|
ياراعي الغر
يا راعي الغر العذاب المباهيش
رش الكبود اليابسه عن عطشها دنق علي وطمن الراس بشويش واحي العروق الذابله وانتعشها حبك ينهش ثومة القلب تنهيش نهش الحنيش لعرش رجل نهشها واهل الهواء في سجن غيك دروايش وقلوبهم وجلانه من دهشها من ذاق من خمر السوالف بخاشيش يبطي وروحه معتلقها بلشها ولا تستمع في هل الحكا والوشاويش ناس انقيلي الناميم دبشها يا خشف يم ذار واوحي شوابيش بدوا طلوع الشمس ذاره وغشها والعين عين اللي جسر عقب توحيش امير بيتي الحرار اوحشها طرح الشبك ما قبلوه الطواريش ولا قرنسوه اهل العشش في اعششها وحش وجاي من بعيد المناطيش عوق الخريش اللي طياره خرشها لا قام ياخذ من طرق ريشها ريش واليا قضا لعبه عليها لكشها جابوه من عين الشمال الهماميش ابرك لهادي طرشة قد طرشها جابوه لمثمن طويل المطاريش شيخ قوانين العرب ما دغشها محمد عشير منقضات العكاريش نجل العيون اللي ملاح بهشها ومهدي للي براسه نغاميش لا شوشت حيات الارض وحنشها محمد مقابل قاصده بالتباهيش وملفي الرجال اللي جميله غطشها ودايم وبيته مدهل للمداغيش وكم روح معسور بجوده نعشها لا يبعد ناس تكبر على ويش لاشافت الناصي تلوت خششها لو يملكون ارقام الاموال حتيش در الحماره دوب يكي جحشها وروس الضبا ماذكر فيها عراميش لو هي على الزيله كبار شوشها الشاعر..... عبدالله بن عون |
رد: ياراعي الغر
الحمدان شعر رائع وكلمات والاحرف ممزوجة بالمسك.وعذب الكلام تسلم الايادي اعذب التحايا لك |
رد: ياراعي الغر
اقتباس:
شكرا لك على تعقيبك وتواجدك المستمر بمتصفحي لاعدمتك لك مني كل التحايا والتقدير |
رد: ياراعي الغر
صباحكم جنه الشاعر -عبدالله بن عون قامة شعرية كبيرة وعلم من أعلام الشعر في الخليج- صح نبض الشاعر - وله أيضاً : ياطير ماحدك نصيبك على خير وراك مسجون" بوسط الغماره حسبي على اللي عزروا فيك تعزير تكفخ ويصلاك الحديد بحراره في موتر" مال الولع فيه تأثير تكسي أجار" مايعرف ألا أجاره حشرت وحوش البر حتى العصافير من يوم دور من وراها تجاره ما للغشيم من الولع غير تدمير دايم عماره صاير" في دماره ياناقلين الطير من غير تبصير حصيلكم منه التعب والخساره أوفوا حقوق الطير وألا أترك الطير لا تظلمونه ياجداد الصقاره خلوه لمحمد عشير المناعير اللي ليا شافه يعرف إعتباره مقدم هواة الصيد من توه صغير من خلقته يعطي عليه البشاره يعطيه حقه في ليال المخاضير لا بكر الوسمي ولجلج خضاره قدام يظهر في نباته نواوير ينصاه لو إنه بعيد" مزاره مايمنعه دونه ردي الأشاوير في نجد وألا نازحات" دياره الطير يبغاله عنايه وتدبير رجل" يعرف إهانته من وقاره هذاك أبوتركي زبون المخاسير سمح الحجاج اللي يذري جداره يفزع لمحتاج" ويكرم مسايير وغيث" على من يستجير بجواره من جاه يشكي له من الوقت تقصير مضهود وإلا مستجير" أجاره ويطرب لنقل مصخر الخرب تصخير وإطلاقة المسباق شفه وكاره وينومسه فعل الفروخ المغاتير ومن كل قرناس" تخير خياره هذا يخل الريش مثل المعاصير وهذا يشوقه لا حجل في طياره كم ماقع" قفر" جهم له بتبكير وأثعى بصيده حين يشرق نهاره وإن جاء الضحى الضاحي وجت حومة الطير حول بروض" في مفيضه قراره وصكو عليه أهل الوجيه المسافير والقهوجي قدامهم شب ناره وإستانسوا في جو مافيه تكدير ودارت سوالفهم عناد وعياره وأخذوا لهم مقدار ساعات لا غير لين الهوا يسكن ويركد غباره ثم روحوا بين الصلاتين وعصير والشيخ فك سبوق طيره وأداره مستبشر" بالخير والصيد ما ذير والطير صقاره يحب إختباره وأشرف على جو" خضاره نواوير فيه الخزامى والنفل والشقاره وأخذ عن اللي عادته تلة السير مايلتفت راعيه يسبر شناره غلاص طلع" له على الصدق تبرير يأخذ على الجو البعيد إنحداره حول على جول" تقافى مدابير زرق النحور اللي عليها الدواره الطايره يرسل عليها مشاهير مثل الجهاز اللي بتوجيه أداره والدارجه يرسل عليها جزازير كل أفدع" مع قو ضربه شطاره يفرى نحرها فرية الدلو فالبير تلقى الفؤاد مظهره من ستاره في وقتها ينسى وداد الغنادير وينسى جميع معاملات الوزاره هذي حقوق الطير ياظالم الطير ماهوب حقه سجنته فالغماره- الحمدان دام هذا الغيث المورق- تقديري |
رد: ياراعي الغر
اقتباس:
شكرا لك على تعقيبك وتواجدك المستمر بمتصفحي لاعدمتك اضافتك جميله واختيار موفق لك مني كل التحايا والتقدير |
رد: ياراعي الغر
اخي الحمدان صح لسان الشاعر الكبير / عبدالله بن عون وشكرآ لك على هذا التواجد الفعال وعلى مشاركاتك المختارة والمميزة بارك الله فيك |
رد: ياراعي الغر
اخي الحمدان صح لسان الشاعر شكرا على اختياركم هذه القصيدة الرائعة بارك الله فيك إستمر ولك التوفيق بـإذن الله تقديري وإحترامي |
رد: ياراعي الغر
اقتباس:
أخي الغالي ابو تركي أشكرك على تعقيبك وتواجدك بمتصفحي لك مني أجمل تحيه وتقدير لاعدمتك |
رد: ياراعي الغر
اقتباس:
ألاخت الغاليه شذى الياسمين أشكرك على تعقيبك وتواجدك بمتصفحي لك مني أجمل تحيه وتقدير لاعدمتك |
| الساعة الآن 08:03 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية