منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   ديوان الشاعر إبراهيم بن طهيفان الشمراني (http://vb.shmran.net/forumdisplay.php?f=72)
-   -   شـيـخـة الـغـيـد (http://vb.shmran.net/showthread.php?t=14527)

ابراهيم طهيفان الشمراني 05-18-2009 11:02 AM

شـيـخـة الـغـيـد
 
اسعد الله اوقاتكم جميعا

قصيده كتبتها وانا خارج المملكة وبالتحديد في مدينة (براغ) عاصمة التشيك وهي تتحدث عن نفسها

الحزن قايد والشوارد طوابير
والقاف غرس وهاجس الشاعر البيد

والناس لو تؤمن بجلب المقادير
ما كان شفت الجازع يعيد ويزيد

وأنا بموت من الضما وينه البير
والعد فايت عن عيون المشاهيد

الليل موحش والقصايد مسافير
والبرد شايب والهبايب مواليد

وأنا تعاقبني صدوف المشاوير
بعيد عن داري ودمعي مواريد

في الديره اللي كل أبوها نواوير
جنوب عن برلين .. في شرق مدريد

راعي الحلال هناك ما يشري شعير
و(ابو سعيد) إن زارها همّل (سعيد)

يا ( براغ ) لوّك تجذبني المشاهير
أشوف واسمع وكنّي مقيّد بـ قيد

حزين وأنشدني وأجي كلي مغير
وأجاوبك وحروف شعري شواهيد

وأعطيك عن حالة أهل العشق تقرير
لا هو بـ مستنسخ ولا هو بـ تقليد

ليا ذكرت اللي لها في الحشا سير
أعدها مثل الجبال الجلاميد

فراقها ما ينحسب بالتقادير
إلا ضنا .. وجهاد.. هم.. وتناهيد

فراقها بكَى الشجر والعصافير
والورد ذبل وطاح في طارف الحيد

يا طير يا طير الهوى هيه يا طير
عوّد وعود اللي تعايدني العيد

بلّغ سلامي ثم سوق التباشير
للي غلاها والهوى صادني صيد

هذيك وجه الخير تجلب لي الخير
يا جعلها تبطي وهي (شيخة الغيد)

وسلامتكم
[/poem]

سموالمشاعر 05-18-2009 11:37 AM

رد: شـيـخـة الـغـيـد
 
بلّغ سلامي ثم سوق التباشير
للي غلاها كل ما تطري يزيد

هذيك وجه الخير تجلب لي الخير
يا جعلها تبطي وهي (شيخة الغيد)

صحت لسانك الغربه صعبه قصيده رائعه

عايض حامد الشمراني 05-18-2009 01:13 PM

رد: شـيـخـة الـغـيـد
 
صح لسانك ولافض فوك على هذا الإبداع
الغربه صعبه والحنين إلى الوطن فطره

إعجابي بما سطرته من جمال في التعبير والكلمات.
لك مني تقديري وشكري

علي الساهري 05-18-2009 01:41 PM

رد: شـيـخـة الـغـيـد
 
الله عليك يابن طهيفان

حرام هالقصايد تطول وماترينا مثلها

اشكرك بعمق عالقصيده العاطفيه المعبره

شهاب 05-18-2009 03:04 PM

رد: شـيـخـة الـغـيـد
 
صح لسانك على هذا الإبداع

صالح عسكر 05-18-2009 03:27 PM

رد: شـيـخـة الـغـيـد
 
اقتباس:

يا طير يا طير الهوى هيه يا طير
عوّد وعود اللي تعايدني العيد


بلّغ سلامي ثم سوق التباشير
للي غلاها والهوى صادني صيد

هذيك وجه الخير تجلب لي الخير
يا جعلها تبطي وهي (شيخة الغيد)


قسم بالله مبدع يا بن طهيفان

صح لسانك وبيض الله وجهك

على هذا الإبداع الشعري الخاص فيك

ـأخوك / صالح عسكر

عبدالله حوفان 05-18-2009 04:42 PM

رد: شـيـخـة الـغـيـد
 
الله الله

وش ذا الابداع يابن طهيفان؟؟

قصيده رائعه مثلك

لاهنت

عبدالله الساهري 05-18-2009 10:05 PM

رد: شـيـخـة الـغـيـد
 
فراقها بكَى الشجر والعصافير
والورد ذبل وطاح في طارف الحيد


صح لسآآآآآآآآنك يابن طهيفان والله يجمل حالك

حسن بن عبدالله 05-19-2009 12:29 AM

رد: شـيـخـة الـغـيـد
 
صح لسانك اخي ابراهيم بن طهيفان مبدع كما عهدناك
قصيده في منتهى الروعه والجمال
لك مني خالص تقديري وشكري

ابونايف الشمراني 05-19-2009 01:53 AM

رد: شـيـخـة الـغـيـد
 
هذيك وجه الخير تجلب لي الخير
يا جعلها تبطي وهي (شيخة الغيد)


_________________________
سلمت و دمت يا ابو طهيفان و صحت لسانك
الابداع صفه مميزه و التصوير غاية الابداع دائما متميز يا ابو طهيفان ولاهو غريب عليك
انت تنهل من عدود عمقها بعيد
تقبل تحياتي و تقديري


الساعة الآن 02:24 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية