منتديات قبائل شمران الرسمية - قصيدة مهداه لأبو نايف

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

- - قصيدة مهداه لأبو نايف (http://vb.shmran.net/showthread.php?t=31974)

قصيدة مهداه لأبو نايف

البارحة هيضــي تقــافت معــــــانيه ### لا شك يدفعني على الهـــيض تفــكير

احب راعي المــرجلة و اقتنع فــيه ### و لا عاش راس مـا يحب المـــناعير

فسلام يا رجل(ن) نـــحبه و نــــغليه ### سلام(ن) احلى من حليب المــغاتير

بو نايف اللي حاضره مثـــل ماضيه ### سعد الرفيق و سعد ربع(ن) مسايير

الاصل ساسه و الوفاء من مبـاديه ### و ما صار له مع جــور الايـام تغيير

دايم على العليا تسابق خطـــــاويه ### و يسعى لها لو طــولن المشـــــاوير

ما احدن من ربوعه هقا بالردى فيه ### حاشاه من درب يجــي منه تقصير

طبعه يجمـــع ما يفرق بنــــــاخيه ### و عز الله ان شرواه في وقتـــنا غير

فيالله عسى مثله تطول مـــــهاليه ### و يا رب مهل للـــوجيه المـــــسافير

الشاعر/مبارك بن عثمان بن ثواب

رد: قصيدة مهداه لأبو نايف

صح لسانك ملايين يابن ثواب

قصيدة رائعة وجميلة جدا

بيض الله وجهك علاها وكفيت ووفيت

ويستاهل شاعرنا الكبير والفذ ابو نايف وفعلا هو رجل وفا ومحب لقبيلتة وبناخيه كلهم

دمت سالما ومعافا

رد: قصيدة مهداه لأبو نايف

شاعر مبدع امتعتنا بالدرر
صح اللسانك يالذيب والى الامام ويستاهل ابو نايف
لاهنت
اعذب التحايا لك

رد: قصيدة مهداه لأبو نايف

الاخ/دماوي حيل والاخ/ المصعبي شكرآ لكما على ردودكما الطيبه

رد: قصيدة مهداه لأبو نايف

تسلم والله يابن ثواب شاعرا جزل ويستاهل ابونايف كل خير

رد: قصيدة مهداه لأبو نايف

ابيات جميله ورايعه
وفقك الله اخي مبارك

رد: قصيدة مهداه لأبو نايف

بسم الله الرحمن الرحيم

.. ماعليك زود يابوعثمان وبيض الله وجهك وصح الله لسانك ..

أسأل الله العلي العظيم ان يجعلني وايآك من عباده المحبوبين والصادقين والوافين في الدنيا والآخره

[[ جمل الله حالك وفاءك وتقديرك محفوظ على الراس وفي القلب يابوعثمان ]]

رد: قصيدة مهداه لأبو نايف

قصيدة رآئــعه فيــمن يستحقهآ
أبو نآيف مثآل لأبنآء شمرآن كلهم ..
أطال الله في عمره على الطاعات ..

تبريــــــ د

رد: قصيدة مهداه لأبو نايف

صح لسانك يا بن ثواب

و ابو نايف يستاهل كل خير

رد: قصيدة مهداه لأبو نايف

صح لسانك ويستاهل ابونايف