منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   ديوان الشاعر زهير بن حمدان الشمراني (http://vb.shmran.net/forumdisplay.php?f=70)
-   -   قصيدة زهير بن غيثان (http://vb.shmran.net/showthread.php?t=45156)

ال حمدان 12-01-2016 01:18 AM

قصيدة زهير بن غيثان
 
زهير بن غيثان

مات الكريم ومات راعي الشيم مات
ولا ماتت افعاله ولا مات ذكره

مات الشجيع وصار من ضمن الأموات
ولابد من عقب المواريد صدره

هذا المقدر من اله البريات
لله ما يعطي والاقدار بأمره

لكن ذكر أهل الوفاء والقداوات
يبقى بعد موت المطاليق عبره

والكفو ما ننساه لو الزمن فات
اللي بنى من طيب الافعال جدره

ولا غيبه بعد الزمن والمسافات
ولا غيبه من ذكر الاجواد قبره

نحزن على راعي الوفاء والمروات
اللي قضى في سلم الاجواد عمره

مقطاع حق ان راحت اعلوم وان جات
والمعضله يحلها قو صبره

وان جات له من سود الايام صكات
ما حركت في بو علي اي شعره

لزهير بن غيثان بالطيب وقفات
تبقى مادام الكون باقي بكبره

فيالله ياللي عالم بالخفيات
يا ميسر للامر من بعد عسره

يافارج للهم من بعد ضيقات
يا جابر للعظم من عقب كسره

ان ترحم ياللي له مع الطيب رايات
اللي يحب الطيب ويعز قدره

وان ترحم اللي ماقصر دون هقوات
ولا قصر بالطيب باعه وشبره

وان ترحم الوافي ورجل المهمات
اللي بنى للطيب والجود قصره

يامعتلي من فوق سبع السماوات
اسألك ترحم من نطقلك بشكره

وانك تبيحه من جميع الخطيات
وانك توسع ياولي ضيق قبره

وألطف بحال اللي من الحزن مابات
لا من تذكر من رحل هل عبره

حسن بن عبدالله 12-03-2016 08:09 PM

رد: قصيدة زهير بن غيثان
 
ال حمدان هلا وغلا ومرحب فيك
وشكرا لك على مشاركاتك القيمه

وصح لسان الشاعر الكبير
زهير بن حمدان صاحب الحضور المميز
والله يرحم بن غيثان


الساعة الآن 08:02 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية