|
ماتشفع الصوره معا بن ظافر ؟؟؟ ؟؟؟؟
سلام ياللي بالجهود إيظافر يحتاج لك ذلحين نزع آظافر ماتشفع الصوره معا بن ظافر والمرجله يتعب لها راعيها طلبتني وانا تراني حاظرن ماني بعيد شدّ الحزام الى آخره واحذر تجيني مرتبك لاتحسب ان الشعر مدفونن معا زيد وعبيد ان كنت ذيبن يافتى لازم نلاقي لك شبك |
في انتظار رد الشاعر/ عبدالله بن علي الشمراني والمبطي بعذره حتى يسجل حضوره |
صح لسانك
ان كنت ذيبن يافتى لازم نلاقي لك شبك بانتظار الرد محاوره شيقه باذن الله |
ياسلام ياسلام صح لسانك ياحمد
وننتظر الشاعر عبدالله الليل الليل |
يالله ياعبدالله وينك
يستاهل اللي على بيت الحنش ياهبيده تحياتي لكم |
وينك يا ابو عااابد
بالتوفيق |
ياسلام ياسلام يا ابو مسفر
في انتظار رد الذيب والله يكفينا واياكم الشبوك |
ارحب بالشاعر حمد مره ثانيه وفي انتظار الشاعر عبدالله
|
صح لسانك يابوراكان وننتظر ابو علي ورده |
مبدع يا أبو راكان ودائماً
وصح لسانك ونتظر الرد من الشاعر عبدالله |
إرحب يابو مسفر ، وأرجو المعذرة فتأخري في الرد كان بأسباب ، يعرفها بعض الإداريين يا مرحبا يابو شنب وآفــاخـــر إني بملبوس ٍ ثـمـيـن وفـاخــــر بـآلأوله دايـــم ولانـي فــاخـــر والمرجـله كـلن عرف راعيها الـصورة الي جـمعـت بـين المقـدم والعـمـيـد تـنـبـيـك عن وقفة أمير الشعر بحظور الملـك والحـر الأشـقـر لا نوى بالصيد عز الله يصيد تبطي طـيـور البيت ما حـطـّـته في فـخ وشـرك |
تبقى وتسلم والشنب فالذمّه لاصار قصدك تمدحه وتذمّه اللي بينفع بوه مابذّ امه والمرجله يتعب لها راعيها شكّيت في بعض المعاني من قديم ومن جديد يانجم شفنا سطعته في كل دورات الفلك نبعد عن الثلب الذي حمّل بطنّ من الحديد أمّا حبى والاّبرك والاّ نطحك وكسّرك |
ماصارت هذي محاوره طفشنا اسبوع وهي مكانك راوح خلصونا ولابعود اقول خلوهاااااااااا
|
الـهـرج بـآخـصّـه ولا بـآعــمّـه للجاهـل الي شـجّـعـتـه الـعـمّـه يبطي يزعزع مستوى بن عمّه والمرجله كلن عرف راعـيـهـا يـاشـاعــر ٍ يـفـتـل بيوت الشعر ويحل العـقيد الـشـك زايـل بـيـنـنـا مـير إستمع يوم أنصحك إن كان لك سيفٍ بريع ٍ في اللوازم ينجد إيــد إحـــذر تـسـلّـه سـلّـة الـخايـف يـعـوّد يـقـتـلـك |
الداب الاقرن طالعن من غاره ابقتلع نابيه في فيـــــــــــــغاره سيفي يجمّلني بنطح الغــــاره والمرجله يتعب لها راعيها عز الله اني ما اعتبرته فالقصيد الاّ فقيد سلّم عليه وقل حمد دوّر لك وما حصّلك ان كان غرقان فشهيد وان كان محروق فشهيد بمشي على الجرّه واتابع دربه اللي قد سلك |
ياسلام ياسلام كلام كلام
عاشو متابعين استمرو |
فـي ديــرة الأبـطـــال تـبـقـى الـشّــارة مـا هـي لـنـاس حـظـوظـهـا قــشّــارة معـنى الـشـعــر ما تـعـرف لــقـشّـارة والـمـرجـلـة كــلّـن عـرف راعـيــهــا قـالـولـي إنـّـك يـاحـمـد ظــابــط وزيــزوم ورشــيـد لـــكـنّ مـــدري تــحـمـل الـنـجــمــات ولاّ تـحـمـلـك إن كـان لـك رتـبـة كـبـيـرة رزّت الـمـتـن الـشّـديـد لـي رتــبــةٍ فـي لابــتـي عــدّت وطـافــت رتــبــتــك |
اسجل حضوري واعجابي با الشاعرين وانا من من يلتمس العذر للشاعر شمران لعلمي بضروفه
الصحيه 00 شافاه الله فقد خرج لتوه من السرير الابيض في مستشفى البشاير0 |
استمروا فنحن متابعين والف سلامة للشاعر شمران |
استمروا فنحن متابعين بحماس |
الله الله على هذه الكلمات المزونه بذهب والمليئه بالمعاااااااااااااااااااااااااااني الجميله فقد زاد حماسنا وشوقنا لمعرفة البدع من ابو راكان وماذا سيكون الرد من ابو علي واصلوا لاهنتوا فلهذه المحاوره طعمها |
مايحسب البحر العميق الشارع مادام باقي للشريــــــــعه شارع اللي مهوب كفوً يـــــدج الشارع والمرجله يتعب لها راعيـــــــها عاش الملك مايعطي الرتبه سوى الرجل السديد وشهادتك ماني بحاجتها عسى الله يحفظك تعال بين القافيه والحرف واوزان القصيد وآميلك وآعدلك وآعدلك وآميلك |
بيض الله وجيهكم ولا هنتم
أبدعتم كما عودتونا ونتطلع للمزيد منكم تحياتي واحترامي |
الـشـاعـر الـي فـي عـلــومــه بــارع مـطـلـق وفـي يـمـنـاه سـيـفٍ بــارع دون الـوطـن والـديـن بـالـدم بــارع والـمـرجـلـه كـلـن عـرف راعــيـهـا خـلـك عـلى الـدرب الـسّـوي وإحـذر مـن الـسـرعـة تـحـيـد وحـاسـب كـلامـك يـا زمـيـلـي يـا عـسـى الـلـه يــحــرســك وإن كـان هـــرج الــطــيــب مـا يـنـفـع مــعـك ولا ّ يــفــيــد بــآعـلـمـك مــنــهـــو الــكــفـــو وآحــاســبــك وآعـــقـــلــك |
الله عليك (شمران )ولا اجمل عساك على القوه انت وزميلك 0
|
قول الذي بين الحنايا قوله ولاتخلط أقواله معا منقوله وكلن في المرمى يسجل قوله والمرجله يتعب لها راعيها الله يديم الأمن ويعيّشك بالعيش الرغيد يابو حنيفه بعد ما رديتها مدّ أرجلك آقول ياللي غطرفو في شنق صدام المجيد باقي 100 صدام حيًّ في دمشق وبعلبك |
ياسلام ياسلام الله يعطيكم العافيه
|
يابو حنيفه بعد ما رديتها مدّ أرجلك ؟؟؟
|
السلام عليكم الحقيقه كلكم شعّار على مستوى والله لا يهينكم واصلو |
بـو زيـد تـعـرف صـولـتـه والـجولـه مـطـلـق ويـكـرم للضيوف إن جولـه وإذا رمى الأهـداف صـاب الـجــولـه والـمـرجـلـة كـلـن عـرف راعـيـهــا يا أحـمـد نـجـادي لا تـحَـسَـب إن الشّـقـي مـثـل الـسـعـيـد صــــدام تــبــطــي عـنـه لــو تـسـعـى بـرجـلـك مـع يـــدك وإن كـنـت بـــعــده صــرت مـتــهـــور وجــبـــار وعـنـيــد فاحــذر تــزعّــل بـوش يـمــكـن يـقــصـــفـــك ويــدمّـــرك |
انا بوادي وانت رحت بوادي والشرح واضح والعلوم بوادي وين الـــــــــديه للي قتـــيلً وآدي والمرجله يتعب لها راعيها احسبك شاعر تفهم المعنى ولايمكن تحيد واثرك سلكت الدرب غير الدرب كيف آفهّمك يابو علي خل القصايد عنك واقلبها نشيد قدام لاتظلمني الدنيا وقدام اظلمك |
يابو علي خل القصايد عنك واقلبها نشيد
الله الله ياحمد تسلمون |
الحرب الباردة هنا
الغام في كل مكان لكن الشعار قدها واصلوا |
واصلوا فلازال للإبداع مستقبل ومستقبله هو محاورتكم المميزه |
اسجل اعجابي بكم واصلو متابعين
|
أغـرف بــحــور ٍ مـا تـجـي قـصّـادي وأجـمـل مـع الـنـشّــاد والـقـــصّـادي قـصـدك فـهـمـتـه وإفـتـهـم قــِصّـادي والـمـرجـلـة كـلـن عـرف راعـــيـهـا عـشـت بـشـرف يـابـو عــديّ ومُــتّ بـالـمـجــد الـتـلـيـد وأمّـا الـ 100 يـا جـعـلـهـم يـفـدون طــبـعـة جـزمــتـك والـشـيـعـة الـشـمـاتـة الـّي غـطـرفــوا فـي يــوم عـيــد يـا جـعـلـهـم بـالـمـوقـدة وأمّـا أنـت فـالـلـه يــسـمــحــك |
عـشـت بـشـرف يـابـو عــديّ ومُــتّ بـالـمـجــد الـتـلـيـد
وأمّـا الـ 100 يـا جـعـلـهـم يـفـدون طــبـعـة جـزمــتـك جمل الله حالك (شمران) |
عاشوا الاشاوس الابطال عيال العصاة
ماشاء الله ابداع حارثي ومخاسري كله بنكهة شمرانية مذحجية كهلانية قحطانية على القوة يا نشامى يا فرسان يعطيكم الف عافية وصحت السنتكم جميع وتحياتي للشاعر الكبير حمد بن مسفر وتحياتي الغالية وترحيبي في الشاعر القدير شمران ابو علي عالقوة وحن متابعين |
طيب طيب يابو علي :gif_6:
ماحد يغيّب ياقمرنا وضحك صرت آتعجّب من زمنّا وضحك منت بمشوّش عندنا ياوضحك والمرجله يتعب لها راعيها في كل يوم أروح وآفتّش بصندوق البريد عساني ألقى مايزيد المعنويه لي ولك حتىّ أكتشفت إنّ الغياب أغبى من أعذار البليد وانّي شبيه اللي يدوّر فالصحاري للسمك |
يا سلام ياسلام ياسلام مبدعين واصلوا الابداع |
| الساعة الآن 09:48 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية