قصيدة جميلة للطرقي
قصيدة للشاعر / حمد بن مسفر لشمراني الحب يبقى له تجاريب والغاز فيه المآسي والعلوم الطريفه وانا حداني الوقت امشي بعكّاز ربيع عمري راح واقبل خريفه واللي بيمشي الليل من دون مشراز يطب في صحرا الوحوش المخيفه واللي يغوص البحر يبشر بللماز الدرب واحد غير كلّـــن ابكيفه وكان القصايد صيد فنا لها باز انا اهتوي الصعبه واحب المنيفه اعشق صحاري نجد وسهول الاهواز والبحر الاحمر مركباته وسِيفه ولي برض تونس ذكرياتن ومركاز ومياه دجله والجزاير وريفه متولّعن برضي كما النار بلقاز والحب قتال القلوب الوليفه ولو حكّموني قلت للحب منحاز مثل انحياز اللي مضيّف لضيفه ياديرتي للحب راجي ومعتاز انا اعشقك لكن بروحن عفيفه اعجاز حبك والهوى كلّه اعجاز لا شك ابمدح والمعاني ضعيفه انا اشهد انّك ارض فخرن وانجاز فيك المعاني كلّ ابوها رهيفه نجحت في حبك بتقدير ممتاز عساني القى وسط قلبك وظيفه |
صح الله لسان الشاعر حمد
وبيض الله وجهك على النقل وعلى هذه الجهود تقبل خالص التقدير |
صح لسان ابو راكان قصيده جميله ولاهنت على ايراد هالقصيده |
صح لسان الشاعر والله يعطيك العافيه على النقل المميز |
صح الله لسان الشاعر حمد وتسلم على النقل
الشاعر حمد من الشعراء الجيدين ولاشوف له قصايد هنا |
صح لسان الشاعر حمد بن مسفر وسلمت يمينكـ أخي أبو راشد تحياتي واحترامي |
صح لسان أبو راكان
قصيدة جميله ومتميزه |
صح لسان ابو راكان
قصيده جميله |
رد: قصيدة جميلة للطرقي
اخي حمد
التميز لم يقال الا لكي تناله انت لوحدك لكن غياك عن المناسبات يسجل علامة استفهام كبيرة آمل الايضاح منك تحياتي لك |
رد: قصيدة جميلة للطرقي
صح الله لسان الشاعر حمد
وبيض الله وجهك اخي ابو راشد على النقل |
الساعة الآن 11:19 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية