منتديات قبائل شمران الرسمية - افضل مطاعم في جدة واسوء مطاعم

- المنتدى العام (http://vb.shmran.net/forumdisplay.php?f=19)

- - افضل مطاعم في جدة واسوء مطاعم (http://vb.shmran.net/showthread.php?t=27998)

افضل مطاعم في جدة واسوء مطاعم

:la::la::la:
بصراحه جده في في كل شارع مطعم
يعني حكتب اللي افتكرها وكل ماافتكر شيء حكتبو هنا

اول مطعم شيزان الاكل فيه بصراحه متعه في حي الاندلس وله فرع في حراء وكمان في طريق الملك بس افضل فرع فيهم اللي في الاندلس
كاستلو مطعم ايطالي مره حلو بس موقعه بالضبط مو عارفه
وعيبه ان مكانه مو مره معروف ومو كبير
بابلز بصراحه يجنن خاصه المطعم الايطالي فيه وهذا في حي الحمرا جنب المستوصف السعودي الامريكي
فدركز كمان حلو وهذا في التحليه
وتقدري تاكلي في مكان مكيف او في حديقه
ستيك هاوس تقريبا طبقين اللي حلوين فيه ستيك الغرب الامريكي ومشوي الجمبري والمكان هادي نوعا ما وهذا في التحليه وفي طريق الملك

اروما او نكهة القهوة بصراحه وبدون مبالغه كل اكله طعم والجو مره حلو فيه
وهو تقريبا في حي الاندلس او الكورنيش مني عارفه بالضبط ايش اسم الشارع

ابل بيز عندهم بعض الاكلات طعمه
الابي تايزر طعم ودجاج فيستا لايم والفوتشيني كمان طعم والباقي ماانصح فيه وهذا برضو في حي الاندلس

مطعم ابو شقرا كمان اكلو حلو وشويه دسم نوعا ما

مطعم الخليج الصيني اكلو مرررره حلو
في حي السلامه بس تقريبا غالي شويه

المطعم الصيني في التحليه مره حلو اكلهم
وتشيليز كمان حلو اكله بس انا اكره الزحمه اللي فيه
وفي مطاعم الوجبات السريعه
بنينوس _ هارديز _ كابو غريلو
ودومينوز بيتزا _ ليتل سيزر

اما اسوأ المطاعم (( نكهة زمان )) المطعم ولافيه ريحة النظافة يوم سمعنا البنت تصرخ في مكان العوائل والناس اتجمهرت من كل مكان وبعدين اتطح انو في( وزغة) طاحت على صحن الفول في مطعم نكهة زمان وتعالو شوفو العالم كيف خرجت تسب في صاحب المطعم

ومطعم بابا جونز استغفر الله رميت كل الاكل اللي اشتريته منهم في الزباله
جيلاتو اكلهم مو طعم
ماكدونالدز وكنتاكي كنت احبهم بس شفت افلام وتقارير في الشوتايم عنهم كرهتم

واذا افتكرت شيء حقولكم عليه