من التعب قلب رجال
وشلون انا ما أطيح وانا بنيه

معاد قلبي يحتمل خيبة آمال
خذيني بحضنك وسمي عليه

.....

رد: اخترنا لكم
 

تفارقنـا وصـرنا يـا حبيبـي بالزمـان أغـراب
وتاهت في دروب الشوق يا عمـري خطاوينـا

تفارقنا ولا ندري عـن الفـرقـا وش الأسبـاب
ظـروف الوقـت ولا خانت أحكـام القـدر فينـا

حبيبي يا بعد كل الحضور ويا بعد مـن غـاب
ترى لـو عـانـدت دنيـاي مـا واللـه تنـسـيـنـا

أكيـد إنـا تفارقـنـا ولكـن مـا نـزال أحبـاب
سكن فينا غلاك اللـي علـى بعـدك يواسينـا

.....

رد: اخترنا لكم
 

صدفه غريبه والحقيقه ماعلى الدنيا غريب
يا زينها صدفه بلا سابق وعد يا زينها .

الله صرفها لي مثل صرف العلاج من الطبيب
أثر الجروح تطيب لا من عولجت في حينها .

لا طاب جرحي منه من غيره لعلّه ما يطيب
يطعن وطعناته على شان الغلا راضينها

.....

رد: اخترنا لكم
 

من يعزّك مايشوف الردى فيك
ومن يكرهك حتى بخيرك يذمك

.....

رد: اخترنا لكم
 

‏لولا سجودي وأنكساري لربّي
مارتحت يانفسي من الضيق ساعه

في سجدتي القى علاجي وطبّي
وفي دعوتي معنى الرضا والقناعه

.....

رد: اخترنا لكم
 

ما علم الا جرحه بقلب واوراق
كثر القلوب اللي توسم بوسمي

ولا طاح كبري غير له خلق واخلاق
واللي خلق من سلسله طين جسمي

يا عل مالي فالوهم حلم منساق
وعسى شعوري دايما حول قسمي

يطري علي ان حمر الشمس الاشراق
ويطري علي ان سيل الغيم وسمي

وانا ادري ان له قلب ما غثه فراق
ويمكن مع الايام ما يذكر اسمي

أجيه مملي لهفه وخوف واشواق
واروح كاسر خاطري رد رسمي

.....

رد: اخترنا لكم
 

لو غاب نور البدر في عتمة الليل
ينشاف نور البدر في وجه خَلي

.....

رد: اخترنا لكم
 

اعتبرني غير فاهم وعتبر غيري معقد
بس وش هو الي يحدك تستشير من البدايه

يارفيقي هد روعك واسترح وذكر محمد
واسمع الهرج الصحيح وقصتي حتى النهايه

الثقه بـ النفس حلوه وفق منهجها المحدد
كون فخرك واعتزازك ما يقودك للغوايه

واحتقارك للخلايق حكم بـ السجن المؤبد
لن تجد من حولك إلا صورتك ذي فـ المرايه

والمعارف بحر واسع سايره بـ الجرز والمد
لا تقول ان المعارف كذب والشورى دعايه

والذي يعرف ركوب الخيل والموقف مسدد
عادني بـا علمه فن السباحه والرمايه

محسن حسين المصري
اليمن

رد: اخترنا لكم
 

ياملتقى أرواح وحروف الابداع
‏فيك النفوس المتعبه مستريحه

‏اجيك كلي هم ووجاع وصداع
‏وطلع ونا نفسي تعافت شريحه

‏ابعدت ضيقٍ منه خايف ومرتاع
‏وشرحت نفسي لنفوس المريحه

‏لقيت فيك الطيب لنفس مرباع
‏وعطيتني جوك ودارك فسيحه

.....

رد: اخترنا لكم
 

خـذ العفو ودايم تَـرفّع عـن الناس
وحافظ على اللي قال سم ان زهمتّه

الله خلقنا ألوان واشكال واجناس
و الكـل واحـد عـنـد ربي و عَـظمتّـه

لكن ترى الدنيا بها رخوم و انجاس
وفيها الكفو اللي فز لك لا احتزمتـه

المحترم قدره على العين والراس
و لا الردي شرهـه لو إنّـك احترمتـه

.....

رد: اخترنا لكم
 

من يوم خيبو بعض الناس ظني
‏زادت طموحاتي ثقه ما تلاشت

‏خسرت بعض الناس يمكن لاني
‏أخلاقي مع رغباتھم ما تماشت

.....

رد: اخترنا لكم
 

سلمت نفسي يا مقادير الايام
دام القدر حاصل ولافيه حيله

ليت النهايه مثل تمثيل الافلام
بعد العنا نشوف السعاده طويله

.....

رد: اخترنا لكم
 

زهرة شبابي من غثاء الوقت ذبله
‏ومن قال لي كيف انت قلت له مسرور

‏صدري غـدا للحـزن والهـم قبله
‏ماجور يا صـدري من الضيـق ماجور

‏في جوفي حروبٍ وللحرب طبله
‏ما بيـن عقلٍ آمر و قلـب مأمور

‏لـو اشتـكي للغيـم بيهـل وبله
‏وتشوف في كبد السماء قلب مكسور

.....

رد: اخترنا لكم
 

تكشف لك الأيام مضمون الاصحاب
وتعـّد اساميهم بروس الأصـابع


ماجد عبدالله

رد: اخترنا لكم
 

صغير حساس يتحسس من الملمس
احساس مرهف وبشرح حيل حساسه

يتحسس الجسم من لبسه لا اتلبس
ناعم وارطب من النسناس نسناسه

لباس له خاص ماهو نفس مانلبس
حرير فاخر من اعلى الراس لا ساسه

مايقبل الشمس يتعب لو تمسه مس
من رقته لا تشمس يوجعه راسه

.....

رد: اخترنا لكم
 

‏جعل نفسي في ذرى ربي ورحمة ربي
من ذنوب الغافلين ومن ظنون الريبه

ماجد عبدالله

رد: اخترنا لكم
 

لا خانك الطيب وتخمين البشر والشعور
ما يخونك اللطف من ربي وتعويضه

ماجد عبدالله

رد: اخترنا لكم
 

‏يالله ياللي ترزق الخلق وتزيد
تعطي على قد النوايا طلبها

ماجد عبدالله

رد: اخترنا لكم
 

اضرب على الصعب دايم والسهل خلّه
ما ياخذ السهل غير الهيّن الـعادي

.....

رد: اخترنا لكم
 

‏منهج كرامتنا على العز ما مات
نموت لجل نصونها ما ارتخينا

من طيبنا نرقىٰ بروس الطويلات
ولا ننشد اللي قال وش قال فينا

.....

رد: اخترنا لكم
 

من سمح لك نهب قلبي
من سمح لك تجرحه

من سعى قاصد لحربي
ربنا لا سامحه

ويل من شكك بحبي
له من الغير مصلحه

ايش سويت ايش ذنبي
وانت باول صافحه

ماطويتك لا وربي
بل قريت الفاتحه

فضل الدروبي

رد: اخترنا لكم
 

‏يا فقــــر قلبي للمحـبـــه والاشواق
وياشــــوق روحــي لليالي الجميله

اللي بهــا كنــا حبايـــــب وعشاق
واليــوم صـــرنا كل حد في سبيله

غيب كما غاب القمر عند الاشراق
من دون ياخـــذ اذن له في رحيله

من يومهـا والنار تشعـل بالاعماق
والقلــب نايـــح بالجروح العليله

.....

رد: اخترنا لكم
 

‏انت قصيدة طابقت كل الالحان
مهما نظمتك ما اكتمل فيك بوحي

وانـت حياتي لو على هيئة إنسان
أفرح بقربك يابعد روح روحي

.....

رد: اخترنا لكم
 

على كثر ما كانت ليالي الوصال قصار
على كثر ما كانت طويله بذاكرتي

.....

رد: اخترنا لكم
 

العين تلمح في نظـرها مـلايين
والقلب يعشق في الملايين واحد

.....

رد: اخترنا لكم
 

‏ليت الخلايق تنقلب کلها أنــت
‏واصير أشوفك کل ما شفت مخلوق

.....

رد: اخترنا لكم
 

لو ترفع الهافي بروس الطويلات
يجيك من روس الطويلات هافي

.....

رد: اخترنا لكم
 

للود بين الناس وزن ومعايير
ودٍ صحيـح وود حسب المصالح

ويبين بظـروف الليالي المداوير
اللـي تميّز لك خبيثٍ وصالح

‎النجم العالي

رد: اخترنا لكم
 

تتقي ورى لسانك بالكلام اللين
وأنت في كبدك حزوز ونيتك ملعونة

تحسب إني يوم تضحك لي عليك هوين
والخبيث أدري بخبثه لو ضحك بسنونه

أنت قلي من سواد القلب ويش تعين
هقوة الطيب وراك وهقوتك من دونه

لكن خذ الصادقة وأخذ الكلام البين
من فتح فيه طرف عينه طمست عيونه

شايع العيافي

رد: اخترنا لكم
 

احفظ مباديك واحفظ وجهك وقدرك
واحرص على الطيبه لو انها كلفه

مانته لحالك تشيل الهم في صدرك
من هرجة الناس ومن النظره الصلفه

الناس غايات والغايات لاتدرك
كم شيخ قومٍ عليه القوم مختلفه

‎فايز سراحان

رد: اخترنا لكم
 

‏يا اصحابنا مكثرين الضرب والطعنا
وش حالكم طيبين الله يمنعكم

ان زانت النفس نص الزاد يعجبنا
وانتو من الشك حتى الضحك يزعجكم

ناصر بن منقرة

رد: اخترنا لكم
 

ياناقد الناس وينك عن مناقبها
غرات الاجواد عند العارفه مثلم

مطية إبليس حبلك فوق غاربها
سريت لك في طريق ٍ منه ماتسلم

الكامل الله وخلقه لاتعذربها
حتى القمر هو قمر له جانب ٍ مظلم

ضيف الله أبا العون

رد: اخترنا لكم
 

يا رفيقي ما ورى الدنيا وأهلها طمعه
والأماني ما تحقق حلم للمتحلّم

أجتهد فالدين دام الدين راس السمعه
وأستعن بالله وخلّك للسفر متولّم

حظ من حول لوجه الله تعالى دمعه
وكل ما ضاقت به الدنيا سجد ما كلّم

وتدري الخسران منهو في نهار الجمعه ؟
اللي ما صلى على وجه الرسول وسلّم

صل الله عليه وسلم

رد: اخترنا لكم
 

هي تقول :
‏أنت وطن قلبي و أجمل أمانيه
‏يا ثاني رجال أحبّه بعد أبي

‏وهو يقول :
‏انتي في حفظ الله وقلبي انا
‏يا ثاني بنت احبها بعد امي

رد: اخترنا لكم
 

الاصدقاء لاصـادقو صـــدق اصدقاء
والصـدق يتـوثق بـذي حـبله وثيق

.....

رد: اخترنا لكم
 

مااحناء من اللي يحب المشاكل
لاكن لياء جت ترانــاء اهــلـهـاء

.....

رد: اخترنا لكم
 

يـــاطير وسّع خاطرك فوق الاشـــجار
واصـــدح بزينات اللــحون الجميلـــه

لـــو بالخواطر ضيق واحزان واســرار
الصـــبر غايـــات النـــفوس النبيـــله

.....