منتديات قبائل شمران الرسمية - وش قومك وش فيك ولا علامك

- المنقولات الأدبية (http://vb.shmran.net/forumdisplay.php?f=153)

- - وش قومك وش فيك ولا علامك (http://vb.shmran.net/showthread.php?t=76900)

وش قومك وش فيك ولا علامك

وش قومك وش فيك ولا علامك
قد لك معي كم يوم وعلومك علوم

وأنا أدري أني يا مرامي مرامك
لو تقعد الدنيا ولا تقدر تقوم

عطيتني قلب وبخلت بسلامك
وش فايدة حبك أنا منك محروم

لا عاد تزعل وأحيني بابتسامك
ضحكك يزيل أوجاع وجروح وهموم

وكلام عينك ما يهمش كلامك
كلام عينك كوم وحكاك لي كوم

لا غبت عن عيني روح أنشد غرامك
تلقاك في قلبي مقلط ومحشوم

بعدين يا غلا الناس وفر ملامك
ترا الغلا يجفل على كثرة اللوم

دونك خفوقي ممتلي من سهامك
ولا شكيتك جرحه وقلة النوم

القلب مثل الطير وفر حمامك
إن افلس قبال السما يقلب الحوم

لكن قبل لا أنسي بنبهك دامك
مسلم وباقي كم شهر يدخل الصوم

لا يذبح الموضوع قل اهتمامك
طعني وشوفلك شيخ يفتي لك اليوم

ما ظنتي يا زين يقبل صيامك
ريقك عسل علمني شلون بتصوم

محمد بن فطيس