منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   ديوان الشاعر زهير بن حمدان الشمراني (http://vb.shmran.net/forumdisplay.php?f=70)
-   -   تكريم بن درمان (http://vb.shmran.net/showthread.php?t=45165)

ال حمدان 12-01-2016 01:47 AM

تكريم بن درمان
 
تكريم بن درمان

باسـم الله امـــوت واحيـا وابتــدي بالكــلام
الــواحد اللـي الـى مـن قال للشـــي يكــون

الـمعتلي اللي املــنا فيـــــــه والألتــــــــزام
يا خالق الجـــن وايـا الأنــــس لك يعبــدون

يا من بيـدك الغــنــى والفــقـر والأعتــصـام
يا ارحـــم بالأنسـان من ام بولـــدها حنـون

يا اللي بهيبتــك تسجــد لك ملــــوك عظـام
والكـون واللي خلـــق بالكـون لك يسجدون

اســألك نصـر العبـــاد وكل مســـــلم يضـام
علـى عـدو طـــغى ظلـــــمه وظلـــمه جنـون

واسألك تكتـــب لنا الجنـــه وحسن الختـام
فــي ســـاعة انا اليك يا الله من الــراجعـون

وتعـــز الأسـلام واهلــه فـــــوق كل الأنـــــام
وتــذل كــل الطغـــــــاه وكل من يجحـــــدون

وتعـــز حكـــامنا بالـــدين نسـل الأمـــــــــام
اللـــي مـوحـد قبــايل بالجــــهل يعـمهــون

وتعيــن صـقـر العــروبه للأمـــور الجســام
اللــي حـمل هــم شــعبـــه والمــهم يفـرحون

يارب طـول حيـــاته واجـــعل اليـــوم عـــام
اللـــي جــعـل كل شعبـــه بالنـعم ينعمـون

وولي عهـده لنا سلطــــان درع وحســــــام
ونـايــف امـن المـواطن والـوطن له يصــون

وان ذكــــرت العـاصمه نــذكر عــزيز المقــام
سلمـان رمــز الــرياض وفــوق كل الظنــون

حكـامنا ال السـعـــود بحــــق من لا ينــــام
يبـقــون للـــديــن عــزولــــرايته يــــرفعـــون

من بعـــدها يا ســلام الله لـــربعي ســـــلام
تسليـمة فــي شـذاها الــورد مـن كـل لـــون

ســــلام من راس بن حمـدان تسليـــم عـــام
يــعــــم كـل الحضــور ولابتــــي يسلمـــون

من بعــد تسليـــمنا يا مـرحبا يا الحشــــام
اعـــداد مــن حــج بيــت الله وله يحـــرمــون

تــرحيــب مثل المطــر اللي تقـــفى الغمـــام
بضيـوفنا اللي غـلاهم في سـواد العيــون

من دون ربـعي مقـابيــس الظفـر والظـــلام
اقــــولهــــا بأسمـهم وانـا على ما يبــــــون

اللابه اللــــي لها بالطيــــب ذروة سنــــــام
دايــم على الـــوافيه واهـل الوفاء يجـملون

شمـران ربــعي ودرعي في نهـــار الـزحـام
يفخر بهـا الطيـب يوم الطيــب به يفخـرون

من التــــــهم ليتبــــــاله كلـــــــهم في ولام
علــى اشــارة ملكنـــا والــوطـــن يفـزعــون

ما عــاش فيــنا الـــذليل ولا نــربي اللئـــام
ورث مــن الجـــد الأول كـلنــا لــه نصــــون

الله خلقـــنا كــــــرام ومـن رجــــــال كــــــرام
نـعـيــش والــرجــل منا لا حشـى ما يخـون

نقــدر اللي بفعـــل الطيــــب علـــق وســـام
نـحفــظ حقـوق الــرجـال وللمطـاليق عـون

كـل على حفــلــة المطـــلق يقــــول الهمـــام
حـتــى نشـارك رجــــال للوفـــاء يكسبـــون

لأجل ابن درمـان جيـــنا كلنــــا بأهتـــمــام
شـيــخ تعلى المـراجـل والبشــر يشهـــدون

شيـــخ للأشــوار والحجـــه تقص العظــام
حـكيـم والطيـب ساس ومـن عـرب يظفـرون

ما عـده الا قــريـــب ومن خيـــــار العمــــــام
ذكــره مـع الطيــب يبـــقـى مثل غر المـــزون

حمــدان وان ذكـــر بن درمان شـــرق وشـام
والـنـــعـم كـل يـــــرددهـا لمـن يســــــــألـــون

فيــا الله يا من لوجــهـــك حجـنا والصيــام
تـمــد عمـــره وفـي الجنــه مـع الفــائـــزون

وتجـــمل اللي على طيـــب المــراجل همــام
صـديـق درب المــــراجـل والـوفـاء له زبـــون

مسفــر ومن غيــر مسفـر للحمـول العظـام
غيـــرك ولـو حاولـو يا بـو علـي يقصــرون

يا رمــز شمــران فعــــلك مثل بـــدر التمـــام
مايجحده غيـر ناقـص عــــقل والا مغبــون

تــارد على الطيــب ميــراد الجمـال الحيـام
تـشـيـل هـــم القبيــله والـــوفـي ما يهــون

ما كبـــرك زود مــال ولا ارتفـــــاع المقـــــام
مـا كـبــــرك غيــر فعـلـك عنـد مـن يفهمــون

هـــذا انــت نظــــرتك دايـــم للأمــام الأمــام
واللـــي يحـب الصــداره ما يعـــود بــــدون

والله ما خـــاب من مثــلـك بجنـبـــه حـــــزام
يا رمـز الأفعال يا حصــن تعـلى الحصـون

وصــلاة من نــزل احكـــامه حلال وحــــرام
علــــى رســول الله القــــــدوه لمن يهتــــدون



زهير بن حمدان ( بو ماجد)

حسن بن عبدالله 12-03-2016 08:18 PM

رد: تكريم بن درمان
 
ال حمدان هلا وغلا ومرحب فيك
وشكرا لك على مشاركاتك القيمه

وصح لسان الشاعر الكبير
زهير بن حمدان صاحب الحضور المميز


الساعة الآن 10:35 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية