منتديات قبائل شمران الرسمية - الا من يجيب العلم والا يوديه !!!!!!!!!!!!!!!!!!!!!!!

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

الا من يجيب العلم والا يوديه !!!!!!!!!!!!!!!!!!!!!!!

الا من يجيب العلم والا يوديه
الى الصاحب اللي قد ذبحني غرامه
.
سكن وسط (جدة) جعل ربي يخليه
دخل حبه بقلبي وصوّب سهامه
.
عليم الله اني ميّتٍ فيه واغليه
يا لبيه لا كلّم وجاني سلامه
.
من اهـل الجنوب اصله وذي ميزةٍ فيه
ولهجة اهَـل جدة بدت في كلامه
.
طبوعه ظريفة حيلْ سبحان معطيه
سحرني بحلو الهرج والابتسامة
.
وفي ٍ معي ما يلحقه بي مشاريه
تعلى عن حدود الخطا والملامة
.
ومن عامله يرفع لقدره ويعليه
على الناس يفرض هيبته واحترامه
.
لمحته بسوق ٍ عفت انا من مشى فيه
بعَـد ما حضر والمشي مشي الحمامة
.
تمنيت ينظر لي واجي له واحاكيه
وفعلا تلفت لي وشال اللثامة
.
وشفت الجمال اللي على الوجه يكسيه
خدودْ وعيونْ وفوق شفـّـته شامة
.
وجسم ٍ منعّم فوق زينه يحلّيه
الا جعل كل الغيد تفدى عظامه
.
ومن بعد وصله حاول البعض يقصيه
وهذي فعول اهل الردى والنمامة
.
يبي يبعد اللي قد صفى عن مصافيه
حسودٍ عساها ما تجيه السلامة
.
يحسّبني اترك من صفا لي واجافيه
وقلبي بحبه قد تزايد هيامه
.
هذا مابغيتك يا مودي توديه
الى الصاحب اللي قد ذبحني غرامه !

رد: الا من يجيب العلم والا يوديه !!!!!!!!!!!!!!!!!!!!!!!

صح الله لسانك اخي راجي الوصل .. وابطيت علنا ماعاد شفنا لك جديد
لكن أرضيتنا بهذه الرائعة التي تعودنا ان نقرأها منك.

تقديري لك

رد: الا من يجيب العلم والا يوديه !!!!!!!!!!!!!!!!!!!!!!!

تمنيت ينظر لي واجي له واحاكيه
وفعلا تلفت لي وشال اللثامة
.
وشفت الجمال اللي على الوجه يكسيه
خدودْ وعيونْ وفوق شفـّـته شامة
مشكور اخي راجي الوصل على القصيده الجيله

رد: الا من يجيب العلم والا يوديه !!!!!!!!!!!!!!!!!!!!!!!

شكرا اخ علي هذه القصيده الجميله القصايد موجوده عندى من رمضان اكيد تذكر الزياره تقبل مرورى بن عسرى

رد: الا من يجيب العلم والا يوديه !!!!!!!!!!!!!!!!!!!!!!!

راجي الوصل

وين الناس وسلامة الغياب

وحياك الله من جديد بهذه القصيدة الرائعة التي امتعتنا بها لا فض فوك

انت شاعر جزل ومتمكن ونتمنى منك ان لا تبخل علينا بتواجدك وكل جديد لك

تحياتي ودمت بود