منتديات قبائل شمران الرسمية - الهوى غلاب والبنت طرقا واطخما

- المنقولات الأدبية (http://vb.shmran.net/forumdisplay.php?f=153)

- - الهوى غلاب والبنت طرقا واطخما (http://vb.shmran.net/showthread.php?t=51434)

الهوى غلاب والبنت طرقا واطخما

الله لا يسامحك يا نوف مدري يام نوف
الهوى غلاب والبنت طرقا واطخما

خيشتني تقول أقدم ولا يلحقك خوف
بس أنا وامي في هالبيت اتقول اغرما

مات أبوي ولا لي أخوان وأمي ما تشوف
قلت يا ربي عساها حقيقي ربما

واجبرتني للضيافة وأنا ماني ضيوف
ضيف لا بي جوع باين ولا بيه ضما

قلت هرجي يا بنت قلبي على هرجك لهفوف
زينها من فمك يا جعل فمك يسلما

قالت انته خبل مرجوج ما فيك أمعروف
حسب عرفي وتفكيري وربك يعلما

قلت: بي رجه ما هي من مرض رجة ظروف
وأعرف أن الناس بعقولها ما هي سما

قالت العجوزة كيف قلت العجوزة في ذلوف
العجايز للمحبين سلطة من سما

قالت بس معها سمع لا يمكن الهرجة تطوف
وانت وحظك يا تسمعك والا تسلما

ومثل ما قال المثل يا تعب ما انت مخلوف
جت على الأصوات ما كنها فيها عما

جت تخبط راسها أبيض مثل راس الخروف
ووجهها يخرع مثل وجه مصاص الدما

والسنون اثنين كنك تطالع في بلوف
واحدٍ باسفل حنكها، وواحدٍ بالجما

قالت من اللي يطقطق هنيّا قلت نوف
أثر قاصد شوفها ولا فيها عما

الله لا يسامحك يا نوف مدري يام نوف
الهوى غلاب والبنت طرقا واطخما

الشاعر.... سالم محمد المرواني