وش لون قلبك
وش لون قلبك ؟! قلت : بالحيل جزَّاع .. وإلى هدا نبضَه .. تعلَّى به الهمْ ! يمسي و يصبحْ ياخِذ اشْكال و انْواعْ ،، و تَضْرِبْ به الأمواج منْ يمْ .. في يمْ !الوقت .. حطَّمْ لي مجاديفْ و شِراعْ ! و سِفينتي قِدَّام عيني تِـ حـ طَّـ مْ ! ضاعَ الأملْ يا صاحبي .. - لوْ قلتْ ما ضاعْ ! - و اقبلْ ظلامَ الياس و الليل الادهمْ ! الليل يفتحْ جَرْح و الناس هِجَّاعْ جرحٍ جرحنيه الذي كان بلسَمْ !! أسهرْ ،، و اداري و اشْتكي مُرَّ الأوضاع القَلْب يَصْرخ و المشاعِر تِكلَّم .. أمشي و أنا عَطْشان في قَفْر الاوْجاع حافي .. و رى غيمه ،، يِمكن تِهَتَّمْ ! أشوفها و افْرح،، و لَلْبرق سَمَّاع وليا امطرتْ هلَّتْ سُمومٍ و علقمْ ! في دَاخلي قلبٍ شفوقٍ و مِطْواع لكنْ مَع الشِّدات ساطي و مِهْتَمْ ! و لابد بعدَ الليل من نورْ وَ شْعاع يِجْلى عنا قلبٍ تعلّى به الهَمْ ! |
رد: وش لون قلبك
مشكور اخي مسفر ركبه وسلامة قلبك من الامواج وقلبك انشاء الله ابيض
|
رد: وش لون قلبك
الله يسلمك
ومشكور على الكلام الحلو تحياتي |
رد: وش لون قلبك
الله يعطيك ألف عافيه من جد رووووووووووعه
|
الساعة الآن 03:40 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية