منتديات قبائل شمران الرسمية - كل مـا قـال السهـر درب الغوايـة ** قلت كلـه مـن عيونـك هبّلـوا بـي

- الخواطر والقصص والروايات (http://vb.shmran.net/forumdisplay.php?f=9)

كل مـا قـال السهـر درب الغوايـة ** قلت كلـه مـن عيونـك هبّلـوا بـي

بسم الله الرحمن الرحيم

السلام عليكم ورحمة الله وبركاته

الشاعر فهد المساعد السبيعي من الشعراء الذين لهم قصائد رائعة ومميزة

أترككم مع هذا النص الشاعري للشاعر الرائع فهد المساعد :

يا بشر تكفـون حلّـو عـن سمايـه
ما يصيب الهرج لو الهـرج صوبـي

كـم سكـت لكـم بمـا فيـه الكفايـة
اشتموني لو زعلتـوا واشمتـوا بـي

عيبونـي واتركونـي فـي عمـايـه
واتركوا لي واحـد يرضـى عيوبـي

اتركـوا لـي واحـد يمسـح شقايـه
كل ما حـط الزمـن دوبـه ودوبـي

ذاك والله لا ذكـرت انــه ورايــه
اشعر إن الكـون كلـه وسـط ثوبـي

يكفـي انـه لـو يسولـف للمرايـه
كن صوته يهمس لصورتـه.. ذوبـي

كيف أنا مـا أذوب مـا دامـه معايـه
اسمعه وأسهر معـه لآخـر دروبـي

كل مـا قـال السهـر درب الغوايـة
قلت كلـه مـن عيونـك هبّلـوا بـي

وكل ما قـال الخطـا ماهـو خطايـه
قلت له قـل للعيـون السـود توبـي

ضيعتـنـي واســأل الله الهـدايـة
وين أجيب العقل.. أجيبه من جيوبـي

من يعرفـك مـا يـدل العقـل رايـة
يا شروق العمر.. مدري يـا غروبـي

أذكر انك كنـت لـي مثـل الهوايـة
لو تروح ولو تجـي يبقـى شحوبـي

بس مدري كيف صرت اليـوم غايـة
وصرت أجي وأروح مدري عن دروبي

يـا بعـد عمـر الكتابـة والقـرايـة
يا الشمالـي يابـو الملـح الجنوبـي

لا قريـت اللـي كتبتـه يـا رجايـه
رح وبلغ ربعـي اللـي جننـوا بـي

قلهـم يمكـن يخـلـون الوشـايـة
و إن تمادوا خلهم مهمـا حكـوا بـي

أنت خلك بـس فـي الدنيـا عزايـه
لا تفكر في العـواذل وأنـت صوبـي

ادري إن كـل درب ولــه نهـايـة
بس أنا باقـي معـك لآخـر دروبـي