سولفوا تكفون لا عاد تسكتون
 

سولفوا تكفون لا عاد تسكتون
قبل لا أهوجس وياتيني بلاي


السكات يزود طعوني طعون
وتنكسر لا جا على راسي عصاي


سولفوا لو ما بغيتوا اتسولفون
قبل لا اقعد في الحزن رايح وجاي


واضحكوا لو بالعماله تضحكون
وجاملوني لو يضايقكم حكاي


لي وليفٍ راح جعله ما يهون
هو دواي وداي أو داي ودواي


راح لكن طيف زوله في العيون
مرةٍ قدامي ومرة وراي


وإن سكتوا جا وهو طيفه يمون
رحت أهوجس له وأبين له ولاي


مكسب عيوني من الفرقا مزووون
تمطر لطاريه والبرق ؟ أصدقاي


كل ما طروه لو هم يمزحون
احرموني من غداي ومن عشاي


أدري إنه ما تناسى الود كون
تسمع إذنه في قفاي اللسن عداي


وكانهم قالوا نسيته يكذبون
وإلا أنا فيه أمتلك نظرة وراي


كان حبه لي على خبري مصون
والله ان كني بقدري وبغلاي


ذي بقايا الحب وأطلال الجنون
والله أعلم في ضميره وش بقاي


غير طيعوني ولا عاد تسكتون
ولا والله إن أسمعكم بكاااي

الشاعر.... محمد بن فطيس

رد: سولفوا تكفون لا عاد تسكتون
 

رد: سولفوا تكفون لا عاد تسكتون
 

ألاخت الغاليه شذى الياسمين
شكرا لك على تعقيبك
وتواجدك بمتصفحي
لك مني أجمل تحيه وتقدير

رد: سولفوا تكفون لا عاد تسكتون
 

رد: سولفوا تكفون لا عاد تسكتون
 

ألاخت الغاليه ريحانة الطيب
ياعسا عمرك طويل واضحكي
ثم اضحكي وتضيحكي لانه
يسعدني ويشرفني
شكرا لك على تعقيبك
وتواجدك بمتصفحي
لك مني أجمل تحيه وتقدير

رد: سولفوا تكفون لا عاد تسكتون
 

رد: سولفوا تكفون لا عاد تسكتون
 

أخي الغالي ومديرنا الفاضل
ابو تركي
شكرا لك على تعقيبك وتواجدك
المستمر بمتصفحي لاعدمتك
لك مني كل الشكر والتقدير والاحترام