http://im58.gulfup.com/T2ZhP2.jpg


يا نقطة الضعف اسمعي منتي تهزّين الجبال
و مْحاولاتك فاشلة و مناضلاتك فاشلة

ياللي تحديتي القمم وشلك على صعب المنال
هذا مقامك وان تعديتيه منتي واصله

وانا طويلن في مقامي يوم كل اهلي طوال
وانتي تسلقتي على ساقي بكبوة كاحله

انتي بفاس الفتنة اللي دافعه غل و ظلال
يكسر من اشجار الثقة للنار شيّن تاكله

وانتي تشوفين اننا من خوف نصنع لك مجال
لا ما دريتي ,, ضعف حالك كلنا نتجاهله

وانتي تسوقين الفتن و الضعف في روس البغال
وانحم حرار و لا تحسْبين البشر متماثله

ترْبِين ولدك في شباكك با مجودْة الغلال
لين اصبحت اجيالكم عند القدا متكاسلة

انتي عرفتي تقنعين ان الحقيقه و الخيال
متداخله , في كل صعبة قلتي انْها ساهله

وانتي عرفتي كيف ولدك تكسبينه بالدلال
لين ارتخى عند الشدايد يحْسِب انْها هاملة

قلتي له ان الخوف نص المرجلة عند الرجال
و الحكمة اللي من لسانك ما برت مشاكلة

غيرتي الاحكام والامثال في صنع المثال
اللي تغنينه على ولدك وساوس باطله

وان طاح ولدك وان تعثر من يمين و من شمال
لمتيه يوم اللوم به حقّن على فعايله

لكن انا باعلمك الله ملك كل الكمال
وعباد ربي كلها ما فيه منها كاملة

يا نقطة الضعف افهمي انا سلكت الاعتدال
مها تقولين ارفعي صوتك ولا بحتاج له

وزنت حكمك لين حكمك ما جنى لي راس مال
ما قد جنى غير التعب واللايمة متراسلة

وزنت حكمك داخل الاطراف واصلاح الحوال
والا بحكمك ما يجيب الا اطرفن متقابله