|
اعلام الديره
بسم الله الرحمن الرحيم بقلم الشاعر الدكتور / ناصر الزهراني من المورثات الشعبية لمنطقة الباحة ما كان يسمى أعلام الديرة والسيرة .... وهي عبارة عن نشره إعلاميه يتلوها كل ضيف إذا زار احد الأخر وبعد تناول القهوة يقول الضيف أعلامنا خير ويقول المضيف يالله في الخير ثم يبدأ في الحديث . وهي فن أدبي جميل يقوم على السجع والكلمات الموزونة كانت تحل محل وسائل الإعلام الآن وهذا نموذج منها بلهجة أهل الباحة ... أعلامنا خير يالله في الخير ... الديرة والسيرة واحده ... لا وارده ولا شارده ... ساره قاره ... الأرض غبره وعند الله الشبره ... لا مريض ولا عريض ... عايشين في ديارنا والله حامينا ... أما الأمطار واقفه والابيار ناشفه ... ولكن الله يرحمنا ولا يحرمنا ... وغيرها سهود ومهود ، وأمان وسعود ... والله يحفظ لنا آل سعود ... شفنا الخير يوم شفناهم ... وعرفناه يوم عرفناهم ... أما الأخبار ماعاد فيها أسرار ... تغيرت السنوات وانفكت علينا هذي القنوات ... وصارت أخبار العالم سهله ،تعرفها حتى الكهله ... تلقاها متكيه عندها شاهي اخضر ، وكركديه وسنوت ، وعصير كرز مع التوت ، وشوية قرص مفتوت ، وفي أيدها ريموت .... وقاعده تقول ياليت لحقت عمري قبل الموت .... والشايب (( لايزعلون الشيبان)) مولع الغليون ، ويتفرج على من سيربح المليون ... المهم ياخونا الصالح قلبت القنوات البارح ، يمكن ألقى حاجه زينه وتعبت والله من الأخبار الحزينه ... جيت والسياسه تعاسه ، العراق ذبح ومذبوح ، وريحة الدم تفوح يالله ترحم العباد وتهلك أهل الشر والفساد ... وزادت الأحزان يوم اعتدوا على لبنان ، والله شي ماسك القلوب . وش ذنب الشعوب تروح ضحية ملعوب ، وتطحنها الحروب ، وفلسطين في الحصار مبطين .... ومساكين جماعة هنيه ، ماشافوا ولا ليله هنيه .... والله يعين حماس ، لا يختلف دباس مع عباس .... ويجي الفأس في الرأس ... وأبشرك خادم الحرمين الله يحفظه له جهود ، لو اليهود يوفون بالعهود ، وبعض الأمور يبغى له حكمه ودراسه ، وفهم وسياسه . هيا قلي وش الفايده يوم يروح صاروخ ويوقع في شجرة خوخ ، ويرجعون يهبدونك لين تدوخ ، ويقتلون الأطفال والشيوخ .... ياخي اصبر لين يصير عندك قوه وبعدين اللي في راسك سوه . ولكن شوف ترى الصادقين الله بينصرهم ، المهم ياخونا الصالح ماتقول إلا قلت وش لي ولـ اللباشه ،خلني اقلب الشاشه ، واعرف بقية الأخبار ، وأحوال الأمطار ... لقيت لك أكثر العرب غارقين في الطرب ... وأكثر الشباب متبطحين ... وعند الشاشات متسدحين ... تصدق الواحد ماينفع أمه يجيب لها شوية طحين .... تلقاه يسحب بنطاله ، ويصاحب أهل الخطر ... ويقول البلد فيها بطاله ،!! قلنا نروح السوق شاقنا الشوق ... نشري ونبيع ... ونتذكر المد والربيع ... ما دام البيت فاضي ... خلنا نمليه مقاضي ... قالوا لي وش سوق ما سوق ، هيا معنا لسوق الأسهم وابشر بالدر المنثور ... بعت البيت والبقره والثور ... واثرن حظي معثور ، وبندقي مايثور .... روحت الدراهم وقعدت أنا وكهلتي بالأربع نهللها .... ونقول والله مانعلها ... اوووووووووووووه ياقلبي ... والله تقول ان فيه مسامير والانيران شابه ... حسبي الله على ذولا الهوامير ... صحيح ان السقيفه ماتطيح الا على الضعيفه .... تصدق اللي صار هذا أصاب الناس بالهول ... وبعضهم انحوس ،وبعضهم عقله انلحس ،بسبب كد الفلس وبعضهم كان كاشخ باللانركروز ... ومشغل فيروز ويتغدى في الباحه ... ويتعشى في القوز ... وجناح بالفيصليه محجوز ... والحين ماعنده الا عراوي ،ويتسدح في القهاوي ... وكن عنده مغص الكلاوي ،وانهالت عليه البلاوي .. وقاعد يغني ... قلبي اللي لواه من الصواديف لاوي... لكن الله يجبر لهم بالخساره ،ويحلي أيامهم بعد المراره .... وأبشرك أبو متعب الله يحفظه نظر وقال ابشروا بالعوض .... وكون لجان لمعالجة ماكان ... وقال بصوت مدوي .. للي صار أنا له معيي .... قلنا تسلم يابعد حيي .... المهم وجاك بعض الخسرانين بعد العشاء وكنهم سكرانين ..... وبعد ماصلى كل واحد فرضه .... قالوا ليش نقعد كلا مهموم بدينه وقرضه وبيعة أرضه ... تعالوا ندقها عرضه |
أبو عبدالله
يعطيك العافية ، نقل موفق ولاهي بغريبة منك دايم تحطها في الشحم 0 وبصراحة كلام على قولت المصريين في المليان ، بس ماهي غريبة من الدكتور ناصر 0 سلمت ياشيخ من نسل شيوخ , ولا عدمناك 0 |
يعطيك الف عافية شيخنا الفاضل
كلام جميل ومعبر وله مغازي سامية تقبل مروري |
ابو عبدالله
نقلت فأجدت وأمتعتنا بهذا الطرح الرائع لك مني تقديري وجزيل شكري فكم من الفوائده نستقيها من خلال اطروحاتك ابوحامد |
الابداع لا يكون الا وسام ع صدور المبدعين
دمت مبدعاُ يا ابا عبدالله ودي لك و للجميع |
تسلم يابوعبدالله والله لقدفرحت عندما رايت اسمك على الموضوع الله يبشرني بسلامتك
اخوك / بن طهيفان |
كلام جميل من كاتب جميل ومن ناقل أجمـل
بيض الله وجهك يابو عبدالله تقبـــــل احترامي وتقديري |
رائعة المحسنات البديعية في هذا الكلام
يعطيك العافية اخوي حوفان بن عبدالله على النقله المتميزة وبيض الله وجهك وعز مقدارك .. ـاخوك / صالح عسكر |
| الساعة الآن 05:44 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية