ماكل من يركب على الخيل خيال
http://www.alsareha.net/vb/images/smilies/fares.gifماكل من يركب على الخيل خيال
ولا كل خيل تعجبك هي أصيــــــــله ولا كل من يعجبك هرجه برجال بعض العرب ملــــــــسون وايده بخيله الكل يلبس ثوب وشماغ وعقال وعند اللزوم افعالهم هي قليـــــــــــــــله الرجل تثبت له أقاويل بافعال لاقال شئ ونفذه هو دلـــــــــــــــــــــــــيله والرجل لاشفته مع القيل والقال ابعد عنه هذا صفاته عليــــــــــــــــــــــــله والكذب خله عنك مافاد لو طال قول الصدق ياصاح غنم وجميــــــــله وخلك شجاع وذي صفات للابطال اللي كما سيوف تبارق سليـــــــله واللي شراك اشريه لو كان بالمال خلك معه وان مــــــال دور بديله واصبر ترى الدنيا تبدل بها أحوال وما كل شئ صافي تشـــــوفه تجي له وبعد الكدر تشرب صفا عذب وزلال هذا الزمن فيه استــــقامه وميله وصاحب خليل لو جفا الوقت مامال ترى الرجل يعرف بقيمة خليــــله واقفل على سرك بكتمان واقفال بعض العرب يسمع وينوي بحـــيله وخلك أمين إذا توليت الأعمال من خان في يوم الحشر يا حليــــله خل التواضع فيك واضح بالافعال ترى الكبر يردي بيوم وليــــــــــــــــله ولا تحسد اللي عنده اموال وعيال وش ينفعك لو كان حـــسدك يزيله ولا تزور تقلب الزين بطـــــــــــــال الله عليم بالنوايا الدخـــــــــــــــــيله وخلك رزين ترى المخفه للاطفال واصفح عن المخـــــطي ولو زاد قيله واحمل همومك لو تزن وزن الاثقال بكره تروح وتنجلي لو ثقـــــــــــــــيله وصل الفروض ولاتنسيك الاشغال محدن في الدنيـــــا درى وش بقي له وزور الاقارب للرحم كون وصـــــال وخلك عظيم الشان وسط القـــــبيله وصلاة ربي عد ماهل همـــــــــــــال على النبي اللي صفـــــاته جلــــيله |
صح لسانك ياغالي
والف شكر على هالطرح الجميل |
بحر العلوم بيض الله وجهك على هذه القصيده
|
بحر العلوم
بيض الله وجهك يالغالي على القصيدة ذكرتني بأيام الفروسة هههههه تقبل مني تحياتي وتقديري |
الاخ العزيز & بحر العلوم &
الله يجمل حالك ويبيض وجهك على هذه القصيده الرائعه (نحن بحاجه الى مزيد من هذه القصائد اللتي تحتوي على النصح والحكمه) فلك مني جزيل الشكر والامتنان وفقك الله اخوك الوافي |
اخوي/بحر العلوم..مشكور على القصيده الجميله التى تحتوي على النصح والتوجيه والحكم..الله يجزاك خير..
http://sadrose84.jeeran.com/ThankYouGlitterRose.gif تقبل مروري وخالص شكري للك يالغالي... &*شمراني والوفاء عنواني*& |
شكرا لكم يالغالين
|
الساعة الآن 12:16 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية