الْعِطِرْ الْمُعَتَّقْ

https://cache.albayan.ae/polopoly_fs...mage/image.jpg




الْعِطِرْ وَاحِدْ بَسّ الاذْوَاقْ شَتَّانْ
مَا كِلّ شَي ٍ لا عِجَبْكُمْ عِجَبْنِيْ
وِالْوَرْد وَاحِدْ فَرْقَهَا بَسّ الالْوَانْ
لَوْنٍ يعَذِّبْنِيْ وْلَوْنٍ سَلَبْنِيْ
حَتَّى الْبِشَرْ فِيْ أصْلها انْسَانْ وِانْسَانْ
الْفَرْق فِيْ مَاْ اللّه وَهَبْه وْ وَهَبْنِيْ
إنْسَانْ يَبْنِيْ دَاخِلِكْ ألْف بِنْيَانْ
وِانْسَانْ يَهْدِمْ دَاخِلِكْ كِلّ مَبْنِيْ..!
وَانَا اتَعَطَّرْ بِالْوَله بَعْض الاحْيَانْ
وَاحْيَانْ عِطْرِيْ شَوْق قَلْبٍ غَلَبْنِيْ
أتْنَفّسه وَاغَمِّضْ احْسَاسْ وَاجْفَانْ
وَابْنِيْ وَاهِدّ وْأرْجَعْ آهِدّ وَابْنِيْ..!
آعِيْش وَحْدِيْ كَنّ مَا حَوْلِيْ إنْسَانْ
وْ لاَ انْخَلَقْ إنْسَانْ فِعْلاً جِذَبْنِيْ..!
أسْتَلْطِفْ أصْحَابْ وْ حَبَايِبْ وْ خِلاَّنْ
وْفيْ دِنْيِتِيْ عِشْرِيْن قَلْب ٍ طَلَبْنِيْ
وَانا بطَبْعِيْ.. أفْدِيْ.. فْلاَنْ وفْلاَنْ
وَاقُوْل يَكْفِيْ طِيْب قَلْبه وَهَبْنِيْ
لكن بَاكون أصْدَقْ عِبَاره على شَانْ
مَحَّدْ يِظِنّ انِّهْ بِحِبِّهْ سَلَبْنِيْ
أنَا أجَامِلْ وَاعْتِبِرْ حَوْلِيْ إخْوَانْ
وْ مَحْظُوْظ قَلْب ٍ بِالْمِوَدّهْ كِسَبْنِيْ
حَبَّيْت لِيْ مَرَّهْ والَى الْيَوْم نَدْمَانْ
كَبْوَةْ جِوَادْ وْ طِهْر قَلْبِيْ نِكَبْنِيْ..!
وَارْجَعْ أكَرِّرْ تَجْرِبَةْ حِبّ غَلْطَانْ
جَرَّبْتَهَا مَحَّدْ عَلَى ايْدِيْ ضَرَبْنِيْ
إشْ لَوْن تَقْنِعْنِيْ إذا مَنْت خَوَّانْ
واذَا قِدَرْت تْجِيْب رَاسِيْ فَجِبْنِيْ
وْلا تِحِسّ إنِّكْ بِالابْيَاتْ تِنْهَانْ
تَرَى شِعُوْرِيْ مَا كِتَبْتِهْ كِتَبْنِيْ
وَاظِنّ ما تِرْضَى أرَاعِيْك.. بِاحْسَانْ
وان كانْ حَكْيِيْ مَا عِجَبْك.. إجْتِنِبْنِيْ
أنا غريبه دَاخِلِيْ عِدَّةْ أوْطَانْ
ذَوْقِيْ غِرِيْب وْجدّ أحِسِّهْ تَعَبْنِيْ
لانِّيْ عِطِرْ شَرْقِيْ معَتَّقْ مِنْ ازْمَانْ

مَا حَدْ عَلَى كِبْر أمْنِيَاتِهْ.. سِكَبْنِيْ..!!


شعر: عوسج

شآآآكرهـ لكٍ رووعة طرحكِ عزيزتي ,,, ريهآم خآلد

الله يعطيكٍ آلعآآفية

بأنتظآآر جديدكِ آلقأدم

لكي تحيآآتي آلعطرهـ


:

أميرة آلورد

طرح مميــز ,,

تسلم الايادي الغاليه


جــزاك الله خيراً ..

المشاركة الأصلية كتبت بواسطة شبح الشمال (المشاركة 406560) ريهــام خالـــد صح السان الشاعر سلمت يدك على روعة الطرح وسلم لناذوقك الراقي على جمال الاختيار لك ولحضورك الجميل كل الشكر وتقدير اسأل الباري لك سعاده دائمة تحياتي طيبه حفظك الله

المشاركة الأصلية كتبت بواسطة أميرة الورد (المشاركة 406566) شآآآكرهـ لكٍ رووعة طرحكِ عزيزتي ,,, ريهآم خآلد الله يعطيكٍ آلعآآفية بأنتظآآر جديدكِ آلقأدم لكي تحيآآتي آلعطرهـ : أميرة آلورد

المشاركة الأصلية كتبت بواسطة ريحانة الطيب (المشاركة 406572) شكرا على القصيده الحلوه اختيار جميل لاهني ياغاليه ودي لكي وتقديري

المشاركة الأصلية كتبت بواسطة شذى الياسمين (المشاركة 406605) طرح مميــز ,, تسلم الايادي الغاليه جــزاك الله خيراً ..