منتديات قبائل شمران الرسمية - اعرف علامات الردي من صدوده 🍀

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

- - اعرف علامات الردي من صدوده 🍀 (http://vb.shmran.net/showthread.php?t=67344)

اعرف علامات الردي من صدوده 🍀

اعرف علامات الردي من صدوده

https://i.pinimg.com/originals/31/68...75fe56b02b.gif

اعرف علامات الردي من صدوده
لا صار ما يبغاك تعرف نواياه
خله بحاله لا تبيح سدوده
هذا ترى عرفه وطبعه ومجناه
لو كان يثبت بالمجالس وجوده
ويحكي بوجهك والمخبا بمخباه
لا غاب ما ياقف بموقف حدوده
إلا على حقوق الجميع يتعداه
تراه نقصه ما يلاديه زوده
لاياك ترضا بكل ما كان يرضاه
رعا الفواحش لا تقرب حدوده
ترى بلاه احيان من شين مرباه
ومن شب على شيٍ لزومٍ يعوده
لو يتركه لا راح ما اقرب معشاه
والناس لو تغضب عليه وتذوده
نجسٍ وبيٍ يلحق الناس عدواه
وعند المراجل كابيات ازنوده
ينسون فزعاته وينسون طرياه
رجالته على الوجيه محدوده
العيب بأخلاقه وباقي سجاياه
العاصي احذر يعجبنك جهوده
حتى يعود لطاعة الرب وارضاه

الشاعر/ نافل علي الحربي