تمر السنين
أصحابي أعضاء ورواد هذا المنتدى الذي أحبه هاكم هديتي لكم: تمر السنين وكل يوم(ن) مع الأحلام ==================نلـوّي حبـال المعضـلات وتلوينـا وفي حين حنّا نقول لازم نسوي شي ===============تسوي السنين أشياء وحنا ما سوّينا والاما جمعنا شوي نبغي نسد خلـول =================تجينا ملمّات(ن) تشلّه مـن ايدينـا لك الحمد يا ربـي رضينـا وسلّمنـا ================وهل نقدر نعارض على حكم والينا ؟! رضينا بستر الحال وبحظنا المكتوب ================علّقنا على حبل الرجى كـل أمانينـا لك الحمد ياربي وحنّا بستـر وخيـر =================مدام ان لدينـا زاد وثيـاب تكسينـا تكفينا ياربي نعمة الأمـن والايمـان ==================مـع العافـيـة،والله والله تكفيـنـا اذا كنت راضي ما علينا من أياً كـان ================ولا اللي تسوي نايبات الدهـر فينـا بعضهم معه مال(ن) ولافاد كثر المال ================مايرقد من الوسواس والليل ضاوينا وحنّا ننام الليـل ونقـوم متعافيـن ================ونسرح مـع الأفجـار والله معافينـا هو الخير فيما أختـاره الله سبحانـه =================لنا يمكن ان به سر عنده و خافينـا فان كنت يالدينار تقلـق مضاجعنـا ===================فلا مرحبـا ولا نشوفـك ولا تجينـا |
تمر السنين وكل يوم(ن) مع الأحلام
==================نلـوّي حبـال المعضـلات وتلوينـا سلمت اناملك اخينا العزيز الشاعر ابو معاذ00 افتقدناك وكلماتك العذبه 00 الحمد لله على السلامه0 |
اقتباس:
جعلك ما تفقد غالي وانا خوك أنا منكم وفيكم لو كان ابعد لظروف أعود بشوق. |
صح لسانك أخي أبو معاذ
بيض الله وجهك وما قصرت يالغالي تحياتي واحترامي |
اقتباس:
بالفعل العافيه لاتقدر بثمن مهما بلغت فالحمدلله على العافيه وعلى أن كسانا الثياب وأشبعنا من بعد الجوع ابو معاذ لاهنت وصح لسانك على هذه القصيده الجميله وسنظل ننتظر بوحك ياغالي |
صــــــــــــــــح لســـــــــــانك
|
صــــــــــــــــح لســـــــــــانك
|
صح لسانك ابو معاذ وبيض الله وجهك
|
هو الخير فيما أختـاره الله سبحانـه
=================لنا يمكن ان به سر عنده و خافينـا فان كنت يالدينار تقلـق مضاجعنـا ===================فلا مرحبـا ولا نشوفـك ولا تجينـا صح لسانك ولاهنت قصيدة جميلة احييك عليها تحيتي لك سعد ال عدول |
[overline]~*¤ô§ô¤*~*¤ô§ô¤*~
صـــــــــــح لسانك والله يعطيك العافيه ~*¤ô§ô¤*~*¤ô§ô¤*~[/overline] |
لاهنتو جميعا
افخر واعتز بمروركم........بيض الله وجوهكم |
مرحبآ بالشاعر بعد غياب-
هطول وارف وكلمات معبره- ولانزال ننتظر هتان عطائك تقبل مروري |
الساعة الآن 12:27 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية