|
التشدد والأنفتاح
يا خاطر ٍ ما ضاق غير إلا من وجيـه الحثـال والسارق اللي متعب ٍ عمره ومضنيـه الجشـع والمشكله زاد العـرب عنـده ويأكـل بالشمـال أكل أكل أكـل أكـل لكـن حسافـه مـا شبـع وش عاد نبغى فـالثقافة دامها الدعـوه ارتجـال والشعر روضه بين ديم الفكـر وانهـار ونبـع نوابـغ الفيزيـاء تثبـت إن للطـاقـة مـجـال وان الكثافـة تنخفـض لمـا الحـرارة ترتفـع واحنا مكانك سـر ..لانؤمـن بإطـلاق الخيـال ومـن التعاسـه لا تحاورنـا تقاذفنـا القـمـع بيـن التشـدد وانفتـاح العلمنـه.. شـد القتـال جهابذة فكـر تعـارك.. والفضـا يامـا وسـع والمشكله أن الحـوار احيـان يغشـاه انحـلال والمشكلـه تكبـر إذا بأسبابهـم تكثـر بــدع يا نـاس خلونـا نعيـش بـلا توتـر وانفعـال اكبر مصيبه فتنة ٍ في الديـن والشـارع شـرع كتاب ربي جامـع الأطيـاف وخيـار الخصـال والرب له حكمه وسبحانه مـن الحكمـه جمـع آيات ٍ أعذب فـي معانيـه مـن المـي الـزلال وأحكام وأعراف وقصص والنور في جله سطع نبغى التآخي والتألف والمرونـه فـي الجـدال والشمس ما يشبه سناها شبـة أضـواء الشمـع يا حي هرج العاقل ليا جاك يضرب لـك مثـال كنه يسلسل صف لولـو وكـن أحاديثـه سجـع لا جاك يهرج مـا يثرثـر بالسواليـف الهـزال معنى جزاله والأدب والحلم فـي حكيـه طبـع لكن تجي لـالصوب الآخر شي يدعـو للخبـال أصوات تتضارب وسب ولعن وصـداع ووجـع توصل لحد القذف تكرم توصـل لحـد النعـال نقـاش معـدم لا يـدر لسامعـه فـود ونـفـع سباع في كبـر السوالـف والشتايـم والضـلال والله واعلم لو تجي للصـدق مـا تلقـى سبـع وما يفتل هـروج الدمـان الا مراجيـج ٍ هبـال والرجل لا جا فيه زوده يجعـل الواحـد ربـع وشلون ما يحشم مضاميـن ومواقيـف الرجـال وشلون ما قد مـر فـي بالـه كـلام ولا سمـع ان الإمام الشافعي قد قال واسمـع ويـش قـال (ما طار طير وارتفـع.. الا كمـا طـار وقـع) يعني على هونك وإذا حظك تنكـر لـك ومـال اذكر نسانيس الرخاء ساعة وشـأ فيـك الطمـع وان كان يغريك الرضاء والطيب والكسب الحلال مالك سوى التقوى وحث النفس وإجلال الـورع والكبر جنّب مرقبه وأرقى على روس الطـوال واللي زرع دربه زهر ما يحصـد إلا مـا زرع منقول |
والكبر جنّب مرقبه وأرقى على روس الطـوال واللي زرع دربه زهر ما يحصـد إلا مـا زرع صح لسان الشاعر وسلمت يمينكـ أخي أبو عساف لاهنت ولا عدمناكـ تحياتي واحترامي |
صح لسان الشاعر والله يعطيك العافية يابوعساف لاهنت |
سلمت يمينك يا ابو عساف وصح لسان قايلها |
سلمت يمينك يا ابو عساف
وصح لسان الشاعر |
| الساعة الآن 05:41 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية