![]() |
وجه شمران
((( وجه شمران )))
.................................................. .................................. يا الله يامن كون الكون لين كان = يا مغطشاً ليلة ومخرج نهاره يأممن إلي خايفٍ بمن وإيمان = وبليس ليشب الفتن طف ناره ياهاجسي بين لك أسرار وأشجان = إلي بخافي القلب بين اسراره على الملا موجز خبر ينشر إعلان = عن ابن عوظة ودي انشر اخبارة سلام يا وجه من وجيه شمران = في الطايلة والوافية والتجارة الطيب لك بين الرجاجيل عنوان = مشيت دربة لين خذت الصدارة الطيب ما خذ ته بغارات وثمان = الطيب جاء في مخ راسك صطارة ونكان باقي دهن عود ودخان = يلفي على بيتك وينفاء العطارة بيت على طول الدهر فيه ضيفان = من سمو أمير إلى معالي الوزارة وجباتهم امفطحات وقعدان = وكيف برسلان يقند بهارة ومزودة يبن الحويرث بديوان = مشتى خواليع الحطب في وجارة الله جعل فيك الكرامات صفطان = ما خذت فيها ركعتين استخارة يامسفر بن عوظة على كل ما بان = علمك رفرف بين تارة وتارة تارة يشيد بماقفك يا كحيلان = وتارة يقول انك مصدر قراره ويا مسفر بن عوظة على كل ميدان = نفخر بشوفك ونت عز الفخارة حتى القصايد في القوافي والوزان = تقول مسفر في المعاني شرارة تقول اناله يا هل العرف قيفان = الشعر في مدح ابن عوظة شطارة عزالله انك يا بيض الوجه له شان = شان العزيز إلي رفيع وقارة رمز لنا بين القبايل ولاوطان = في كل ميدان رفعنا شعاره أنت بنيت وزود الصرح بنيان = حصن الحماء قبلك تنثر جدارة إن كان ماعزيت صرحه بسيسان = والله ما غيرك يجدد عماره حاول ترجع هيبته قدر الإمكان = ولا تطيع اللي سعو في دماره أنت تعرف أنه على طول لزمان = شـامخ وبانينه تنقو حجاره تكفى تعيد البني يا شيخ بتقان = وأكتب على بابه صريح العبارة حنا عصات الجن وعصات الإنسان = ولطاعة الخالق رفعنا المنارة الله أكبر لرفع صوت الأذان = ونقبل على المسجد بثوب الطهارة رقابنا تعصى على السيف شومان = في ساعة فيها حروب وغارة يومن يجي فيه أبيض الوجه فرحان = باسوق من غالي حلالي بشارة من غير الواقع على شوف الأعيان = بيذوق من بعد الحلاوة مرارة وان كان للشوكة عدالة وميزان = حافظ على كفاتها من الخسارة قد السفينة في البحر وأنت ربان = ومن شذ من الركاب جعله ودارة أعبر بها يا شيخ لي بر الأمان = على الرصيف اللي رسمتو مساره وختامها تسلم لنا يا أبن حمدان = منصا وهيبة يا عرين النمارة وصلاة ربي عد ما هل هتان = على الرســول اللي مشينا بثاره |
رد: وجه شمران
صح لسانك ملاين شاعرنا الجميل سعد
والله لايهنك ولا علاك زود ومسفر بن عوضه يستاهل شيخ ورمز شمران العصاه ودمت سالما |
رد: وجه شمران
صح لسانك وسلم بنانك ويستاهل الشيخ ابن عوضه المدح
اعذب التحايا لك |
رد: وجه شمران
وجباتهم امفطحات وقعدان = وكيف برسلان يقند بهارة
ومزودة يبن الحويرث بديوان = مشتى خواليع الحطب في وجارة اخي الفاضل سعد صح لسانك ويستاهل ابوعلي حفظك الله من كل سوء |
رد: وجه شمران
يستاهل او علي اجمل واسمى ايات الوصف المديح صح لسان وبيض الله وجهك |
رد: وجه شمران
صح لسانك يستاهل بوعلي
|
رد: وجه شمران
صح لسسسسسسسسسسسانك
|
رد: وجه شمران
صح لسانك اخي الشاعر سعد الحنتمي ويستاهل رمز شمران الشيخ / مسفر بن عوضه |
رد: وجه شمران
صح الله لسانك ولاهنت على هذه القصيده الجزله
ابو علي يستاهل |
رد: وجه شمران
اقتباس:
صح السانك وونعم بشمران العصاه |
الساعة الآن 01:24 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية