رد: فوق هام السحب ( الشعر الشعبي) على متن القوافي
 

المعطف الجلدي تتلّه على الراس
تبيه يدفيها وهي صدق تدفيه

والله لو في برد الشتاء ذره احساس
لازم يذوب الثلج لاقالت احيه

سليمان المانع

رد: فوق هام السحب ( الشعر الشعبي) على متن القوافي
 

أنا شعوري لو تذعذع به النود
‏ماني على العرض الشريف متعدّي

‏أقبل على سلهامة عيونك السُود
‏ويردّني ذكر الله و ذكر جدّي

بندر الشيب

رد: فوق هام السحب ( الشعر الشعبي) على متن القوافي
 

يامطر لاتتردد في سماي
‏لاتمرجح على حبال النصيب

بل ريق الورق قدر ظماي
وبسلامتك لاتملا الشعيب

....

رد: فوق هام السحب ( الشعر الشعبي) على متن القوافي
 

يالهذا الليل يابرد المشاعر كيف ندفى
‏والحبيب اللي ليا من قلت قرّب حيل عيّا
‏
ذلّني ينعن ابو شكله ولاتعنيه تكفى
‏والشتا كسّر ضلوع الروح واستوطن هنيّا

....

رد: فوق هام السحب ( الشعر الشعبي) على متن القوافي
 

يالمّاح تلحقك المشاريه يالمّاح
‏مادام إنك تميّز متى مزحي وجدّي

‏إذا شفتني عيّيت كثّر من الإلحاح
‏تراني أقول إني ماودّي وأنا ودّي

....

رد: فوق هام السحب ( الشعر الشعبي) على متن القوافي
 

طلتْه هي الحياة وكانت اجمل قدر
‏لكن سرقه الغياب اللي ذبحني عليه

‏ملامحي مثل شباكه ملامح هجر
‏والبال مهد اسئلة كيف ومتى نلتقيه

‏بعده هوى كل حلم ومات حتى الصبر
‏كأن ربي جعل سر الحياة ابيديه

‏ماهو انا بس من شوقه تعب ينتظر
‏حتى الشجر جفت عروقه وهو يحتريه

....

رد: فوق هام السحب ( الشعر الشعبي) على متن القوافي
 

يالسراب اللي بصحرا نجد وهقني بريقه
‏ماحصل لي من وراه الا الظمى والموت جاني

‏رشيد الزلامي

رد: فوق هام السحب ( الشعر الشعبي) على متن القوافي
 

رحنا وتركنا أنفاسنا تحرس الباب
‏نخاف لونه تجرحه شدّة الريح
‏
‏حنّا لبسنا أصواتهم للشتا ثياب
‏وقلوبنا صارت لأثرهم مصابيح

....

رد: فوق هام السحب ( الشعر الشعبي) على متن القوافي
 

حبيبيتي لولا تْعَشيم الاماني
‏ماكان قلبي يستبيح التجاريح
‏
شوفيه ظنّ الشعر هذا أغاني
وأن الهموم اللي تهزّه مراجيح

....

رد: فوق هام السحب ( الشعر الشعبي) على متن القوافي
 

تبي تجيني مرحبا جب معك فاس
‏نفسي على كل المواجع حدوها

‏مرّوا على أغصاني قبل جيّتك ناس
‏كل الغصون الخضر بي جرّدوها

....