يارب ليماء جيت بقبري لحالي
ماعاد ينفعني قريبن وصدقان

يارب ترحمني وتلطف بحالي
وثبت لساني لي سالوني بليمان

وجعل ردودي خير عند السوالي
ورحمني برحمتك ورفع لي الشان

وجعل لي البرزخ مقر ومنالي
لين يبعثون الخلق ويقام ميزان

احدن كتابه في يمينه وسالي
وحدن كتابه في يساره وزعلان

ونصب السراط وصار شد الرحالي
وكلن بماء جابه رهين ومندان

الي على خيرن سعيد ن وطالي
روحن وريحان ن ورضوان رحمان

في جنتن نعيمها له ضلالي
من حيث ما تنضر انهارن وبستان

وحور عين ن كاملات الجمالي
ويطوف بلذات لناس ولدان

ولي على شرن يشوف النكالي
مخلدىن في النار دايم ومنهان

في قعرها دايم لهبها يصالي
شرابهم فيها حميمن وغسان

الاخره حصاد دنيا الزوالي
كلن بماء جبته رهين ن يالنسان

احسب حساب المقبلات التوالي
ولي غداء اطلب من الرب غفران

ليام تملي بلخطى واليالي
تمسي بناءوتصبح مدازيز شيطان

حلف يجيناء من يمين وشمالي
ويحقق اهدافه على قدر لمكان

يارب يامعبود ياذا الجالالي
يامن خلقت الكون والانس والجان

يامن بدع فلكون شمس وهلالي
وجعلتها لليل واليوم حسبان

عسى موازين الخلايق ثقالي
من وححدك في نص سنه وقران

الشاعر/ سعد بن عبدالله بن حنتم الشمراني