|
ياصاحبي وشفيك قلّي عسى خير
ياصاحبي وشفيك قلّي عسى خير
تشكي وانا خابرك رمز الشجاعة ان كان حاديك الزمن والمقادير الصبر للرجال يعطي مناعة اسمع وخذ مني نصيحه وتذكير ذرب الكلام اللي يفيدك سماعه صوادف الدنيا ورود ومصادير وافضل كنوز الوقت كنز القناعة اللي كتبه الله على عبده يصير صبراً جميل ودبرة الله مطاعه مادمت من روس الرجال المشاهير مايرتخي راسٍ شمخ بارتفاعه بكره تبي تلقى العوض فالمخاسير تاصل حبال الوصل عقب انقطاعه العافية تسوى كنوز الدنانير والرجل دايم نجدته من ذراعه صكات بقعا لانصنّك طوابير خلك كما ضلعٍ تقانب سباعه شامخ شموخاً ماتهزه معاصير لو هو محاصر بالخطر كل ساعه صلف الهوا ماشدد طويق والنير والحر يقدم والرعاعه رعاعه ساير زمانك وانتبه تعكس السير وسمح الجناب اللي يراعيك راعه ربعك حزامك فالليال المعاسير صدرك عليهم لايضيق اتساعه قد قالو اللي يحكمون التعابير ترى يد الله مع يدين الجماعة حذراك دينك لايجي فيه تقصير لاضاع دينك ماش غيره طماعه ابليس لو زيّن دروب المحاذير أبعد عن اللي مايجوز اتباعه عقب المنيه ماتفيد المعاذير واللي يطيع ابليس ماله شفاعه اشر الرفيق اللي يعينك على الخير وبيع الردي فالسوق بيع البضاعة لازم يجي من صاحب السوء تاثير يدوّر اللي يخشره في ضياعه اللي يحمل المسك ماينفخ الكير ومن جالس المقرود ياخذ طباعه كم من كبيرٍ بالعقل عمره صغير وكم من كبيربعقل سن الرضاعة لاتستشير الا حكيم التدابير رجلٍ تفيدك خبرته واطّلاعه العاقل يشاورهل العرف ويشير وكلاً على ماقيل حسب اقتناعه الطيب يبدي فالوجيه المسافير يبدي كما نوراً توهج شعاعه يشفيك حراً لانهض كنه الطير الطيب مزروعٍ بقلبه زراعه في طلته تلقى السعد والتباشير واليا نخيته قال سمعاً وطاعه تلقى الكرامه عندريف الخطاطير وتلقى اللكاعه عند راع اللكاعه مافالبشرمخلوق من غيرتقصير مير القيام يكون بالاستطاعه والياظهرسرك لويقال في بير تراه مابه بيرمن غير قاعه يبدي ويبدي به من الناس تزوير حيث ان بعض الناس مثل الاذاعة يصبح كما جمٍ ملته الغثابير ويمسي طعام مروّجين الاشاعة الظلم ظلمه في وجيه المعاثير مايفلح الظالم ولو طال باعه يلقى الجزالو عقب طول المشاوير سواة ماسوّاه واعظم شناعة من دعوة المظلوم احذرك تحذير اليا رفع لله كف الضراعة يجيب ربه دعوته دون تاخير وابو قناع يبين خافي قناعه راع الحسد لو يندفع يمك مغير عنّز على الله واتركه باندفاعه كل الصعاب بعون ربي تياسير من يتكل بالله ومَن كل راعه قدمت لك عن واقع الحال تقرير ببيوت شعراً فيه فن وبراعة صدرتها من صافي الفكر تصدير وحقوقنا ماهي حقوق الطباعه وختامها مني تحية وتقدير شاري خوي الطيب ماعاد باعه الشاعر ... رائد العلي |
رد: ياصاحبي وشفيك
صح السان الشاعر // رائد العلى سلمت يدك على روعة النقل وسلم لناذوقك الراقي على جمال الاختيار لك ولحضورك الجميل كل الشكر وتقدير اسأل الباري لك سعاده دائمة تحياتي طيبه حفظك الله |
رد: ياصاحبي وشفيك
صح السان الشاعر // رائد العلى سلمت يدك على روعة النقل وسلم لناذوقك الراقي على جمال الاختيار لك ولحضورك الجميل كل الشكر وتقدير اسأل الباري لك سعاده دائمة تحياتي طيبه حفظك الله |
رد: ياصاحبي وشفيك قلّي عسى خير
أخي الفاضل شبح الشمال
شكرا لك لتعقيبك وتواجدك حفظك الله وسددك |
رد: ياصاحبي وشفيك قلّي عسى خير
اخي الحمدان
صح لسان الشاعر وشكرا لك على هذا التواجد الفعال والمشاركات النافعه والمفيده بارك الله فيك |
رد: ياصاحبي وشفيك قلّي عسى خير
دائماً لأطروحاتك فلك خاص يضم المبدعين بين جنباته ويضم السحر بين اكفه قصيدة رائعة من شاعر رائع سلمت يمينك على هذا النقل الجميل ولك احترامي وتقديري |
رد: ياصاحبي وشفيك قلّي عسى خير
اقتباس:
أخي الغالي ابو تركي أشكرك لتعقيبك وتواجد لك أجمل تحية وتقدير |
رد: ياصاحبي وشفيك قلّي عسى خير
اقتباس:
ألاخت الغاليه شذى الياسمين أشكرك لتعقيبك وتواجد لك أجمل تحية وتقدير |
رد: ياصاحبي وشفيك
اقتباس:
أخي الغالي شبح الشمال أشكرك لتعقيبك وتواجد لك أجمل تحية وتقدير |
| الساعة الآن 06:44 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية