منتديات قبائل شمران الرسمية - تغرف من دمي العروق السواني

يامرحبا ترحيبتن شانها شان
شان الغلا اللي في شبابي وطاني
غلاك من عمري قطف ورد الازمان
ونوخ ركابه بين عوج المحاني
وينزل خفوقي والمعاليق ريضان
وتغرف من دمي العروق السواني
سقيته امن الدمع وابل وهتان
واستاق من ذود السنين السماني
هذاا غلاك اللي على الروح سلطان
وش لون لو جيتي وصرتي وزاني
ماجهل مكانك ياجميله ولو كان
وقتي عن دورب المواصل عصاني
هاكي خفوقي والعمر غادي وفان
ياشوق روحي بين بيض الغواني
اعشار يوسف عقبكم راحت اثمان
انا اشهد انه في زمانه يعاني
اشواقه المركب والاحلام ربان
ولاغير حظنك في البسيطه مواني
ينسج من خيوط الحزن حوله اكفان
ويقبره حظه في لحود الاماني
يوسف الشمراني