رد: اخترنا لكم
 

يـا حـبي الاول ويـا اخـر حب لي
حـبـك سـكـينه مـفـعمه روحـانيه

لا عــــد عـلـيـا يـــا قــمـر تـدلـلـي
مــدي حـبـال الـوصل والانـسانيه

يـكـفي عـذابـي اسـألك لا تـبخلي
عــلـى فــؤادي غــذي الـوجـدانيه

الـحب يـا من في هوى حبك بلي
قـلـبـي واصـبـح فـاقـد الـمـيزانيه

انـتـي الـتـي الـفـت مـنـك مـندلي
وصـغت تـحفه من هواك يا غانيه

لـو تـعلمي كـم قـدر حبش داخلي
لا تـخـجلي يــا الـدره المرجانيه

وتسرعي في شوق نحوي تحملي
وتـعـاهـديني مـــا تـغـيـبي ثـانـيه

لو مثل ما عنك اسأل انتي تسألي
عـنـي لـكـنـتي مـنـصفه مـتـفانيه

لــكـن مـــع ذالـــك عـلـيـا تـبـخلي
قـتـيل وانـتي مـا سـواك الـجانيه

انــا لــك الـدكـتور وانـا الـصيدلي
وانـتـي لــي الـعـالم بـكل مـعانيه

.....

رد: اخترنا لكم
 

بعد ماخلي جرحني خاص متعمد حظرني
شل اعصابي وجسمي والفؤاد اصبح سقيم

قصدها تجرح فؤادي كيد يعمل بس قهرني
بعد. حبي وله وعشقي جنتي صارت جحيم

والله اني كنت عاشق كل مافيها عجبني
بس.. فعله قد قتلني ضاع محبوبي القديم

قد. نسي حبي وعشقي تسليه لعبه جعلني
قلب قاسي مارحمني عاش باحزاني نعيم

صار يتجاهل غراامي صوب البندق قتلني
اخترق قلبي وصابه يلعن ابليس الرجيم

قد نسي ماكان مني ماجرى حتى هجرني
الوفاء قد شاف مني ربنا شاهد عليم

اشكي احزاني لربي لان محبوبي غدرني
ربنا حسبي وكيلي من باوصافه عظيم

.....

رد: اخترنا لكم
 

ياعطر ياكـــــاذي وياورد جـوري
ياجتن خضرا لها اثـــمار دانـي

يامصدر افراحي ومنبع ســـروري
وغاية آمــــــالي وكل الأمـــــاني

وين انت غايب هل غيابك ضروري
أو صرت عايفني وما عـد تباني

أو شفتني هايم وصابك غروري
من كثر حبي لك وكثر التفـــاني

أبغى انصحك قبل الدواير تدوري
وارجع تدور لي وما عد تراني

.....

رد: اخترنا لكم
 

‏فاقدٍ لي عمر من عمري وفاقدٍ وجه نيّر
‏كان قربه من متاهات العمر مخرج طواري

.....

رد: اخترنا لكم
 

لو رِمال البحر وامواجه حُروف
وصف حُبّك ما يعبر بُه حكي

.....

رد: اخترنا لكم
 

لي قلب واحد وانت من جيت محتله
‏معك ذقت لذات الهوى وانت ذايقها

‏تعدت مراحل خلٍ يموت في خله
‏أنا ادمنت بك حتى العذاريب عاشقها

حمد سعيد

رد: اخترنا لكم
 

مالقيت اشد واخطر من انواع الحروب
‏غير حرب النفس للذكريات الفايته

.....

رد: اخترنا لكم
 

‏والله انّي في محبّتـك إكتـفيت
‏والسعاده في وصالك تـستـمر

‏انت ماتدري بشعوري لا حكيت
‏كلمةٍ منّـك تكـفّيني عـمر

.....

رد: اخترنا لكم
 

دايم مسائي منشغل في طواريك
‏حتى لو ان عيني هوى ما حكتلك

.....

رد: اخترنا لكم
 

لا تجعـلي التبريـر مفـلى ومـيراد
‏العشـق مـن رب البرايـا عطـيَّه

‏خلي الهوى يجري والانفاس ترتاد
‏في مهـمهٍ مـا فـيه نفــسٍ زكـيَّه

‏حـتى عـلى جـمر المخاليق تعـتاد
‏وتمـيَّز أوصـاف الـردي والـرديَّه

.....

رد: اخترنا لكم
 

ويا حي لمس الكف والعنق والخد
‏ يـالـلي تعـدَّى طلـعةَ البـدر خــدَّه

‏في خـايعٍ نبتـه مـن الفـل والرنْـد
‏ وزاده جمال اليـا مِشَـنْ فيه مـرْدَه

.....

رد: اخترنا لكم
 

يطيح واقف راعي الطيب لو طاح
طيبه رصيده فالشدايد يشيله

يموت راع الطيب والطيب ماراح
يبقى مع الأجيال لو راح جيله

.....

رد: اخترنا لكم
 

‏ثنتين لو مهـما حصل لا تجي فيك
كـره الـرفيق وحـب مـن لا يـودك

والثالثة كانـك تبي النـاس تعطيك
مكانتك فاعرف مع الناس حدك

.....

رد: اخترنا لكم
 

‏احذر تشاور كل واحد يمرّك
‏ان شفت رايك صايب اقدح من الراس

‏اما تشاور لك حكيمــاً يبرّك
‏ولا تراك ادرى بنفسك من الناس

.....

رد: اخترنا لكم
 

ياحـظ بيـت ضـف زولك وربّـاك
‏وياحـظ عيـنٍ تنـاظـرك وأنـت ساهِي

.....

رد: اخترنا لكم
 

بشتري حزنك لا ضاقت عليك الدنيا
‏وابيع روحي لأجل فرحت عيونك

.....

رد: اخترنا لكم
 

‏يالله دخيلك من طعـون المناقـيد
‏ومن غلطة العاقل وقـل المـروه

‏ومن كلمة تفهم على غير ماريد
‏يمسـك طـرفهـا منك خبـل مفـوه

.....

رد: اخترنا لكم
 

‏القلب معك و فدوةٍ لك ليا ضـاع
‏تصرفي به واشتري به وبيعـي

‏لو ضاع والله مايجي فيه شفـاع
‏أنا ولي أمره ولأمرك مطيعـي

‏أما أنت يالمجمول يفداك من بـاع
‏والله مابيعك وأنت زهرة ربيعـي

‏يابو جبينٍ بالدجى له تشعشـاع
‏ومجـدلاتٍ مثل ذيل الطليـعي

.....

رد: اخترنا لكم
 

‏والله ان قدني من الدنيا واهلها زاهد
‏ والقصايد كلبوها والهوى ودروبه

‏ودي اجلس فاخر المسرح هناك اشاهد
‏البطل والفلم والمخرج وكيف اسلوبه

.....

رد: اخترنا لكم
 

لاقمت اتحاشا الناس واقفي شوي شوي
‏ولاعاد صرت احب اسولف على من شفت

‏تراني من الدنيا واهلها نفضت يدي
‏ومن جملة احلامٍ كثيرة قنعت وعفت

.....

رد: اخترنا لكم
 

‏بدا يعيش الخوف في قلب الشجاع
‏وبديت امل مّن الحياة الفانيه

‏والمشكله مدري متى يوم الوداع
‏ومدري متى يوم القطوف الدانيه

‏لكن على طاري ضياع وما ضياع
‏انا بديت اضيع مره ثانيه

.....

رد: اخترنا لكم
 

‏قبل يلهينا التكاثر وتاخذنا الوفاه
‏المعزّه خير والضعف مافيه بركه

‏كل ماشفت القصور الوسيعه والغناه
‏قلت سحقاً يا صعاليك ليه الصعلكه

‏لو يعاتبني رفيقي عسى الدنيا فداه
‏ما درا إن إللي ورا الصدر قتلا معركه

‏كل مستغني عن الناس مهيوبً حماه
‏يكبر الرجال لا صار محدٍ يملكه

.....

رد: اخترنا لكم
 

‏يـاهواي وشف بالي ومطلوبي
‏كل كلمة حب في خاطرك قلها

‏عطني من الود حقّي وماجوبي
‏واكشف اسرار المحبين وازهلها

‏وان قضى هرج المحبّه يامحبوبي
‏مفردات الحب عدها من أولها

.....

رد: اخترنا لكم
 

‏نشوف العوج ونشجعه في إعوجاجه
‏راحـت مبـاديـنـا مـجـامـل وتـدليس
‏
‏مـرض تـصـعـب مـالـقـيـنـا عــلاجـه
‏بـعـنـا ذمـمـنـا بالفلس للـمـفـاليس
‏
‏درب السنع واضـح وسيع إنـفـراجـه
‏إما الدروب العوج مسلك متاعيـس
‏
‏واللـي مغير يطير وسط العـجـاجـه
‏قرطاس من صنف الورق والقراطيس

.....

رد: اخترنا لكم
 

‏سقى الله ذاك الوقت الاوّل وذاك الجيل
‏يوم إن القلوب نظاف والناس مجتمعه

‏يوم إن الحياه القاسيّه بين حط وشيل
‏زمان الوفاء والطيب والجود والفزعه

.....

رد: اخترنا لكم
 

‏الحظ طيب بفضل الله وتوفيقه
‏والهقوه تسوقنا للي على الهقوه

‏يوم إن بعض الأوادم يشرق بريقه
‏أصـحابنا نقـوه وهـقواتنا نقـوه

.....

رد: اخترنا لكم
 

‏انتِ شي من الحقيقة وضرب من الخيال
‏ صفوة التالين وآخر بقايا الأولين

.....

رد: اخترنا لكم
 

قل لمن صدره يضيق بكل مأزق
‏لا تستسلم للكدر والضيق تكفـىَ

‏دامنا فـوق الارض حـيين نُرزق
‏الظـروف تزول والأوجاع تُشفـىَ

.....

رد: اخترنا لكم
 

ما عاد تغريني علوم المحبيّن
‏من عقب ما فارق خيالك خيالي

‏عرضتني صلف الهوى والعنا لين
‏تفتقت منك جويد الحبالي

‏ويش جابك من بعد خمسة سنين
‏تقعد تنشّد عن علومي وحالي

‏علومي تسرك وزين على زين
‏لو إني أشوى زولك إليّا طرالي

‏قد كنت متمسك بحبّك وذلحين
‏سمحت من طرد الهوىّ والوصالي

.....

رد: اخترنا لكم
 

‏اعتبرني ملاذ تحس قربه بـامان
‏وأيّ كلمة تخاف تقولها قولها

‏اعتبرني شعور وفاقده من زمان
‏وجا يلبّي ندا عينك ومرسولها

.....

رد: اخترنا لكم
 

‏اشوف حاجات واجد خاطري فيها
‏والنفس تبغى لها عزم يروضها

‏كم خلت النفس شيٍ من مشاهيها
‏لله وانا واثق ان الله يعوضها

سبحانه

رد: اخترنا لكم
 

‏يا ذكرياته وانا وشلون ابنساه
‏وانا طيوفه علي تامر وتنهى

‏اصد عن كل ذكرى لكن القاه
‏تقول مافيه دارٍ ما سكنها

‏حتى هداياه ياقسوة هداياه
‏لليوم من حزني ادفع له ثمنها

.....

رد: اخترنا لكم
 

‏والله ماني حزين ولاقصيدي حزين
‏لو اني اشعر بشي فيه ماتشعرون

‏اقروا مابين السطور وناظروا كل عين
‏الصدق بالشعر ولا في كلام العيون؟

‏التاليه علمتني كل علم يقين
‏والاوله للظنون اللي وراها ظنون

‏الشوق للراحلين اللي ماْهم راجعين
‏اقسى من الشوق للي يمكن يعودون

.....

رد: اخترنا لكم
 

الفرق فرق العقول وفرق الافعال
‏ماهوب فرق الدقون ولا الشوارب

‏ماشفت بين العلوم انواع واشكال
‏علمٍ نفعني مثل علم التجارب

‏لو انخدع في مكايد بعض الازوال
‏ما عكّروا شي من صفو المشارب

‏ما للخرافات في مخباي مدخال
‏الفار ما له دخل في سد مارب

‏مانيب عقرب ثرا تلدغ وتحتال
‏عشان آميّز حركات العقارب

‏علّمني ابوي كيف آصير رجال
‏وآشوم لا اعتادت الوطي الغوارب

‏الاستراحة ماهيب لروس الابطال
‏المستريحين ما فيهم محارب

.....

رد: اخترنا لكم
 

‏كل الالوان غير الاحمر الفاقع
‏ذكرياته معي ماهي بمنسيه

‏خانك الحلم والا خانك الواقع
‏الاجابة هنا من دون اهمية

.....

رد: اخترنا لكم
 

ايا قلبي اللي فيك غصه متى بتتوب
‏وتستوعب ان اغلى النعم منك زواله

‏مصيرك مصير الورد تظلّم بدون ذنوب
‏مع انه مهو باياة مخلوق يهدى له

‏تعجل بموته من ترده مع المندوب
‏وهو كان عقب ايام بيموت من حاله

.....

رد: اخترنا لكم
 

‏كنت اظن وكنت دايم فوق ظني
‏معك ما قد صار شيٍ كنت أخافه

‏يا بعد من خاطري معه مْتعنّي
‏فيك عنّيت الشعر وزنه وقافه

‏وألمحوك بصوتي الولهان أغني
‏يا ربيع العمر يا محيي جفافه

‏وهبّوا بزينك ولا عفتك مع أني
‏أي شي تهب فيه الناس أعافه

.....

رد: اخترنا لكم
 

ملح وجهك لا طرا فبالي وحلو اسلوبك
‏اشرب القهوه على سكر حديثك ساده
‏
‏لا غمرك الشوق لا تسأل بشوقي صوبك
‏دون لا تسأل انا مشتاق لك كالعاده

.....

رد: اخترنا لكم
 

‏خبني بين الضلوع إن كان ما فيها كلافة
‏ ما دخلت إلا على شيٍ أبيه وفيه شفّي

‏جيت هارون الرشيد اللي بنى قصر الخلافة
‏والله إن الشوق فاضح لو أكابر به وأخفّي

‏معك ما استصعب محال وما توقفني خرافة
‏للصبر آخر وأنا دايم معك صبري مكفّي

.....

رد: اخترنا لكم
 

‏ودي أكمّل معك حتى الحياة البرزخية
‏وين تلقى عاشقٍ يبغاك حتى في مماته

‏من يشوفك يدري إن الموت حاجة عايديه
‏كل ليلة في طوارف مبسمك يعلن وفاته

‏هات فنجال الهوى بإيدك وحطه في يديّه
‏لو تصبّ الموت في فنجال حبّك قلت هاته

.....