قصيدة صحيح لاطاح الجمل للشاعر حمد بن مسفر
صحيح لا طاح الجمل تكثر سكاكين الجمل هذا مثل محفوظ تتكلمبه ألسنت الرواه أصدقه أكذبه ما بين يأس وبين أمل أخاف من صوفيه المذهب وتصويف الطغاه حبيبتي ما فات مات وما توقعته حصل والي يكدر خاطرك في شي يا جعله فداه لبيه يا ريح الخزامى يا هبايب من نفل يا بلسم الطرقي من أوجاعه يا ماءه ياغذاه يا وجهه من تاريخ بابل يا تضاريس الخجل يا قاسيون الشام يدمع السواني في حماه من عينك اليمنى يدرس نصف مفهوم الغزل ومن عينك اليسرى يطيح الطير من عالي سماه وأنا مجرد شخص عادي في غرامه معتدل وأنتي لهذا الشخص بالتأكيد تكسير الحياه تدرين ليش أزعلك وأحاول أبدى بالجدل عشان أشوف أسمى معاني العفو وأعرف مستواه وأنتي لمحتي زلتي والرد من جنس العمل أحلفلك لمن كون الحيه لموسى من عصاه لعيشك عيشة أميره حاكمه كل الدول وأسلطنك في مهجتي وألبسك بشت وعباه وأكتب قصايد عشق ما تنسى من الشعر الجزل أدلعه وأدوزنه وأعدله وألعن ثواه يعجبني الحل النهائي بعد تشخيص العلل لا لبس الناطق حلوله فوق الأسأله العراه فالحرف يصنع كلمه والكلمه تصنع جمل والدبلماسيه نتيجه خبث ما يعرف مداه والفاهم الي يعرف أن الثرثره طبع الخبل والخبل مايقدر يفرق بين ذيب وبين شاه يرضابها الراضي ويزعل في المحبه من زعل الله من بعد المسافه بين إيه وبين آآه أمشي كذا وأمشي كذا خذني معى كل السبل أحيانآ الغرقان يتعلق بقشه للنجاه مع تحيات / أبو راشد |
بيض الله وجهك يا ابوراشد
على نقل هالقصيده للمبدع حمد بن مسفر |
بيض الله وجهكـ ماقصرت @لاتــــــــحــــــاولـ@ |
صح لسان ابوراكان ولاهنت يابوراشد على طرح هالقصيده
|
لاهان ابوراكان على هذه القصيده الرائعه
والله يعطيك العافيه ياب راسد على طرح الجميل والرائع عن الشاعر حمد |
يعطيكـ العافيهـ أخي أبوراشد على طرح القصيدهـ للشاعر حمد بن مسفر لاهنت يالغالي ولاعدمناكـ تحياتي واحترامي |
ربي يعافيك يابوراشد وصح لسان الشاعر حمد
|
مشكووور أخوي بو راشد
|
مشكور يابوراشد على القصيده الجميله
والله يوفق شاعرنا اللي نفتخربه هو واخوه |
رد: قصيدة صحيح لاطاح الجمل للشاعر حمد بن مسفر
صح لسانك
من اروع القصايد |
رد: قصيدة صحيح لاطاح الجمل للشاعر حمد بن مسفر
صح السان الشاعر ولاهنت ياابو راشد
|
رد: قصيدة صحيح لاطاح الجمل للشاعر حمد بن مسفر
صحت يمينك يا أبا راشد وصحت لسان الشاعر
|
رد: قصيدة صحيح لاطاح الجمل للشاعر حمد بن مسفر
صح لسان الشاعر
ومشكور على النقل يعطيك العافيه |
الساعة الآن 03:52 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية