|
الى جميع الشعار
بسم الله الرحمن الرحيم اولاً اعتذرعن انقطاعي لظروفي الخاصه ثانياً اتمنى من الاخوه الشعار التفاعل واحياء صفحة المحاوره واطرح هذه القصيده للمحاوره اتمنى منكم الحضور البدع سلام ياشعار يا مبدعين ياهل المعاني واهل عذب الكلام من يصنع البلجيك والدينميت عود على حب الذره يطحنه قال المعشرجيتكم بالفنو ن اعا لج المختل وابري جنونه حـــتى ملوك الجــن وسمتها |
رد: الى جميع الشعار
طيب طيب صح لسانك يابن معيض بأنتضار الشعار محاوره ممتعه |
رد: الى جميع الشعار
الاخ محمدال زميم اشكرك على مرورك العطر
|
رد: الى جميع الشعار
الله الله
صح لسانك ونحن بإنتظار الشعار |
رد: الى جميع الشعار
الرد:
يامرحبا والشوف من مبدى عين عساك في دنياك ماجاك آلام مهما تمتّعنا لابدّي نميت كم فارس(ن) صابه قدر وطحنه سبحانه الخلاّق من كاف نون بعض المزارع يوم تصبح جنونه ماتشبعك ياللي توسمّتها |
رد: الى جميع الشعار
ارحب ياعبدالله بن معيض وكفو وتقول وتطول
حتى ملوك الجن وسمتها واكرر الترحيب للصاحب القاطع حمد بن مسفر وواصلوا ونحن متابعون |
رد: الى جميع الشعار
لاهنت يابن معيض على البدايه الجميله
ولايهون الطرقي على جميله رده ننتظر الإبداع من خلال هذه الصفحه... |
رد: الى جميع الشعار
ارحب بالشاعر الكبير حمدبن مسفر
البدع انشد عن الاصحاب واسال مين بحملك تحيتي و الســــلا م الحمد لله مبصر(ن) ماعتميت راعي الكرم والجود فاض اصحنه احميك يا عيني فدتك الف نـــو ن يا صا حبي كل(ن)بيعزف فنونه قلي الــــقــــصـــا يد كيف قسمتها |
رد: الى جميع الشعار
يعطيكم العافيه كلام جميل ومحاوره شيقه اتمنى ان تكملونها
|
رد: الى جميع الشعار
الله اكبر الله اكبر
بداية محاوره جميله ......... ننتظر الرد يابوراكان شدوا حيلكم والله يوفقكم |
رد: الى جميع الشعار
الله يعطيكم العافيه جميع
متابعين |
رد: الى جميع الشعار
شكرا لك اخي عبدالله ال معيض على البدايه الجميله
وشكرا للأخ حمد بن مسفر (الطرقي ) على جميل رده ننتظر الإبداع من خلال هذه الصفحه... |
رد: الى جميع الشعار
أبقاكم الله كلن بأسمه الرد: لو نعزف الفرقى على سالمين يبكي مقام الرصد حسب السلام في ليل معتم غنّها لا أعتميت شي (ن) على الشعبي وشي فصحنه هذا جنون(ن) من قبيل الفنون يعجبني الشعر الذي تدفنونه جمّعّتها يوم أنت قسّمتها |
رد: الى جميع الشعار
لا هنت ياحمد
البدع حمد زعيم القوم يامسلمين ما هاب من سودالليالي الضُلام مايحتجي من رمينا لا رميت يعشق عذوق النخل والبلحنه قوم(ن)تخاف الله وبه يومنون الي توزى عندهم يمنو نـــه ولا زمان الخوف جا وانتها |
رد: الى جميع الشعار
صح لسان ابو راكان
وصح لسان الشاعر عبدالله فتل ونقض ومن اروع مايكون واصلوا الابداع تحياتي |
رد: الى جميع الشعار
حمد زعيم القوم يامسلمين
ما هاب من سودالليالي الضُلام تسجيل حضور واعجاب. |
رد: الى جميع الشعار
بارك الله فيكم
متابعين واصلو |
رد: الى جميع الشعار
عبد الله ال معيض
حمد بن مسفر بيض الله وجوهكم محاوره رائعه موفقين |
رد: الى جميع الشعار
يا سلام ياسلام
الرد: ماتفرض الجزيه على المسلمين خوف(ن) عليهم من تهيّاض آلام كم من ضحايانا في الطور ميت كل (ن) يغنيها لنا بلحنه تياسرو لاشفتنا مومنون واحذر رجال(ن) بالعطايا منونه هيجن بيوتي لاهجاوانتها |
رد: الى جميع الشعار
مرحبا ألوف بعودتكـ شاعرنا الغالي عبدالله ال معيض
ومرحبا ألوف بمن تقدم لهذهـ الصفحة من الشعار ونتمنى أن نحظى بمحاورة شيقة كما عودتونا استمروا باركـ الله فيكم |
رد: الى جميع الشعار
لا هنت يابوركان واشكر الاخ بلقاسم على ترحيبه
البدع فيناغشيم وفيه متعلمين ما يلحق الغندورهرج وملام السيف بيدي شابي(ن)واحتميت الي يبي ودك فلا تد حـــــنـــه لا تاع مني جور لا تحزنو ن حمد رفيق الشعر لا تذ بحونه عـــلا قت(ن) وياه كــــــــونتها |
رد: الى جميع الشعار
الرد: أهدافنا بالرمي متعلمّين بوارديّه والفشق ما يلام حمّى طناخه فأهربو لا احتميت قبايلي بالعز ّ متمدحنه شمران بدو وتهم(ن) ومحزنون أخصامنا لاصار للحرب حونه رميت بالنيمس وكوّنتها |
رد: الى جميع الشعار
اجدد ترحيبي للشاعرين
وواصلوا الابداع |
رد: الى جميع الشعار
الله يخارجنا
متابعين ياسلام عليكم |
رد: الى جميع الشعار
البدع
ونعم بكم سيف(ن)على المجرمين لو طاحة الشلفا من ايد الــــغلا م اورد على المنهل وانا مـــا ضميت في خا طرك هرج(ن) وبه حنحنه في الشا م زرق العين ذا يفتنو ن رجل(ن) يصلي الفرض لا تفتنونه ما دري صـــلاة الفـــجر صليــتـها |
رد: الى جميع الشعار
بيض الله وجيهكم |
رد: الى جميع الشعار
الرد: يا أهل العسل من راعي المجر مين نعطيه من عانى من التبغ آلام ياشاعر(ن) المحراف وش ناظميت اللي بصدرك بان بالحنحنه وش فيك من كثر القذايف تنون اللي يحب الشام هاتفت نونه واللي شناها ما وصل ليتها |
رد: الى جميع الشعار
تسجيل حضور
مبدعين تحياتي |
رد: الى جميع الشعار
تسجيل حضور
وفالكم التوفيق |
رد: الى جميع الشعار
عشتوا ولاهنتوا ياعطران الشسوارب
|
رد: الى جميع الشعار
البدع
مهما حدانا الوقت متوالمين لو تصبح اعضامك كسيره هلام اسم(ن) حملته في جذوره انتميت خـــلـــك عـــــلـى نهجك بلاشطحنه لا تتبع الـــــــي في الـــحكي يفترون كــــم زوروا الــــتــــاريـــخ ويحرفونه فــــي ســــا حة المـــيـــدان كــــذبتــها |
رد: الى جميع الشعار
الرد:
لا لمتنا محنا بمتوالمين وان كان صابك خوف فأرجع هلام لاتكسر العظم النمي لا أنتميت لا اعطيتك الدخن أفبلاش اطحنه أهل الفرا من زملهم يفترون وأهل الذهب بالنار بيحرفونه معادنك من كيفك أذّبتها |
رد: الى جميع الشعار
متابعين
واصلو |
رد: الى جميع الشعار
يسلام
البدع مانحرب الي تاعنا امسالمين ياصاحبي بعطيك عهده استلام سلا متك من طميتك لا طميت من طيحتك با الــزورلاتسحنه ناس(ن)تخيط الــثوب ويحبكون اهل الــــنزك في صنعهم يحبكونه وانته سر يـــتــــبها وحــبـــكتــها |
رد: الى جميع الشعار
الله يبيض وجهك ياعبدالله وخلنا نعطي فرصه لغيرنا كنّه سجاره ما انسحب بكتهاالرد: مادامنا بالكف متسالمين شد اليمين اللي بها الاستلام يابحرنا كم من شواطي طميت علامتك في جمجمه واسحنه ماكون في كرهك وفالحبّ أكون شفت الرحول اللي تساحب بكونه |
رد: الى جميع الشعار
بيض الله وجوهكم ووجوه المتابعين
الحقيقه ابدعتم في هذه المحاوره فلكم الشكر والتقدير ننتظر مثلها في قادم الايام |
رد: الى جميع الشعار
اشكر الشاعرحمد على روحه الطيبه كما اشكركل من اطلع على هذه المحاوره
والى اللقاء في محاوراة قادمه ان شاء الله تقبلوا تحياتي |
رد: الى جميع الشعار
الف شكر لجميع الشعراء ومن شاركنا المتعه في هذا المتصفح
واحب ان اشد من ازر الاخوان فالتعليق الجميلة بين الشعراء |
رد: الى جميع الشعار
السلام عليكم الشاعر / عبدالله آل معيض و الشاعر/ حمد بن مسفر صحت السنتكم جميع وبيّض الله وجيهكم محاورة جميله و شعار وآفين و جزال تقبلوا تحياتي |
رد: الى جميع الشعار
عبدالله ال معيض
حمد بن مسفر صحة السنكم ولا عدمناكم بدع ورد رائعين تحياتي لكم يا ابطال |
| الساعة الآن 08:44 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية