|
تعال ياخالد ويادماوي ويابهاوي
بسم الله الرحمن الرحيم
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين محاوره رباعيه انا وخالد ودماوي وبهاوي طبعا هذا البدع ويرد خالد ننتظر حتى يجي لاحد يرد البدع بسم الله قدام بدع المعاني والهجوس والتحيه للمطاليق من قلب(ن)نظيف مايجيني الهم مادام خــــالدعـاليمين ودنا نظهر بمظهر يليق بمنتدانـــــا اشهدوا ياناس والله خير الشاهـدين |
رد: تعال ياخالد ويادماوي ويابهاوي
الله يقويكم ننتظر الشاعر خالد التنظيم حلو
اول متابع |
رد: تعال ياخالد ويادماوي ويابهاوي
بيض الله وجيهكم على التنظيم
عساكم على القوه |
رد: تعال ياخالد ويادماوي ويابهاوي
االله الله صح لسانك ياسيف فاتحت خير ان شاء الله اتمنى من اخواننا الشعار التواجد والالتزام بالتنظيم ولايستعجلون في قصايدهم وطرحها المهم الأبداع وصيغ الجمل بشكل ممتاز ومرضي للاستفاده من المحاوره لشخص نفسه أولا كدروس تقويه ولأرضاء الجمهور ثانيا لأن في ناس بتابع وذواقين لشعر من ربعنا وغيرهم فأتمنى أن نظهر بالمظهر اللائق كعادتنا وشكرا
الــــــــــــرد قل هاجس لا يهوجس بنا خل الهجوس وإنت ضيف القول ياسيف وأبدع وبنضيف مستعد أعاهدك عهد وأحلف عاليمين أقطف الغصن الذي مايلن لمن تدانا وأجمع الصافي بشمع العسل والشاهدين |
رد: تعال ياخالد ويادماوي ويابهاوي
ماذا اقول سوى بارك الله فيكم واصلوا المشووووار
واتابع بصمت رائعه هذه المحاوره ولو ان الشعراء الباقين لم نشاهد لهم اي نص لكم تقديري |
رد: تعال ياخالد ويادماوي ويابهاوي
متابعين متابعين ومخيله
واصلوا الإبداع .. |
رد: تعال ياخالد ويادماوي ويابهاوي
صبحكم الله بالخير واشكركم على التنضيم والبدع مني والرد من اخوي دماوي: اسمع: الله الي يهدي الناس ويغير نفوس مرحبا ياصحابنا واسمعوا الشعر الوصيف واسمعوا احلى قصايد مع هرج سمين والخوي يبشر بسعده الامنه دعانا جيت انا ودماوي سيدي وسيد العارفين |
رد: تعال ياخالد ويادماوي ويابهاوي
جعلكم على القوه ... متابعين وبقوه
|
رد: تعال ياخالد ويادماوي ويابهاوي
بالتوفيق لكم ونتمنى محاوره قويه
|
رد: تعال ياخالد ويادماوي ويابهاوي
يالله حيهم متابعين بقوة ومعجبين
عساكم عالقوة |
رد: تعال ياخالد ويادماوي ويابهاوي
بيض الله وجهيكم
متابعين لكم |
رد: تعال ياخالد ويادماوي ويابهاوي
يا هلا وياغلا
الرد فالهدد ما يمدي الطير ياخذ له نفــــــــــوس وإن شرَد منْه اسمن الطير يعْدي بالوصيف يختطفها فالسما ويْخَطِفها منسميـــــــــــــن كُنِّي لا منِّي دعيت الله إيلبِّي دعانـــــــــــــا والعقيد إليا تقدَّم تبعْه العارفيــــــــــــــــــن الله الله |
رد: تعال ياخالد ويادماوي ويابهاوي
الله الله
يا سلام يا سلام |
رد: تعال ياخالد ويادماوي ويابهاوي
اسلم اسلم
وينكم شعارنا |
رد: تعال ياخالد ويادماوي ويابهاوي
تسلمون انا في انتظار سيف الشعر ماني بعيد
|
رد: تعال ياخالد ويادماوي ويابهاوي
كم هو إبداع شعركم ,,, الله يقويكم
|
رد: تعال ياخالد ويادماوي ويابهاوي
سيف الشعر سيحضر وقد كان يعاني من صعوبه في الاتصال
حيث هاتفني بقوله الليله الليله |
رد: تعال ياخالد ويادماوي ويابهاوي
الليلة الليلة
والله يكفينا شررررررررررره القوة |
رد: تعال ياخالد ويادماوي ويابهاوي
اعتذر على التاخير وذلك بسبب اني لااستطيع الدخول للمنتدى
الليل الليل في النهايه تطمع الناس في نيل الكوؤس ونتنافس والتنافس على المقصد شريف والنتايج دايم(ن) فـــــي يديين الحاكمين حــــــن بلينا وابتلينا وندري وش بــــلانا كــم عيونن فــــــي ظلم(ن) وحنا شايفين |
رد: تعال ياخالد ويادماوي ويابهاوي
بيض الله وجهيكم على حسن التنظيم والترتيب متابعين لكم ولأبداعكم |
رد: تعال ياخالد ويادماوي ويابهاوي
الله يحييك ما أبطا من جاء
الليل الليل المرق في القدر مايغرفه غير الكووس والصقر حوم على الصيد من راس الشريف مايطب المصيده لاهوى وأوحى كمين كان تقدر يابطل قوم وتقدم بلانا الجمر مايشعله نار غير الشايفين (بمعنى اللي يشوف او يهوي) الله الله بفرش الابيات ياشعار هنا يكمن الابداع |
رد: تعال ياخالد ويادماوي ويابهاوي
يالاوووووووووول يالاووووووووول اسمع: ياسعيد نبغى نتمشى على ذيك الطعوس مانبي فرة شوارع وتكوة ع الرصيف نبغى مجلاس(ن) في البر وموال حزين خالد يصب القهاوي وسيف يطبخ غدانا :hammer: خدمة الشيخان واجب عسانا سالمين :18::18::18: |
رد: تعال ياخالد ويادماوي ويابهاوي
الله يعطيكم العافيه محاوره جميلة من بديتها
متابعين للمبدعين |
رد: تعال ياخالد ويادماوي ويابهاوي
تسلمون ،،،،،،،، فعلا إبداع ولي ملاحظة بسيطة لو تعدل قافية أحد البيتين الثالث أو الأخير ليصبح كل بيت على قافية مختلفة ،، والسلام،، :hammer:يا الأول:hammer: |
رد: تعال ياخالد ويادماوي ويابهاوي
اشكر كل من مر وين دماوي مر اكثر من 24ساعه
الشاعر بوحاتم تشرفنا بمرورك وابشر بغير |
رد: تعال ياخالد ويادماوي ويابهاوي
سبقتني يابوحاتم كان ودي أقولها من اول لكن خشيت من زعل رفاقتي لان البيت الثالث والاخير مردوفه وهذا مايجعل القاف يشيب قبل وقته الحقيقه انك شاعر كبير وملاحظه الاساتذه دائمن تكون بنائه وصائبه
|
رد: تعال ياخالد ويادماوي ويابهاوي
بيض الله وجيهكم
تسجيل حظور |
رد: تعال ياخالد ويادماوي ويابهاوي
اتمنى من يعرف رقم ابوهديل يتصل عليه
تحياتي |
رد: تعال ياخالد ويادماوي ويابهاوي
يابهاوي رد يارجال يبدو ان دماوي عنده ضروف حتى يجي ان شاء الله الزير برد
|
رد: تعال ياخالد ويادماوي ويابهاوي
اللي ودك ابشروا به
والرد عندي وانا ماابي ارد ويلحقني لوم من الادارة او المشرفين او من الاستاذ دماوي |
رد: تعال ياخالد ويادماوي ويابهاوي
الاخوة ارسلو لي ع الخاص يقولون رد المحاورة بردت ودماوي ممكن عنده ضروف فقالوا الاخ نكمل واذا جاء يدخل المحاورة وهو ماغاب الابوجهه فاسمعوا يالااووووووووووول اسمع الرد: غاب دماوي بضرفه وانا دمي محموس اتقي الفتنة وفي الحرب مامثلي وصيف اشكرك ياسيف طبخك حلو والملح زين ودي اعلنها تحدي بمسراح وغدانا ودكم بالحرب ولاانتو ناس مسالمين؟؟؟:a9: |
رد: تعال ياخالد ويادماوي ويابهاوي
استلم ياخالد والله مـــاحب المهايط ولاحب البسوس يالطيف ان كان هذي القصايد يالطيف والعقول انواع فيها الخيف وفي رزين في علوم المرجلة يابن عمي منت وانا نخدم الطيب والأعداء ندوس ارقابهـا
|
رد: تعال ياخالد ويادماوي ويابهاوي
اسمع ياسيف اسمع
حرب داحس تحسبوها كما حرب البسوس ياحليلك ياولد ياحليلك يالطيف لابرق برقن نشا ما ورعادن رزين يمكن أقهويك وأسري عشيه إنت وأنا أما تبرك من حمولتك ولا أرقى بها |
رد: تعال ياخالد ويادماوي ويابهاوي
الله الله اسمع: انا باعلنها تحدي ونا قطاع رووس نادوا العربان من نجد الى وادي ثقيف الله من ليل(ن)بيسري على ذولا الثنين المداعيس تصايح وتسعى في ثرانا وانا ذيب في المراجل وانا كسابها |
رد: تعال ياخالد ويادماوي ويابهاوي
الله على القصيد ,,,,, والله كلكم خبرهـ
ما شاء الله |
رد: تعال ياخالد ويادماوي ويابهاوي
الرد: كنت اداري ناس(ن)صغار واعطيهم دروس واكبروا صاروا يلالون وانا ماني ضعيف لامسكت عقالي حاسوا السبت مع الثنين صاحوا في الكهلة عسى الله لايبحث مدانا واختبوا ورى امهم والعبوا بحسابها |
رد: تعال ياخالد ويادماوي ويابهاوي
الليل الليل
طحت بين الناب ياصاحبي وبين الضروس لاتخاوي يـــــــــابهاوي ابوقلب(ن) رهيف مـــــــايفيدك بعد ذا اليوم لاصوت اوحنين انا فـــــــرضت القوانين واصدرت البيانا ليه ترمي الروح فــــــي ملعبه تشقى بها |
رد: تعال ياخالد ويادماوي ويابهاوي
طيب طيب
بيض الله وجيهكم واصلوا هذا الإبداع تسجيل حظور |
رد: تعال ياخالد ويادماوي ويابهاوي
صح السنتكم جميع والله لايهينكم
ماقصرتو وكفيتو ووفيتو وانا اعتذر عن التأخير لسفري المفاجئ وحقيقة يالربع الشفافيه مطلوبه حنا نبغى مشرف الصفحه ذي يكون مشارك ويتخذ قرارات بشأن ضبط الوزن والكسور او ان يكون معه مشرف مساعد ولا بد ان يكون شاعر او ناقد لكي يدلي بدوره لان صراحه اكثر الابيات اراها مكسوره او انا غلطان وابياتي مكسوره واعتذر وادع الشعر لاهل الشعر او على الاقل ادع النظم لاهل النظم نبغى شفافيه من الاخوه والشعراء الاخ والصديق ابهاوي اكثر ابياتك في اختلاف في الوزن يبدو انك على طاروقين او لا علم بالضبط والقبيل سيف الشعر عندك كم بيت سيم كلام فوق هذي محاوره ولابد يكون بها شد وجذب ونقاش عالابيات والوزن والقوافي والي طاف والي ماطاف والا مستحين من بعض ؟؟؟؟؟؟ اقبلو كلامي بصدر رحب وليس اكثر من شفافيه وحب وااخوه وانا شبطه وعله ونشبه خخخخخخ والا اقولكم لا خلووووووووها ياويلكم مافي الا كشف اوراق وشرشحه وانا اولكم ابتدوبي ابغى حكم وحكام الجزيره الراي والراي الاخر |
رد: تعال ياخالد ويادماوي ويابهاوي
بيض الله وجهك دماوي واقلقتنا عليك يارجل
كلامك على العين والراس وانا قلت لكم اصلا ماني شاعر محاورات لكن منكم تنعلم عموما بيض الله وجهك ووجيه الجميع والي تبونه ابشروا به وانا اعتذر من الجميع وبشدة تحياتي لكم ابهاوي |
| الساعة الآن 08:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية