منتديات قبائل شمران الرسمية - إن كان تنشد عن علومي وأنا صبي

- المنقولات الأدبية (http://vb.shmran.net/forumdisplay.php?f=153)

- - إن كان تنشد عن علومي وأنا صبي (http://vb.shmran.net/showthread.php?t=57471)

إن كان تنشد عن علومي وأنا صبي

إن كان تنشد عن علومي وأنا صبي
ابتذكـرهـا واعلـمـك عـنـهـا

لو هي بصفحات ٍ طواها الزمن طي
جرة مطر جاهـا عجـاج ودفنهـا

ألعب طواريق الهوى مع هل الغـي
اثقـل المعنـى واخفـف لحنـهـا

والشعر يبقى في قلوب العرب حـي
ولا كل من سوى القصيـدة تكنهـا

وأنا حداها حدي الاصعـاب بعصـي
واقودهـا قـود الاديـب برسنهـا

والحب مردوده على صاحبـه سـي
كم ضحكـة ونَـات قلبـي ثمنهـا

أذكر سنة تسعه وتسعيـن هجـري
الـف وثلاثميـة بدايـة زمنـهـا

زلت بي الاقدام للشمس مـن فـيَ
اقـدار والاقـدار تومـر وتنهـى ّ

غافل وجتني من كوت خافقي كـي
كية عطـب لـولا طبيـب مكنهـا

أبعدت مضربها عن الصـدر بيـدي
ولدَت على كبـدي برمـح طعنهـا

وعرفت ماتخفيه في صدرهـا لـي
من واقع النظـرات منـي ومنهـا

نظرت فيهـا مثـل نظراتهـا فـي
وعجزت اقاومهـا وصديـت عنهـا

كل النساء ظلماء وهي بينهن ضـي
غطت شعاع الشمس أشعـة بدنهـا

من الذهب تلبـس خلاخيـل وحلـي
سـود محاجرهـا وحمـر وجنهـا

مدري تسمى من ومنين ومـن أي
وش هي قبيلتهـا وموقـع سكنهـا

راحت وانا مااعرف من اخبارها شي
الا رمـوز الموتـر اللـي حضنهـا

مدينة من بيـن ابـو ظبـي ودبـي
لعلهـا كاننـهـا هــي وطنـهـا

تمطر عليها السحب هـذي ورى ذي
وديـم الليـا قفـى تراهـا ودنهـا

الشاعر .. عبدالله بن زويبن