منتديات قبائل شمران الرسمية - يالعيد تكفى ارحم اللي ذاب خفااقه طالبك يالعيد طلبه .... لآ تعنيني

هلآ بكــــم ،*_-

ارحبوا وكل عام وانتوا بخير وصحة وسلامه ،
وعيدكم مبارك ،

http://1.bp.blogspot.com/_G4eT-Oz39V...0/s400/eid.png

العيد فرحة ولكن ،،
يعيش البعض حزن فرآق الاحبه ، ربما احد من الاهل او صديق
وكذلك الحبيب .

يالليلة العيد قلبي باحت أشواقه
وكثر الهواجيس تأخذني وتطويني

زودٍ على الهم قلبي زايد إحراقه
عليل واللي وطا نفسي يكفيني

يا العيد لك وحشةٍ بالحيل حَرّاقه
وذكرى تْجول وتسكن في شراييني

يالعيد كلٍ يعيش بقرب عشّاقه
وأنا بها العيد مغير أصفّق يديني

مغير اصفق ايديني

في نفس هاليوم خلّي عزّم فراقه
وراحت سنه كامله ما شافته عيني

يوم إنجلا الليل وأضوى الصبح بإشراقه
وقام أقرب الناس بالفرحه يهنيني

قمت أبتسم له وأزيد الجرح بعناقه
وأنا على طريف والكلمه تبكّيني

ما ودّي أبوح سرّي وأكشف أوراقه
ما دام به شيء يلزمني ويعنيني

يالعيد تكفى ارحم اللي ذاب خفااقه
طالبك
طالبك يالعيد طلبه .... لآ تعنيني

يالعيد عيبٍ على اللي يتبع الساقه
وعيبٍ على اللي تشكه فيني وفيني

والقلب مهما يحس وتحمل أعماقه
ابيه يرفع مقامي ما يوطيني
مايوطيني

ما أحب لا جاء مجال الهرج وخناقه
شيءٍ بعين أقرب ربوعي يردّيني

والكلمه اللي تجي من الباب للطاقه
تهز قلبي وتزعلني وتعميني
تعميني

وما دام حزني يجي ويروح بإسراقه
ما والله أقول تكفى
تكفى لا تخليني

ولاصار قربه وشوفه عندي شفاقه
ماعاد تفرق معي لا راحت سنيني

لاراح عني وخلى العيد بإشراقه
يكفيني إنه بهاللحظات يطريني
يكفيني إنه بهاللحظات يطريني
يكفيني إنه بهاللحظات يطريني

والا أنت يالعيد جبت العيد بإفراقه
وهذي سنه كامله ما شافته عيني