ابن فطيـــــس
 

بسم الله الرحمن الرحيم

~ فقط لمتذوقي الشعر الجميل ~

رائعة من رواااائع الشاعر محمد بن فطيس المري

عقبال 100 عام
لابن فطيس

عقبال ياماخذ فؤادي مية عام
ضيعتني منك و أنا ما أهتديتك

لا ما نسيتك كيف بانساك ما دام
ذكرى الفراق تهزني لو نسيتك

حبك قدر وأنا على دين الاسلام
مكتوب في وجه الجبين ورضيتك

لك في الضمير الود والحشمه أتوام
ولي في ضميرك مثل ما أنا بغيتك

ولك منزل في نايف القلب وخيام
وذود الغلا ترعاه ولا شكيتك

يفطر عليك القلب وإن فارقك صام
والله لو إنك شوك سدره كليتك

القلب طير لادعي للهوى حام
وإلا أنت وكره من كثر ماهويتك

كن العيون من النظر عقبك أيتام
وكني ماريت إلا أنت من يوم ريتك

وكنك معي وأنا فقدتك من أعوام
مع الخيال ألقاك كني لقيتك

من صعب وصلك ما تهنيتك أحلام
إلا جابتك فزيت شوق ومحيتك

يعني وصالك صعب وأهدافي أوهام
يعني زرعتك للقدر ما جنيتك

صبرك يقولون العرب كل الأيام
يوم عليك ويوم لاجاك جيتك

ويا قلب ياللي ورثك جروح وآلام
بليتني ماهوب أنا اللي بليتك

ولعتني من عادني في الهوى خام
وأسرفت بي وأنا خطامك عطيتك

طعتك وزبدة طاعتك هم وهيام
ما الله كتب لي وأستخرت وعصيتك

لو للقلوب أسواق بايع وسوام
لا أبدلك وإن جيتني ماشريتك

وإلا أنت ياللي جيش عينيك مقدام
.لا أقنعت منك والرجا ما رجيتك

كني سجين بين..إفراج ..وإعدام
وكنك سجن وأنا بنفسي بنيتك

تنبيك عن حالي محاصيل الإلهام
وتخبرك نظراتي نهار إلتقيتك

عقب الوصال اللي على عين من لام
قدهو يكفيني عن الوصل صيتك

وقدني إلى مريت بالشارع العام
لديت من ما في الضمير ودعيتك

أدري إن صوتي ماقطع عشرة أقدام
وأدري بي أعود إلى من نصيتك

ياشينها يا محني راس الابهام
ماقدر على شوفك وأنا عند بيتك

الأعمار ما تضمن وأنا أخاف الأحكام
أرثيك أخاف أودعك ما رثيتك

رد: ابن فطيـــــس
 

لو للقلوب أسواق بايع وسوام
لا أبدلك وإن جيتني ماشريتك


فعلا هي رائعه ... وهذا ماتعودناه من ابن فطيس
ابيات جميله ... تحمل المعاني الكثيره

مشكور ياعزيزي

رد: ابن فطيـــــس
 

قصيده في غاية الجمال والروعه
مشكور على النقل اخي شرواك

رد: ابن فطيـــــس
 

رد: ابن فطيـــــس
 

اتمنى من الاخواه المسولين عن المنتدى من احضار شعراء شمران في امسيه في احد قصور الافراح في شمران تقبلو تحياتي

رد: ابن فطيـــــس
 

ينقل للمنقولات الأدبية
تقبل مروري

رد: ابن فطيـــــس
 

قصيدة رائعة من روائع ابن فطيس

صح لسان الشاعر وسلمت يمين من نقلها

رد: ابن فطيـــــس
 

بن فطيس شاعر راااااااااائع

شكراً على النقل الجميل

مع التحية

رد: ابن فطيـــــس
 

شاعر رائع بكل ما تعنيه الكلمة

قصيدة جدا رائعة وتسلم أخوي على النقل

رد: ابن فطيـــــس
 

نقل رآئع.,
يعطيكم العآفيه.,

رد: ابن فطيـــــس
 

يعطيك العافيه شرواك ونتظر ابداعك والشاعر محمد اب فطيس ابياته تطرب قارئها
شدني هذا البيت مع ان القصيده فوووووووق الابداع
ويا قلب ياللي ورثك جروح وآلام
بليتني ماهوب أنا اللي بليتك