الشاعر منيف الاكلبي
هذي قصيده لشاعر الكبير منيف بريك ابن شماخ الاكلبي قالها في ابنه الاكبر بريك (رحمه الله) اثناء تنويمه في المستشفى
في الرياض لاجراء عمليه في عينه يالله يـارزاق عــوج المناقـيـر=====ماله رصيد كـود ريـش ومنقـار ابرج لمن كنه على واهـج الكيـر====قلبه كما طير على كـف صقـار وعينه قزت من نومهـا يامناعيـر=====كنه يداويهـا المـداوي بزنجـار ورجل تحير سيرها مقـدر اسيـر=====والطير لا كسرت جناحيه ماطـار سبة رفيـق جـاري لـه عواثيـر=======خلاني اصاحب شوردي وشمشار وخلاني اخضع للوجيـه المثابيـر======واضحك وانافوقي من الهم قنطار لاون زاد الهـم فوقـي قناطـيـر=======وكنه يدق بثومـة القلـب مسمـار ارعى خياله قد عينـي بتصويـر======واقتم ليا قتم وارشـرش لياسـار واطلب له التوفيق من والي الخير======ورجيه رجوى البدو هتاف الامطار يدعون لاشافـو نصوبـه مزابيـر=======متى يجي في الارض نور ونوار ارجيه يسمع كلمتي ويـن باشيـر=====لاقربت الخطوه وكلـن الانضـار وغديت مثل موايق بسفـل البيـر======وجا للعصا عندي محـل ومقـدار ولا يطـاوع ضايعيـن التفاكـيـر=======إللي لهم في الجهل جوله ومشوار كبار الدفوف أللي سواة الخنازيـر=====ولا يقدر واجب الضيف والجـار وليـا نهيتـه مايطيـع الاشاويـر=======هدار باعراض الاجاويـد هـدار لكـان عورفيـه لمـع المغاتيـر=======لئيم جعله جار فرعون في النـار يقول انا عنتـر وناسالـم الزيـر======لوكان في الشدات يرتاع من الفار وقول الشاعر في شوردي وشمشار هما دكاترة بريك منقوله |
الخ الكريم سلطان الاكلبي
قصيده رائعه فلك الشكر على هذا النقل الجميل تقبل مروري واطلاعي اخوك ابوحوفان |
قصيده رائعه
الله يعطيك العافيه شاكر ومقدر لك هالنقل تقبل مروري المتواضع تحياتي لك بن صهبان |
لاهنت اخي سلطان على النقل المميز 0
يعجبني ذوقك في اختيار القصائد 0 تقبل مروري |
ماقصرت
صح لسان الشاعر ولاهنت يا سلطان |
الأخوان الذين مرو على المشاركه مشكورين ولاهنتو يالغالين
|
واطلب له التوفيق من والي الخير======ورجيه رجوى البدو هتاف الامطار
يدعون لاشافـو نصوبـه مزابيـر=======متى يجي في الارض نور ونوار ================================================== ===== ::سلطان الاكلبي:: يعطيك العافيه على نقلك للقصيده والله يرحم اخونا بن بركي وصح لسان الشاعر..تقبل مروري واحترامي |
الساعة الآن 07:15 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية