منتديات قبائل شمران الرسمية - عزاه يا همٍ لجا بين الاضلاع

- المنقولات الأدبية (http://vb.shmran.net/forumdisplay.php?f=153)

- - عزاه يا همٍ لجا بين الاضلاع (http://vb.shmran.net/showthread.php?t=52603)

عزاه يا همٍ لجا بين الاضلاع

عزاه يا همٍ لجا بين الاضلاع
همٍ يمزع سترت الجوف تمزيع

همٍ يقلبني على كل الانواع
ليما غدت ليحان صدري لعاليع

القلب مجروح ومن الهم منصاع
كما يصوع الصيد حر المرافيع

حراً مخاليبه على الصيد بتاع
اليا اعترض له خرب يلفعه تلفيع

عليك يا اللي هلت العين الادماع
وزادت همومٍ بالضماير مواجيع

ملكتني واقفيت والقلب ملتاع
مالك ورى تعذيب روحي منافيع.!؟

فارقتني وانا اطلب الله الاجماع
بيني وبينك يا بعيد المرابيع ..!

اسهر من اجلك واكتب الشعر ببداع
ماجيبها هزله ولاهي بتجميع

اكتب لك اشعاري كما الولو لماع
ماهي سوات الشمع بالنار وتميع

يا فاقد الاحساس مال الهجر داع
جرحتني وخليتني للملاويع

ارسلت لك وانا انتظر منك الاسناع
ولا شفت منك الا صدود وتمانيع

لا اظلم سواد الليل والناس هجاع
قامت توارد لوعتي والتفاجيع

هم وغرابيل وهواجيس واوجاع
دايم على روحي مقافي مراجيع

اصفق بكفاً كف واعض الاصباع
وضيقات صدري جالها بالحشا ريع

ابكي واحس بداخل القلب الاوجاع
وعيني تهل الدمع مثل الينابيع

خليت معلوق الحشا منك منلاع
وهمي بجوفي ينزع الروح تنزيع

حفظت لك عهد المحبه ولا ضاع
ارخصت لك روحٍ عزيزه ولا بيع

حاولت اسلي خاطري عنك ما طاع
تلفي علي اشواق قلبي مفازيع

الشوق قاسي وفج بالصدر مصراع
جارت على قلبي همومٍ دوافيع

واليوم حبَك بدفنه في ثرى القاع
لو القلب يعصاني بحبك فلا طيع

ماني من اللي / للمقفين تباع
متبعك لو عميت عيون ٍ مداميع

الحب لو كانت افجوجه اوساع
لابد تأتيك النهايه بتوديع.

سعود بن ماضي العطاوي