منتديات قبائل شمران الرسمية - شوف الواسطه كيف ؟؟؟على طريقة نكتة

ماذا تعرف عن الواسطة ؟؟*

القاضي و راعي الدجاجة

جاء رجل ومعه دجاجة مذبوحة ( يعنى ميتة ) وكان رايح (لمحل الدجاج)

عند راعي الدجاج علشان يقطع الدجاجة فقاله راعي الدجاج خلاص روح لك

ربع ساعة وتعال لي تلقاها جاهزة

قاله صاحب الدجاجة : خلاص اوكى

*

فمر قاضى المدينة على راعي الدجاج
وقاله :عطني دجاج

قاله راعى الدجاج : والله ماعندى الا هذى الدجاجة وهى لرجال بيرجع الحين

قاله القاضى : خلاص عطنى اياها واذا جاك صاحبها قول له الدجاجة طارت

قال راعي الدجاج : وشلون مايصير؟؟ هو جايبها ميتة كيف ؟؟؟

قاله القاضى : اقول لك قول له كذا ولا عليك وخليه يشتكى ولا يهمك

قال راعي الدجاج : اوكى والله يستر

*

جاء صاحب الدجاجة عند راعي الدجاج وقال له وين دجاجتي ماخلصت

قال راعي الدجاج : والله دجاجتك طارت

قال صاحب الدجاجة : وش تقوووول كيف؟؟؟ صاحي انت... أنا جايبها ميتة

وصار بينهم شد في الكلام وبغوا يتهاوشون

فقال صاحب الدجاجة : امش معاي للقاضي علشان يحكم بينا هناك ويطلع الحق
*

*فراحوا للقاضي وعند ذهابهم للقاضي في الطريق شافوا اثنين يتهاوشون

واحد مسلم والثاني يهودي

فجاء راعي محل الدجاج يفرع بينهم ( يعنى يفرق بينهم ) ولكن إصبعه

دخلت في عين اليهودي وفقعها

فتجمع الناس ومسكوا راعي محل الدجاج وقالوا هذا اللي فقع عين اليهودي

فصارت القضية قضيتين فوق رأسه *

*

فجروه للمحكمة عند القاضي فيوم قربوا من المحكمة حاول يفلت منهم وهرب

وجروا وراه يلحقونه يبون يحاكمونه لكنه دخل في مسجد وهم وراه

وركب فوق المنارة وهم وراه آخرتها طمر (نقز) من فوق المنارة إلا وهو على شايب

فمات الشايب من أثر طيحة راعي محل الدجاج عليه

*

فجاء ولد الشايب وشاف أبوه ميت فلحق راعي محل الدجاج ومسكه هو ومعاه باقي الناس

فذهبوا به إلى القاضي

فلما شافه القاضي ضحك يفكره علشان سالفة الدجاجة

مادرى أنه عليه ثلاث قضايا

1) سرقة الدجاجة

2) فقع عين اليهودي

3 ) قتل الشايب

*

فعندما علم القاضي مسك راسه وقال عز الله انك جبت العيد

فجلس يفكر القاضي وقال خلونا ناخذ القضايا وحدة بوحدة

*

المهم نادى القاضي صاحب الدجاجة

قاله القاضي: وش تقول في دعواك على راعي محل الدجاج

قال صاحب الدجاجة : هذا ياقاضي سرق دجاجتي وأنا معطيه إياها وهي ميتة

ويقووووول إنها طاااارت كيف ياقاضي؟؟

قال القاضي : هل تؤمن بالله

قال صاحب الدجاجة : نعم أؤمن بالله **

قال له القاضي : ( يحيي العظام وهي رميم)
قم مالك شي
جيبوا المدعي الثاني

*

فجابوا اليهودي وقالوا هذا يا قاضي فقع عينه راعي الدجاج

فجلس القاضي يحوس ويفكر ويطلع وينزل,,,,,**

فقال القاضي لليهودي : دية المسلم للكافر النصف يعني نفقع عينك الثانية**

علشان تفقع عين وحدة للمسلم (راعي الدجاج)

فقال اليهودي : خلاص أنا أتنازل ماعاد أبي شي منه

فقال القاضي : عطونا القضية الثالثة *

*

جاء ولد الشايب اللي توفى وقال : يا قاضى هذا الرجل طمر على أبوي وقتله **

ففكر القاضي وقال : خلاص روحوا عند المنارة وتركب أنت يالولد فوق وتطمر

على راعي الدجاج**

فقال الولد للقاضي : طيب وإذا تحرك يمين ولا يسار يمكن أموت أنا

قال القاضي : والله هذى مو مشكلتي، أبوك ليش ما تحرك يمين ولا يسار؟؟؟؟؟؟؟؟؟؟؟؟؟؟؟؟؟؟

*
*
*
مايستفاد : مهما جبت العيد ومهما كانت الجريمة، هناك دائما من يستطيع

اخراجك منها مثل
الشعرة من العجين

في ظل وجود الواسطة

أنــــــــــــــــــــــــــــــــــــــــا