|
هاردلك والامل لا زال قائم يالصقور...هنا الفضفضه
بسم الله الرحمن الرحيم انتهت مباراة كوريا الشماليه والسعوديه في تصفيات كأس العالم بالتعادل السلبي وهي نتيجه تؤهل المنتخب الكوري ذوات امعيون امصغار قلعها الله وبالتالي تأهل اليابان واستراليا وكوريا الجنوبيه وكوريا الشماليه الى كأس العالم اما المنتخب فيجب عليه لعب الملحق ليتأهل لانه صاحب المركز الثالث في مجموعته فيقابل البحرين صاحب المركز الثالث في المجموعه الاخرى والفائز منهما يقابل نيوزلندا المتأهله من قارة اقيونسيوا<<<<مدري وش اسمها:furious: هاردلك والشباب ما قصروا لكن الحظ وقف في وجيهنا النقاش: ما رأيك في نتيجة المباراه؟ مارأيك في مستوى اللاعبين؟ ما رأيك في تغييرات المدرب بيسييرو؟ من افضل لاعب بوجة نظرك في المباراه ؟ هل تتوقع ان نتأهل بالملحق ؟ هل مستوى ياسر القحطاني ومحمد نور مرضي ؟؟ ما رأيك في حكم المباراه ؟؟<<<< انا والله انه عجبني ^-^ واترك لكم المجال للفضفضه بما في قلوبكم |
رد: هاردلك والامل لا زال قائم يالصقور...هنا الفضفضه
علي الله ينور دربك بس !!
ما قصروا !!؟؟ ياسر واقف لي ما بينه و المرمى سنتمتر يشوت بقوى ما عنده في النص !؟ استهبال !! و لا نور يمين بالله الشوط الأول لو واحد منا مكانه كان أصرف ..! و الشوط الثاني كله مسدوح !! و الخول بيسيريو .. يطلع محور و ينزل محور و يطلع جناح و يدخل جناح و مهاجم و مهاجم !!؟ كأني في البليستيشن و فايز و ودي أطقطق !! و لا قلك القحطاني ! مدري وش عنده اليوم رفعات غبيه هو و الزوري ! ما فيه احد اليوم نقله شكراً إلا هوساوي و حسين و وليد و شهيل ! حسبي الله على اي لاعب ما قدم كل الي عنده ! حسبي الله على الي كان بارد !! حسبي الله على الي يحضن كل كوره لين ياخذونها !! .. و ما يحتاج يروحون كأس العالم .. ! و الله آخر زمن الشماليه تروح و احنا و ايران نتفرج .. // ما رأيك في نتيجة المباراه؟ منطقيه ,, مارأيك في مستوى اللاعبين؟ مذكور ما رأيك في تغييرات المدرب بيسييرو؟ لو أنه أنا و الله أحسن !! من افضل لاعب بوجة نظرك في المباراه ؟ أسامه هوساوي في هالمباراه و التصفيات عامةً ! هل تتوقع ان نتأهل بالملحق ؟ إيه , بس و الله من القهر ودي أقول لا ! هل مستوى ياسر القحطاني ومحمد نور مرضي ؟؟ لا لا لا ,, ما رأيك في حكم المباراه ؟؟<<<< انا والله انه عجبني ^-^ ما فيه نخوه ! سوري .. ليه ما يعطينا ضربة جزاء ( تقديريه ) لو حسبها محد يقدر يقله شيء !!!!؟ // علي انت انسان بارد زي العاده .. يا ليت عندي اعصابك < ما شاء الله عليك |
رد: هاردلك والامل لا زال قائم يالصقور...هنا الفضفضه
اسآلك بالله ياسر القحطاني هذا لاعب ؟
قسم بالله طباااااااخ كبير منفرد في الباب يشوتها في وجه الحارس ياشيخ روووووح ويخرب هدف ع نور يبغى هو يسجلها ونور حقد عليه شويه ويضربه ياخي حرام عليكمـ كفايه ظلم والله قسم بالله دام ياسر في المنتخب مانفلح شوف قدامـ ايران فزنا ع ارضهم لانه ياسر ماهو فيه وشوف قدامـ الامارات ياسر ماهو فيه فزنا قسم بالله ماغير يحسب يستعرض بالسكسوكه حقته ويتملح قدامـ الكاميره عشان البنات ويخرب هدف ع نور وع هزازي عشان يسجلها ... وبعدين هذا مدرب ولا قلت حيا يدخل محور بمحور وش فايده المحور احنا نبغى نفوز اخربها دخل مهاجم ثالث ولا وسط دخل تيسير ياشيخ تدخل محور بتدافع انت ؟ ويخرج ياسر ويدخل ناصر ياشيخ من بدري خرج ياسر ودخل السعران والشمراني اقسم بالله اني مقهور نشجع في منتخب فاااشل لو فازو كانو اخذو ربع مليون لكل لاعب لكن مايقدرون الجحلط قسم بالله افضل لاعبين اليوم هوساوي وشهيل والحارس فقط لو لعب فريق الاتحاد بيفوز ع كوريا شاكر لك ياعلي |
رد: هاردلك والامل لا زال قائم يالصقور...هنا الفضفضه
والله قهر يتأهلون الكوريين ما رأيك في نتيجة المباراه؟ سلبيه جدا مارأيك في مستوى اللاعبين؟ نص ونص ما رأيك في تغييرات المدرب بيسييرو؟ تباديل فاشله من افضل لاعب بوجة نظرك في المباراه ؟ هوساوي (ابو كلبشه) هل تتوقع ان نتأهل بالملحق ؟ انشاء الله هل مستوى ياسر القحطاني ومحمد نور مرضي ؟؟ لا ما رأيك في حكم المباراه ؟؟ حكم يرفع الضغط وبالتوفيق للأخضر وشكرا لك ياعلي |
رد: هاردلك والامل لا زال قائم يالصقور...هنا الفضفضه
ماحصل الليلهـ من الخيال ولكنهـ كان الواقع ما رأيك في نتيجة المباراه؟ طبيعيهـ مارأيك في مستوى اللاعبين؟ سيء جدا ما رأيك في تغييرات المدرب بيسييرو؟ أسوأ من السيئهـ من افضل لاعب بوجة نظرك في المباراه ؟ عبدالله شهيل هل تتوقع ان نتأهل بالملحق ؟ نعم هل مستوى ياسر القحطاني ومحمد نور مرضي ؟؟ لا ولابد من معاقبتهم وكل اللاعبين المقصرين بخصم من رواتبهم 50 بالمائهـ حتى يتأهلوا وان لم يتأهلوا صم لمدهـ موسم كامل ما رأيك في حكم المباراه ؟؟ كان ظالما للكوريين ومساندا للمنتخب السعودي يعطيكـ العافهـ ياعلي |
رد: هاردلك والامل لا زال قائم يالصقور...هنا الفضفضه
منتخب بارد وممل وسئ جدا جدا جدا
لافيه لاتكتيك ولا خطه ولا طريقه يلعبون فيها منتخب يصنع هجمه بكل بطء بطئ بطئ لابعد حد كل هذا بمباركة صاحب الخطط المدعوسه نور وياسر لاتعليق ........ابعاد من المنتخب بقية الاعبين سيئين ماعدا الهوساوي وحسين ووليد اما الكوتش مافي راسه كوره مادام المنتخب يحتاج الفوز ويلعب بمحورين |
رد: هاردلك والامل لا زال قائم يالصقور...هنا الفضفضه
أقسم بالله أن اللي نكبنا الهلال ولعيبته الفاشلين الله لا يوفقهم هذولا حدهم واحد طش يلعبونهم كوره ليييييييييييييييييييهياسر و الزوري والشلهوب فااااااااااااااااااااااااااااااااااااااااااااااااا اااااااشليننور ما سوا شيكل هجمه لازم تمر من عند حسين ليه مافيه في المنتخب غيره أسامه وشهيل فقط
|
رد: هاردلك والامل لا زال قائم يالصقور...هنا الفضفضه
لا فقط اقول لكل شخص ير د بتعصب راجعو ردودكم
وحكمو عقولكم فكونا من كلام المتخلفين واحد يقولي الهلال نكبنا ويرجع يقول هوساوي ممتاز علي عسكر رشاش والله ان الرد جاهز على لساني والله لابينلك انت وياه كيف تتكلم عن لاعبي الهلال لكن إذا جاريت في خلق دنيئ** فأنت ومن تجاريه سواء الله يهديكم بس بعدين اتمنى الواحد يترفع عن بعض الألفاض لأن الاعب مايدري عنك انت تغتابه وهو ياخذ من حسناتك تسيء لنفسك فقط |
رد: هاردلك والامل لا زال قائم يالصقور...هنا الفضفضه
اقتباس:
ماشاءالله عليكـ شكلك فاهم في التعصب الرياضي تسمع بالتعصب شكلك انا ماغلطت ع آحد وثاني مرهـ ياليت تقرآ ردي زين بعدين تعال آحكمـ والشي الثاني لو تكلمت عليك والله ماراح تدافع عن نفسكـ كثر ماتدافع عن لاعبكـ ياسر الخاسر ع العموم باي باي يا كآس العالمـ وآفرح في منتخبكـ ولعيبته |
رد: هاردلك والامل لا زال قائم يالصقور...هنا الفضفضه
ما رأيك في نتيجة المباراه؟
غير مرضيه مارأيك في مستوى اللاعبين؟ اقل من عادي ما رأيك في تغييرات المدرب بيسييرو؟ اقل من عادي من افضل لاعب بوجة نظرك في المباراه ؟ هوساوي هل تتوقع ان نتأهل بالملحق ؟ نعم .. لا اتمنى ذالك هل مستوى ياسر القحطاني ومحمد نور مرضي ؟؟ لآلآ .. والف لآ .. ما رأيك في حكم المباراه ؟؟ ممتآآآز .. |
رد: هاردلك والامل لا زال قائم يالصقور...هنا الفضفضه
قسم بالله أني كنت عارف أنه هذا اللي راح يصير للمنتخب ..
منتخب نطبل لهم غلطاتهم ونرفعهم فوق ما يستحقون وفي الأخير هذا اللي جنيناه والله يا شباب أشوف أن سالفة مكافأة الفوز صارت لحد غير معقول تخيلوا لو فازوا أن لكل لاعب 250 ألف والله شي يجعلنا نخاف من هذا الزمان ومن هذا الترف اللي صرنا عايشين فيه أجل مجموعة عبند يستحقون هذه المبالغ اللي جالس تصرف عليهم وفي الأخير والله ما من وراهم الا كل نكسة الله يفشلهم :42: اقتباس:
اقتباس:
مستوى الاعبين كلهم زفت بإستثناء عبدالغني وهوساوي وشهيل ووليد عبدالله اقتباس:
اقتباس:
اقتباس:
اقتباس:
اقتباس:
|
رد: هاردلك والامل لا زال قائم يالصقور...هنا الفضفضه
بالعربي افضل لاعب عندي اليوم
شهيل بعده عبدالغني وهوساوي ووليد وليد وهوساوي فالاخير لانهم مريحين طول المباراة اما المدرب والله غريب جداا اليوم ياسر القحطاني والله العظيم اتكلم من جد انه لاعب اليوم اثبت انه فعلا متعالي ومتكبر وصراحة سامي الجابر ارحم والله ياسر اليوم اناني لابعد درجة الزوري انا مدري لية بدل معاذ فالمنتخب عبدالغني ملك الجهة اليسار هنا لية تقول عطيف مطرود اقلك من اول البطولة والله لو لعب عزيز وتيسير محور اشوفه افضل تيسير من النص خطير ولاعب يحاور فالزحمة ورجله قوية الهجوم يكون السعران وهزازي والشمراني بديل والقحطاني مع الدعيع فالمدرجات والله اليوم معاذ لو لعب مكان الزوري بس بدون الكلام الي قلته كان من فاول جاب قووول المنتخب دفاعيا ممتاز الهوساوي المولد المرشدي تكر الاظهره حسين ومعاذ وشهيل والزوري كاحتياطي المفروض زيد المولد معهم طبعا وسط عبده واحمد عطيف وتيسير وعزيز والقحطاني نوور صاحب هجوم مالك السعران الشمراني الهزازي الحارثي بشير المحياني والله منتخب بس بضمير حطهم ووزعهم وخل ميول الاندية بصراحة الاتحاد السعودي واضح الصدع فيه ان مسكها هلالي ابلشنا بالهلالية وان مسكها نصراوي والله نفس الشي وشوف منتخب السعودية في احدى دورات الخليج يوم اندق من العراق بسبعه اشوف ان الي يسمكها من الغربية اتحادي او اهلاوي او وحداوي والله انهم محاييدين ويتنافسون فالملعب بس خارج الملعب مافيه حقد زي الهلال والنصر |
رد: هاردلك والامل لا زال قائم يالصقور...هنا الفضفضه
قبل ماابداء اتكلم اشكرك ياعلي على الموضوع
وبعدين ياشباب اشوف ان مااحد ذكر نايف هزازي يعني بالله المستوى اللي لعبه امس نايف مايرضي اقسم بالله ان نايف اللي سوى كل شي لدرجة انه بعض الاحين يرجع للنص عشان ياخذ الكوره ويهجم وبعدين انا لو اني مسؤول عن المنتخب بأمسك نور وياسر بالخيزران وامحطهم تمحيط اش اللعب الغبي هذا كأني قاعد اللعب في دوري مدرسه والا المدرب والله اني اول مرة اشوف مدرب يطلع مهاجم ويدخل مهاجم ويطلع محور ويدخل محور وهو مهزوم الله لا يفضحنا لاهنت ياعلي |
رد: هاردلك والامل لا زال قائم يالصقور...هنا الفضفضه
كلام احمد الشمراني صح 100%
ما ازيد عن كلامكم شيء...لكن والله ودي اني ماشفت ردود مثل ردود علي عسكر ورشاش ياشباب احنا نبغا نتناقش هنا ونتفاهم..مانبغا كل واحد يجي يسب نآدي !! تعصب فيكم يالنصراوية والهلالية بشكل بآآيخ جداً يعني تكلم .. ناقش .. فضفض على قولتهم ...لكن بأدب ! بالنسبة للمنتخب الدفاع تمام ... الا الزوري..ودي ان حسين مكانه .. وان المحور عزيز وتيسير الوسط نور يبغاله ينضرب الين تتفتح آذآنه وياسر الله يهديه والله ماشفنا منه شيء من بداية المباراة لآخرها هزازي .. اقســـــــم باللـــــــه ملـــــــــــــــــك لكن اشوفكم ظالمينه في الردود ولا احد تكلم عنه بصراحة قدم كل ماعنده مثل المكينة ماشاء الله لكن الحظ ضده تمااااماً وشكـــــراً لكمـ جميــــــعاً...وتكفون ياهلاليين ويانصراويين...فكونا بلا تعصب زآيد عن حده |
رد: هاردلك والامل لا زال قائم يالصقور...هنا الفضفضه
ما شاء الله عليكم اقول وش رايكم تحللون في الاي ار تي يكون احسن
وش دخل ياسر في السالفة الهزازي عشان مسوي دبل خلاص مبدع الهجوم ما وصلت له كور زي الاوادم نور مسوي رادار في الملعب او استكشاف سبب التعادل في المقام الاول محمد نور وبصراحة رجل المباراة اسامة هوساوي غير كذا ما في اي لاعب ولاعبي الهجوم اتمنى انه ما احد يقعد يبربر شوفو المباراة مرة ثانية وراح تعرفون انه ما جاهم ولا كورة صح على فكرة لا احد يزعل مني يوم قلت الاي ار تي كلها من باب الدعابة فقط لا غير بس اتمنى انكم تنسون شي اسمه كاس العالم لانا بصراحة والله ما نستاهل اللعب فيه كوريا الشمالية ما قدرنا عليها تبغون نقدر على منتخبات اوروبا وافريقيا؟ |
| الساعة الآن 05:10 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية