منتديات قبائل شمران الرسمية

ياهجوسي جمليني وافتحي البيباني
افتحي لي كل بابً موصدً بالظبه

ودي اءنثر من ورد. المعرفه مجاني
دن نار المعرفه والقافيه مشتبه

واتلاعب المعاني وابدع القيفاني
في رضا ونعم نقدر رفقتة ونحبه

الرشيدي يا سفير الجود والسلطاني
في يمينه الجود مثل المزنه المنصبه

رف بالجنحان واصعد يالصقر شيهاني
ابتنا فوق الكواكب والثريا قبه

الرشيدي ونعم يا مكرم الضيفاني
والحظوظ مقسماتي و العطاء من ربه

نسل قومً في ملاقات العدا شجعاني
تذهل اعقول الخصوم ولا تلاقي طبه

ال شنيف اهل الوفاء وترجح الميزاني
اهل الامداح يا الله حيها من لابه

مرحبا في مرحبا يا كل ضيف وعاني
والسمي يا مرحبا والي حضر في صحبه

ابوعلي راعي الشكاله معرب الجداني
من رجالً للعلا والطيبه كسابه

اسمنا شمران بالعز من قديم ازماني
كل قلبً بالضغينه اتصدره في غبه

راية العز والغلا لشيخ بن حوفاني
شيخ عز وشيخ عرف وكلنا نفخربه

ياوطنا يا شموخ المجدوالعنواني
العدوا ما يهتني زاده. ويهنا شربه

الشريعه حكمنا ودستورنا القراني
الرصاص الحي في قلب الردي والحربه

رفرفي يا راية العز في ذرا سلماني
الوطن سور عليه ومسكنه في قلبه